الأخ (محمد عربي) ضيف ... افتح قلبك مع ( دمعة فرح )لهذا الإسبوع

[عاشق الوطنية]

[M-AraBi]

شمتان ما هيك

ماشي
!!!!!!!

[ماهرالفيزو]

اخي محمد عربي
كيفك وشو اخبارك انشاء الله دوم بخير

شو عم تعمل شو عم تسوي وين عم تروح وين عم تجي شو عم تاكل شو عم تشرب شو اخر اعمالك كيف الجو عندك كيف الشباب

اما بعد نبدي الاسئلة:


كم عمرك
كم طولك
كم وزنك


شو افضل كتاب قريته
شو افضل فلم اجنبي تحب تشوفه
شو افضل فلم عربي او مسلسلل عربي حضرته
شو نوع الافلام الي تحب تحضرها

ماشاء الله عليك تحب المازدا متلي بس بسوريا كم حدود السرعة عندك بحالة انك فاضي وطريق فاضي
شو اللون المفضل عندك للسيارة

فينك تعيش حياتك بدون
جوال
نت
طلعات وسهرات



مطربك المفضل
ممثل مفضل عربي
ممثل مفضل اجنبي



....:. التاسمح شو يعني بنظرك التسامح



شو تحب تسمع من تكون بلسيارة

هل انت مدخن شو نوع دخانك لو كان الجواب نعم

شو تحب نضيفك يلا بعدين بعزمك

بحياتك في حب طبعا قصدي واضح حب زواج

لمن تكون متضايق وين تحب تروح ولمن تشكي همك
العكس لمن تكون مبسوط وين تحب تروح ولمن تعطي فرحك



شو رايك بالقناعة
شو رايك بالعاطفة
شو رايك بالكذبة البيضة
شو رايك بلحنان للمصلحة الخاصة



مشكور حبيب القلب محمد

النا رجعة لو الله كتبنا عمر

والاسئلة على قد المحبة ولسا بحبك كتير

[M-AraBi]

اخي محمد عربي
كيفك وشو اخبارك

الحمد لله ، أهلين ماهر باشا ، شرفتنا، والله يستر

ان شاء الله دوم بخير

إن شاء الله ، تسلم كلك زوق من تحت لفوق

شو عم تعمل شو عم تسوي وين عم تروح وين عم تجي شو عم تاكل شو عم تشرب شو اخر اعمالك كيف الجو عندك كيف الشباب

لك هدي شوي، شو علقت معك
ههههه
خلص أخي كل شي منيح وتمام

اما بعد نبدي الاسئلة:


كم عمرك

تاني مرة بنسأل : ان شاء الله بكرا بفوت بعمر ال21

كم طولك

حوالي 185 سم

كم وزنك

تقريبا 100 كغ أو أكثر بكم كيلو
الصراحة ما بحب زين حالي كتير من شان الصدمة

شو افضل كتاب قريته

مكاشفة القلوب (المقرب إلى حضرة علام الغيوب) لأبو حامد الغزالي

شو افضل فلم اجنبي تحب تشوفه

والله صرلي فترة ما حضرة أفلام بس أكثر شي حبيتو : THE MARINE لجون سينا

شو افضل فلم عربي او مسلسلل عربي حضرته

الأفلام العربية : كده رضا و أولاد العم
أما المسلسلات : فأكثرهم بعلو القلب مع أني كنت كتير تابع مسلسلات بس هلأ داق خلقي من حبكتهم الدرامية لأنهم صارو كلهم راكدين ورا كم مشهد زيادة من شان يربحو كم قرش زيادة

شو نوع الافلام الي تحب تحضرها

الأجنبي : أكشن ومغامرات بشرط تكون القصة حلوة ولا شرط للبطل
العربي : الكوميدي (لأنو مافي غيرو خرج يتابع) وأفلام أحمد السقا
وعلى كلن صرلي زمان مو متابع أفلام

ماشاء الله عليك تحب المازدا متلي بس بسوريا كم حدود السرعة عندك بحالة انك فاضي وطريق فاضي

بشكل عام أنا ما بحب قيادة السيارة كتير ، ويمكن ولا مرة طلعت فوق المية
لأني ما بحب السرعة بالمرة

شو اللون المفضل عندك للسيارة

الذهبي للمازدا والأسود للمرسيدس

وبشكل عام حسب موديل السيارة بحب لونها

فينك تعيش حياتك بدون
جوال

تقريباً 90% ما فيني

نت

ايه

طلعات

تقريباً 50% ايه

وسهرات

ايه

مطربك المفضل

لحسن حظي أني لا أستمع لمطربين أبداً ، بل أستمع للأناشيد الدينية وأفضل على الترتيب:
الأخوة أبو شعر - مشاري العفاسي - يوسف وأحمد المزرزع وغيرهم كتير بحب هدول كتير مميزين عندي

ممثل مفضل عربي

كلو زي بعضو بس قصي خولي بحب تمثيلو

ممثل مفضل اجنبي

جيت لي

....:. التسامح شو يعني بنظرك التسامح

أن تفعو وأن تصفح عن كل من ظلمك أو أهانك أو كان ضدك في موقف أنت به على حق....
بل وأن نكون له صديق أكثر من الأول بعد ما حدث بينكم

شو تحب تسمع من تكون بالسيارة

قرأن - أناشيد - أخبار

هل انت مدخن شو نوع دخانك لو كان الجواب نعم

الحمد لله ما بدخن

شو تحب نضيفك يلا بعدين بعزمك

شي يبل ريقي لأنك عن جد نشفتو

بحياتك في حب طبعا قصدي واضح حب زواج

إلى اليوم لاء ، وأفضل الزواج التقليدي

لمن تكون متضايق وين تحب تروح ولمن تشكي همك

لصديق أراه يتفهم ما أمر به والحمد لكل وضع وحالة صديق

العكس لمن تكون مبسوط وين تحب تروح ولمن تعطي فرحك

للكل

شو رايك بالقناعة

القناعة كنز لا يفنى ، لكنها هذه الأيام فنيت من زمان

شو رايك بالعاطفة

أهم شيء بشخصية الإنسان ولولاها لكان اذا أي واحد غلط مع التاب بتصير بينهم مذابح

يعني لولا عاطفة الأهل علينا لكنا بخبر كان

العاطفة بنظري = محبة + تسامح + عفز

شو رايك بالكذبة البيضة

الكذب وشلون ما كان أسمه كذب ، وهي من الأسماء اللي يدلس علينا بها، حتى نقع بالمحظورات.

قال صلى الله عليه وسلم:" ليس الكذاب الذي يصلح بين الناس ويقول خيرا وينمي خيرا "رواه مسلم
( قال ابن شهاب : ولم أسمع يرخص في شيء مما يقول الناس كذب إلا في ثلاث : الحرب ، والإصلاح بين الناس ، وحديث الرجل امرأته ، وحديث المرأة زوجها )

شو رايك بلحنان للمصلحة الخاصة

ما فهمت قصدك منيح
بس يمكن قصدك أنو الواحد يتقرب اليك من شان مصحلتو
اذا هيك: فهذا نفاق ، وانا أفضل أن أمشاي هذا الشخص مثل ما بدو وكمان بساعدو اذا قدرت،
لعل وعسى الله يهديه ويعرف خطأو وكمان وأنا عم مشي مصلحتو بقلوا بطريقة غير مباشرة أني بعرف شو نيتك لكن كرم أخلاق مني رح مشيلك ياها

مشكور حبيب القلب محمد

يا هلا بالغالي

النا رجعة لو الله كتبنا عمر

والاسئلة على قد المحبة ولسا بحبك كتير

كثر خيرك على هيك محبة
ولي اذا كان الأعضاء بحبوني مثلك
معناها ما بنام اليوم

ماهرالحبيب اذا بتغير الخط شوي أريح الي والك