وينكم جماعه الاكل

[Sanaa]

سنة خير علينا وعليكي يارب وعلى سورية الحرة مو وستين الف مو بدنا اكلات حبابة انتي مالي غيرك اصلن من بعد الله بهي الحياة انا الله يساعد وفقير ومالي حدن شفتي انو رح تبكي على حالتي

لااا ... مو رح ابكي ...
بكيت و مشي الحال :( ههههه

[Sanaa]

يلا انا رح بلش ... بـ طبخة كتييير فظييعة :)
ألا و هي ... الفتوووش ....





اولا بالنسبة للمقادير :

3 حبات بندورة
4 حبات خيار
1 بصلة عادية .. أو 3 بصل أخضر ( حسب شو بتحب )
1 فليفلة خضرا و ممكن كمان 1 فليفلة حمرا ( كرمال يصير في ألوان اكتر :) )
1 حزمة بقلة
1/2 حزمة نعناع
1 خسة صغيرة
شوية زعتر أخضر
1 ملعقة كبيرة سماق
1/2 كاسة رمان
1/2 كاسة زيتون أسود مقطع
رغيف خبز ابيض مقطّع و مقلي ( او محمص )


طبعا ممكن تختصر شي من الخضروات يلي ما بتحبها ... هلأ في ناس كتير ما بتحط فليفلة و لا خس و لا زعتر أخضر و لا حتى رمان
و كمان في ناس ما بتحط سماق او زيتون .... هاد الشي بيرجع لذوقك ...
انا كمان بضيف للمقادير السابقة شي ربع ملعقة شطة بودرة .. روعة ( إذا بتحب الشطة )
و اكيد كمان انت بتتحكم بالكميات .. حسب شو بدك ....


هلأ بالنسبة للصلصة :

3 فصوص توم مهروس
1/2 كاسة زيت
ملح حسب الرغبة
3 ملاعق كبار خل ... او 1/2 كاسة عصير ليمون ( متل ما بدك ... بس أصوله بـ الخل )


اما الطريقة :
بتقطع كل الخضار بالطريقة يلي بتحبها ( قطع صغيرة او كبيرة ) و بتخلطها مع بعض
بعدين بتخلط مكونات الصلصة مع بعض و بضيفهم فوق الخضار
آخر شي بتضيف قطع الخبز ( المقلي و المصفى من الزيت ) و اكيد مو لازم تخلط الخبز مع باقي المكونات كرمال يبقى مقرمش ..


إذا حابب تقلل الكالوريس ... ممكن تحمص الخبز بالفرن او بالمايكروييف ... بدل ما تقليه ( بالحالتين ظريف .. بس قلي أطيب )



و صحة و هنا سلفاا ....

[مريام]

هلا هالشي فتوش كلو على بعضو صحن سلطة وخبز مئلي شو الجديد يعني وين الصعوبي بهالشي دخلك ام السوس
ابو كرش بتمنى بيوم تئول شبعان

[Sanaa]

له مريام شو بدك اصعب من الفتوش ؟؟ هههه

بعدين شكلك ما انتبهتي ع الحكي يلي قبل .... اساسا المطلوب اكلات بسيطة و سهلة ... و تكون مناسبة لـ رمضان ...
و اول شي انطلب هو " الفتوش " .... بقا مين جاب سيرة الصعوبة ...!!!


لو كان المطلوب اكلات صعبة ... اكيد ما كنتي رح تلاقيني هون ..! هههههه