أطفال يعاكسون الفتيات .. نقاش حاااد

[ريماس]

والله يا رورو بهالأيام عم يطلع الولد من بطن امه وهو فهمان كل شي وبدو شي 5 امهات لقيدرو يضبطوه
مشكورة يا رورو على طرحك

اي صح كلامك بس بسبب مين ؟؟

يعني اذا عرف كل شي منخليه

انا بحط السبب كلو بالتلفزيون .. لانو عم يخلو اطفال يمثلو تمثيل عشق وحب وغزل .. حتى الافلام كرتون ..

ونحنا عم نخلي اطفالنا يشوف هيك بيقومو يقلدونهم تقليد اعمى

وين التوعية والارشاااد خلاص نحنا بزمن قلة التوعية والارشاااد وضعف في الدين .

شكرا على مشاركتك اخي محمد تحياتي لك

[دمعة فرح]

هنن سببين الاول والرئيسي الاهل والثاني هو التلفزيون .. اطفال قبل إلن برامج خاصة وكلها براءة بحيث يتعلمو منها الطيبة وحب الخير ... الخ من الصفات الحلوة
وبينامو بوقت معين ... اطفال هلأ ياعيني على اطفال هلأ بيجو مفتحين عيونن عالدنيا وبيعرفو صغيرها وكبيرها انواااااع اشكال البرامج الخاصة بالاطفال يلي اغلبها قتل ودبح وجرائم ودم ..
حتى افلام الكرتون فقدت برائتها .. غير هيك بتلاقيهن عم يتفرجو على مسلسلات تركية وافلام اجنبية يلي مابتخلى من مشاهد المعاكسات وبالتالي الطفل بيقلد كل شي من دون
مايعرف ازا كان هالشي صح او غلط .. طبعا والاهل سامحين بهالشي وشي بيجر شي لحتى يكبر هالطفل ويصير شب وتصير المعاكسة عندو هواية او عادة لايمكن التخلي عنها

الله يقدرني على تربية ولادي متل ماعم خطط

مشكورة ميمي على الطرح المهم

تحياتي

[السكون]

الحقيقة مرة

والامور عم تطلع عن السيطرة والاهل بديرة والاطفال بديرة

وكلو ماشي


ولا حول ولا قوة الا بالله

[Dr.Ahmad]

انا برأي التلفزيون مو هو المهم .....هذا الموضوع خاصة موضوع جدا حساس وما بينتهي عند موضع ان الولد لطش او حكا كلمة . المشكلة ما بعد هذا الشي . الولد عم يكبر وعم تزداد معه هذه الاثارة وعم يزداد لديه شي اسمه حب الذات وحب الظهور .. فلذلك انا برأي بداية يجب النظر الى منهج العائلة بتربية الطفل وكيفية سير هذه العملية - كيف يعني - 1_ العلاقة بين الاب والام_2_التفاهم العائلي بين الأباء والابناء يعني كتير من الاباء كتييييير متحجرين لمناقشة الولد بموضوع حساس فالولد بيصير عنده كبت باتجاه موضوع معين ._3 _ سوء معاملة الولد بطريقة أو بأخرى (ضرب أو جرح مشاعر ) وخاصة اذا كان بعمر 14-20 سن الاكتمال الجسدي والنفسي واللي عليه تبنى شخصية الطفل .هي أولا
طيب ثانيا هو المجتع او المحيط الذي يقع فيه هذا الطفل ..... يعني تخيلوا معي ...( ولد أكل قتلة من أبوه فرضا . طلع من البيت وشياطين الدنيا كلها فوق راسه . وإذا يجتمع بصديق _خلينا نقول مو كويس _ فيا هل ترى كيف رح تكون النهاية ))))))))؟؟؟؟؟؟؟
أما موضوع التلفاز هو مو موضع ذات أهميا اذا كانت حاضرة مراقبة الاباء بشكل جيد وسليم دون جرح مشاعر الابناء ..
الموضوع كتير كبير ويحتاج اذا لأنويشمل ما بعد سن البلوغ ومتل ما بيقول المتل من شب على شيء شاب عليه ,,,,,,,,, الله يرحمنا