لما الدم يصير ميَ
والعتمة بتتحدى الضي
لما الخي بيدبح خي ..
وينا حضارتنا؟
لما الدم بيسقي الورد
والدمعة تعشعش ع الخد
تسأل تسأل مافي رد ...
وينا حضارتنا؟
لما الطفل يخاف يلعب
وقلوب من الخوف تتعب
بأي دين بأي مذهب ..
مسخو حضارتنا...!
وينك وينك يافينيق
يلا اصحى يلا فيق
وفورا" باشر بالتحقيق
سرقوا حضارتنا .....!
كذبوا علينا كتير ...
و ضحكوا علينا كتير ...
و المشكلة .. كنا مصدقين ....!
قالولنا " الدم ما بيصير مي "
طلع الدم بيصير مي ..
و بيصير هوا كمان ..!
قالولنا " انا و أخي على ابن عمي .. و انا و ابن عمي ع الغريب "
طلعت أنا لحالي .. و أخي لحالو ...
و ابن عمي لحالو ....
و الغريب علينا ....!
قالولنا " يلي استحوا ماتوا "
طلع مو بس يلي استحوا ماتوا ....
يلي ما استحوا كمان ماتوا ...
يلي صحيوا ماتوا ...
يلي سكتوا ماتوا ...
يلي حكيوا ماتوا ...
يلي حلموا ماتوا ...
يلي هلأ انولدوا ماتوا .....
لك حتى الناس ...
يلي لسا عم تنتفس ...
ماتـــت ......!!!
التعديل الأخير تم بواسطة Sanaa ; 01-13-2013 الساعة 06:43 AM
حلب الشهباء ...
أم العروبة و الإباء ...
رحم الله شهدائك الأبرياء ...
و ألهم ذويهم الصبر و السلوان .....
عندما يكون الحلم "وطن "...
والأم "وطن"...
والعشق "وطن"...
والحياة بـ أكملها "وطن"....
والوطن مجروح وحزين ..!!
فـ كيف يمكن أن يكون الإنسان حياً .....؟؟
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)