حابب افش لكم قهري؟

[وردة شامية]

بسم الله الرحمن الرحيم

والله غريب امرك يا اخ روسي
عم تحكي عن الظلم و الحقوق و عن يلي مشغلينك عندهم
و انته اصلالا منتكر لاصلك و كاتب روسي.؟\
ما علينا......

و بعدين نحنا ما سمعنا راي شركائك فيك لحتى نحكم عليك ولا عليهم
كل واحد بيشوف من منظاره وحده و ما بيشوف الطرف الاخر
فلهيك مستحيل نعطي راينا او نحكم على حدا بدون ما نسمعوا هو كمان

بيقولوا ان الله يسلط عباده على عباده منشان يشوف صبرهم او يمحي من ذنوبهم
على الحالتين انته الكسبان لو صبرت.....

و ملاحظة للجميع..........
هدول التنين السوريين ما بيمثلوا الا انفسهم فقط
يعني بلدي الشام بيضربوا فيها الكرم و الاخلاق الحميدة
و طبعا لكل بلد شواذ للقاعدة

الله يصبرك و طول بالك

وعجبي

[روسي]

اي انا روسي من اصل سوري وين المشكلة عندك؟؟؟
جربت مرة اشتغل عند ولاد بلدي وطلعوا وحرمت؟
انت اصلا ما تغربتي لتعرفي معادن الناس بالغربة؟
واسألي أهل الغربة بالمنتدى هون او اي منتدى؟
احسن ماتعطي مواعظ وحكم اتعلمتيهم بالمدرسة والجامعة

[ريماس]

اخي الفاضل روسي بحب اقلك شغلي الاعضاء ماتعاطفو معك لاء ..

هنن كاتبو لانن حاسين فيك وبالغربة .. لانو كلنا عايشين بالغربة ومنعرف قسوتها ..

والاخت وردة شامية كتبت من غيرتها لبلدهااا ... شافتك كتبت الاسم روسي

وهي ماكنت تقصد ..

ومهاارات العرب غير مستهان بها .. في عندنا اشياء كتيرة تميزنا عن الغرب بكتير

بتمنى انك ماتزعل ونحنا كلنااا اخوة من اصل سوريين واحد ..

شكرا لك

[ريماس]

بتمنى من الاخوة عدم المشاحنة بين بعضكن .. نحنا اخوة هون