المشاركة الأصلية كتبت بواسطة ماهرالفيزو
له ياغالي بدنا نزعل منك هيك
لك دمعة بعيونا يارجال مو بنت اختك بس هي اختنا كمان والنا حصة فيها
وليك اخر رياحة حاصلة عليها
يعني كل اسبوع الشباب ليجيبو سؤال سؤالين
بس انت ماسالت ولا سؤال ليش.......؟؟؟
بدين شو نجوم الضهر جاي تساوي مشاكل هون هههههه انت داخل كرسي الاعتراف وعم تهدد طلاع لبرا على المضافة واستنا هناك كم يوم وبجيك
على راسي السكون الغالي
[/QUOTE]
لك ماهر عم تهدد خالي وتقلو اطلاع لبرا لك معو حزام أسود وبيلعب جودو
لا تلعب بعداد عمرك لساتك شب
ومستقبلك قدامك هههههههه
صباح الخير دمعه كم سؤال على الطاير هيك
صباح النور رهام ..
1_ شو اسمك الحقيقي لو ممكن ( بس متكوني صعيديه ونروح فيها)
إسمي زكرتو ريماس بأول الإستضافة إسمي رقية ^_^
خلص جاوبتك ههههههه متل ماوصيتيني *_^
السؤال الغير مرغوب جاوبيني عليه بيني وبينك اي لا تخبري حد
2-شو اكتر شي بتحبيه بفارس احلامك( لا تئولي حصان ابيض لانو احلام وانتهت)
لا مابدي حصان بدي مرسيدس هههههههه
حبيبتي زكرت مواصفاتو قبل بسؤال الأخ راتب المصري
شوفيها رح تعجبك *_^
3_ لو كنتي تحبي شخص وهو عندك الحياة كلها وبلحظات ترككك كرمال شخص تاني شو بتساوي ( لا تاكليه خطي)
مستحيل أخليه يتركني ولو تركني بدي رجعو بكل الطرق
ولو مارجع بكون انظلمت والمظلوم عندو مكانة عند رب العالمين ^_^
4_ رهام الطيبه بتتوقعي فيها تسكت عن حقها
لأ مابتوقع .. لأنو الطيبة مو معناها نسكت عن حقنا
انا متلك طيبة لأبعد الحدود بس وقت حدا بياكل حقي
أو يقرب عليه ويغلط ساعتها مابيلوم غير حالو
لأنو الطيبة مو معناها الضعف أبداً
واهلا وسهلا برهام الحلوة
يداكي اوكتا وفوك نفخ
وانا متل ماقال ابو عمر
يداكي اوكتا وفوك نفخ
انت كمان عم تشتمني لك انت بتعرف شو قال ابو عمر
انا زعلت !!
دمعة اخبارك
الحمدلله ماشي الحال ^_^
شو رأيك بلأقوال الي نسمعها على طول وهي
الفراق،، دمعة مرة وإشتياق قاتل
أي والله مزبوط
لو لم تكن الحياة مؤلمة لماخلقنا الله ونحن نبكي شو رأيك
لأ هاد مو قياس ومو شرط تكون الحياة مؤلمة عند الكل
لأنو السعادة والتعاسة بالحياة هي مكتوبة من عند الله من قبل مانولد
والتعيس والسعيد الاتنين بيبكو وقت الولادة لأنو هاد الطبيعي
فمو دائما تكون هي المقولة صحيحة *_^
علمتنا الحياة ان ندفع ثمن كل ابتسامة سيلا من الدموع.......؟؟؟؟
ممكن غالباً لأنو الدنيا يوم إلك ويوم عليك ودوام الحال من المحال *_^ صح ؟
مو على طول نكون مبسوطين ولا على طول بنكون حزينين
علموني البكاء فما كنت اعرفه ياليتهم علموني كيف ابتسم
أي بتنطبق على كتير من الناس وخاصة المربين والآباء والأمهات
لأنو هنن الأساس بالتعليم
دموع التمساح اسمع عنها كتير شو دموع التمساح برأيك
الدموع الكاذبة هلأ التمساح بس ياكل فريسته عيونو بتدمع
بس مو مقهور عالفريسة بس قد مابيفتح تمو وافهمها انت *_^
دموع التماسيح مو كل واحد يقدر يتقنها إلا المخادع والمنافق
معقول اخراج الدموع يريح الانسان
أي طبعا عن تجارب هي الشغلة وكمان فيا كتير دراسات بتثبت انو الانسان ازا بكى بيرتاح
شو الفرق بين دموع الرجال ودموع النساء
فرق من السما للأرض .. دموع الرجل اقوى وتأثيرا اكبر من دموع المرأة
لأنو المرأة بطبيعتها بتبكي كتير وكائن عاطفي
وانا دموع الرجل بتأثر فيني أكتر
لو شفتي بيك عم يبكي شو ممكن تسوي وكيف تمسحي دموعه
بصراحة ولا مرة شفتو يبكي
بس مرة وحدة شفتو دمعت عيونو وقت فرجيتو فيديو
بيحكي عن قصة إسلام الداعية يوسف استس ( كان قسيس )
وتأثر فيها ودمعت عيونو وطبعا انا ابتسمت لأنو الدموع اللي كانت بعيونو مو دموع حزن !
دمعة لو كنتي معزومة على مطعم وانتي من النوع الي يحب الكتشب على مااتضح
المهم دخلت يالمطعم على يمينك بطاطا شهية مقرمشة ومقلية وكتشب وعلبة بيبسي عم ترقص
وعلى يسارك جاج وسمك وبوفيه كامل عم يتغنج
اي اتجاه تسلكي
اليميييييييين عالبطاطا والبيبسي طبعا بس انا مابحب الكتشاب كتير ههههههه
في شارع اسمه شارع الرشيد ببغداد مشهور بلمطاعم تذكري شي مطعم تعرفيه وتحني اله
للأسف لأ
ابو عمر عايش بلهند وعنده مطعم حلويات اكيد زرتيه شو {أيك بحلوياته معلم ما بس بخيل لليوم ماجبنا شي
أي زرتو شو حلوياتكتير طيبة ماشاءالله عليه
بيومين خلصت هههههههه قد ماكانت طيبة وشهيييية
لا والله مو بخيل بالعكس بس حرام كان بالشام لا تظلمو
اتلقى وعدك أبو عمر هههههههههه
اقتربتي من مفرق طريقين الاول ياخذك لعالم الخيال والاخر يردك لبعض ذكريات الماضي بعد تاملك الطويل اي طريق تختاري
الخيال
شو رأيك باسم كوثر - دموع- رهام- ليث - الوليد-
كلها أسامي حلوة بس دموع لأ مو حلو
كم مرة وانتي ماشية تفشكلتي بلطريق اكيد الطريق بكونو محفر شوي
مابتزكر إني تفشكلت شي مرة
كيفك انتي ودراستك انشاء الله ماعم تعذبك
ماعم أدرس خخخخخ
شو الخلفية الي حاطتيها على سطح المكتب
شجرة دراق حلوة كتير
شو الخلفية الي على جوالك
ميكي ماوس
نغمة جوالك شو حاطا
نغمة عيد الميلاد المجيد
على قولت عاشق بيتكم اي طابق و عنكم سطوح ولا لأ
طابق تاني وماعنا سطوح عنا بلكونات ههههههه
لأي درجة دمعة تتحمل المزح
على حسب قرابة الشخص عليّ وجنسو .. بس بشكل عام بقبل المزح المعقول
يعني لا استخفاف ولا عبوووس "_"
أهلا وسهلا ماهر
الذين يشاهدون الموضوع الآن: 6 (0 من الأعضاء و 6 زائر)
ضوابط المشاركة
|
|
||
|
|
|
|
|
|
||
مواقع النشر (المفضلة)