الغالـي " عمر " .. ضيـف إفتـح قلبـك .. مع " دمعة فرح "

[عمر]

مسا الخير عمر
هلا نانو ... مسا النور .
بما انو الجمعة الجاية عنا رح اسئلك اسئلتي الاعتيادية بس على الهواء مباشرة
شواعمل عالعشا 1:فتة جاج ولا 2:فطاير مشكلة
فتة جاج .
الحلوى :كاستر بما انو ما بعرف اعمل غيرو ولا كاتو بالميكرويف ههههههه بتتذكر كاتو الميكرويف
جربنا الكاتو و كان ظريف و الله طيب .. بس منجرب هل مرة الكاستر .
شحاد و مشارط ههههههههه

يوم الاحد بيبلش دوامي بالجامعة وعندي مادة العبري من الساعة 4 حتى 6 المسا ولازم احضرها وبدي حدا يرجعني و بما انو مودي بيكون بالشركة وكاليميرو متل العادة ما فاضيلي وانتا الشغل فوق راسك ياترى بتترك شغلك وبتجي بتاخدني ولا بتبعتلي مصطفى اخوك بلا ديبلوماسية اوكي بصراحة
و الله بجي باخدك بس انتي حاكيني اول ما بتخلصي و انا خلال 5 دقايق بكون ع باب الجامعة .
وبما انو ماما مستلمتني بهل الايام وعم تروح تمشي كل يوم شو رأيك تروح بدالي والله ماجاية على بالي انحف وانا بروح من شان ما تزعل حرام ماما ... شو قلي بتروح؟ والله بتفرح فيك ماما وبترضى عليك ؟
و الله ما عم يصرلي وقت انو لا امشي ولا شي و ما شفتي غيري حرام ما بدي تنحرف صحتي .
واخر سؤال : واخطر سؤال : عمر ...

وولي هاتي لشوف . !!
بما انو نحن صحبة اكتر شي بالعيلة ممكن بيوم من الايام نصير ما نحكي مع بعض وشوفك بالطريق وما قلك مرحبا ؟؟؟
لا ولو بعيد الشر شو هل حكي
شو ما صار لك نانو اكيد رح اجي و صالحك
بتعرفي غلاوتك عندي .
على فكرة ما تفكرني عم امزح هيدا اهم سؤال عندي
وان شاء الله إلي رجعة
يلا نانو ناطر رجعتك

[عمر]

معلم غربي اللاذقية شو في لسا مدن سورية
أ في شي
شو ناوي تتغدا اليوم
تغديت و خلصت فروج مشوي .
مهرجان المحبة بللاذقية ايمتا موعده
بشهر اب بس ايمت بالضبط ما بعرف
اللاذقية عروس الساحل السوري من وين اجا هاللقب وهي اجمل من العاروس

متل ما انت اجا اسمك ماهر ... نفس الحكاية .

شو في معالم اثرية تعرفها ببلاذقية وتحب تزورها
اوغاريت و قوس النصر الشامخ بالصليبة عم يدير بالو عليه الفرحات . ... بكفوا .
منتجع الشاطئ الازرق رحت عليه شي وشو رايك فيه سابقا وبهي الايام
ع المنتجع ما رحت .

لو كنت مسافر مسافة طويلة بلسيارة وانت سايق لو تعبت ونعست بلطريق وباقيلك شي 200 كم لتوصل بتنام بلسيارة ولا بتابع حتى تنام بلبيت مرتاح
حسب نسبة التعب .. بس بظن انو بطول بالي بنام بالبيت .
لو شي مرة كنت بلسيارة ووقفت شخص بده مساعدة بتوقف ولا لا
اي .

طيب بعد ماوقفت هالاشخص بده اشتراك بطارية وانت مامعك اشتراك وهوو مامعه بتتركه ولا ممكن تساعده وتوقف معاه شخص تاني
لا خلص بعمل لي فيي عليه و خلصت . بكمل طريقي .

طيب لو هالشخص كان اخرس كيف رح تتعامل معه
بالكف . هههه كيف يعني بالاشارة بحاول افهم عليه .
معلم لو كنت شغال على شي شغلة وبعد مانتهيت منها وانجزت العمل اجا شخص تاني وسرقها منك وقدمها للمدير على اساس هو الي اشتغلها

وجاته المكافئة له مو لك ..... شو بتتصرف
شو هل سؤال ... حسب الموقف و حسب الشخص و الله ما بعرف يمكن اطلع بروحو هههه

استغربت منك ماتعرف السباحة بااحتراف وابن اللاذقية ........؟ معقول كلامك ولا كنت عم تمزح
لا عم احكي جد .

حبة بنادول اكسترا لمن تهديها من اعضاء المنتدى
للي عم يوجعو راسو ..

كاسة عصير فرش على هالشوب لمن تهديها
عصير عصير ... بهديها الك منشان تروق انت و عم تحطلي اسئلة .

كم درجة الحررارة عنكم وكيف الجو
ما بعرف بالضبط بس شوب كانت بالنهار شي 20 .
بتحب العوجا او العقابية اسمها بلعامية
اي ظريفة .
شو انواع الفواكه الي تحبها بلصيف
جاوبت عليه من قبل البطيخ و الفريز و هيك شي .

[عمر]

هات لنشوف يا ابو الريم شو عندك
لو كنت شي مرة مسافر من الشام للاذقية اجت بنت حلوة وحجزت لحلب وعجبتك وحبيت تتعرف عليها ممكن تغير الرحلة وتسويها حلب بدل اللاذقية ولا لا (( قلت لو عجبتك))
عجبتني ولا لا ... ليه لغير رحلتي كرمالها .

لو دخلت مطعم انت ورفقاتك او انت وبيت حماك الله يبعتلك ياهم عن قريب المهم بعد ماتعيشتو وخلصتو اجا الحساب اكتر من المعترف عليه بلفاتورة ممكن تحاسبهم ولا لا
يعني شي بالعقل ... اذا شي مو منطقي اكيد رح اتاكد من الفاتورة .

قنينة شطة لمن تهديها من اعضاء المنتدى
بهديها ل نانو لانو بتحب الحد حسب ما بظن .

لو كنت بشي مول انت واخوكـــــــ واجت بنت وتحركشت بااخوك ممكن تعطيهم مجال وتمشي ولا لا يديك على يده
لا بعطيه مجال خلي الشعب ينبسط .

عندما تكره المرأة رجل لحد الموت فعلمو انها كانت تحبه لحد الموت مقال عن الحب سمعته شو رأيك انت فيه
حسب بقا شو عامل فيها لتكرهو ..

معلم اجا ببالي ارجع عيد البكلوريا وسجل فرع الي بدي ياه ومعي بكلوريا من قبل ومعهد بتنصحني سجل ولا لا هيك مرتاح بشغلي ومستقبلي
لا حبيب بلا هل وجع الراس .. خليك بشغلك و ماشي حالك .

طيب بما انك تعشق القطط لو كنت متعلق بقطة بدك تسافر وعلى الحدود منعوها من الدخول ممكن ترجع انت وهي ولا هي بس ولو هي بس بمين من ممكن تأمنها من اعضاء المنتدى او بحياتك العامة
يا بخليها بالبيت مع اهلي .. او مع نانو .. لانو كمان هيي بتحب القطط و بامن فيها انو بدها تدللي قطتي .
في قط اسمه راج دول مشهور حلو كتير تعرفه شي ولا لا
لا ما بعرفو هات حطلي شي صورة الو لشوفو اذا ظريف .

بغرفتك كم ساعة تجلس لوحدك
مو دايما لوحدي .. بكون قاعد مصطفى .. كل واحد على كمبيوترو .
لو شفت شنطة بلشارع مجهولة الهوية وشكلها يخوف شوي ممكن تاخدها ولا لا
لا . اكيد لي مضيعها رح يرجع ياخدها .
ولو اخدتها وين تروح فيها
---
بتروح سوق الهال ببلاذقية شي ولا
ولا مرة ما رحت عليه .

[nano]

طيب بما انك تعشق القطط لو كنت متعلق بقطة بدك تسافر وعلى الحدود منعوها من الدخول ممكن ترجع انت وهي ولا هي بس ولو هي بس بمين من ممكن تأمنها من اعضاء المنتدى او بحياتك العامة
يا بخليها بالبيت مع اهلي .. او مع نانو .. لانو كمان هيي بتحب القطط و بامن فيها انو بدها تدللي قطتي .
لك ما تكرم عينك ياموري بحطلك اياها بعيوني ولو كام عمورة عندي بس تكون تشبه قطتك السابقة نتاشا