««صديقة الدرب»»
بلغني أيها العضو السعيد ذو الرأي الرشيد
إنو رجال البيت كان بعد ما يخلص من شغلو
يطلع ع الجامع ليصلي العصر
ويروح يتغدى ويتمددلو شوي
وكان الأفندي يفتح باب البيت
ويرئع بالصوت العالي
يا الله يالله شو وينك يا بنت
تعي سناولي هالغراض من إيدي
بترد عليه بتئلو شحني إبن عمي إجيت
وبتسناول كياس هالورق الي فيها
أشكال ألوان يا ريان
وبتئلو يعطيك ألف عافية تئبرني
تعيش وتجيب تاج راسي
وبتركض أوام لتشهل
ع الغدا
وبعد البيك ما يتغدى ويئش زفرة الغدا بكاسة شاي اكرك عجم
يفوت يتلئح بالمخدع ليريح
وكانت ست هالبيت تئوم بئ تصوبن هالجليات
وتشطف أرض الديار شطفة مرتبة
r7lt7oob-0c077cd501.jpg
وتئوي نافورة هالبحرة وتفرشها بالياسمينات الي
rygh9gzucgqm.jpg
لئطتون من الأرضية ئبل ماتشطف
وتجهز صحن هالفاكية وهالنئرشات
و تحضر نفس هالأركيلة وتروح ع الهسي
وتئلو بصوت ناعم إبن عمي تشكل آسي
ئوم أعود معي شوي والله دائ خلئي بدونك
وكمان تسكت وما تكتر حكي مشان ما يبئع فيها هداك الصوت
وطبعا البيك لبين مايتحطى ويتمطى ويئوم
وطلع ع أرض الديار يجي يلائي بنت عمو
لابسة هالتوب المطرز وفاردة هالشعرات
ومتعطرة ومتحكةو وشاكلة ع شعراتها جنب إدنها
زهرة زغيرة أو عرئ أخضر
وتبلش تدلل في وتئشرلو الفواكي و تلئمو
بإيدها وتغنيلو لتنبح وتناغشو لينئطع نفسها
وهوة آعد عم يئرئع بهالأركيلة وينفخ هالدخنة بوشها
هييييك لحد ما ينده المغرب يئوم يتوضى
ويلبس هالعباية وتركض بنت عمو ترشلو هالمسك
ئبل ما يتيسر شنو بدو يروح يصلي المغرب بالجامع
ويطلع يجتمع بالديوان عند المختار مع أعضوات الحارة
وووووووو وبعدين كان الباشا ..............
وطلع الصباح فسكتت رشا خانم عن الكلام المباح
يــتــبــع ......
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
![]()
للاستفسار او مساعدة راسلوني على هاد الايميل
[email protected]
««صديقة الدرب»»
لك ميت اهلا وسهلا بكل المتابعين
شكرا كتير عالمرور
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
![]()
للاستفسار او مساعدة راسلوني على هاد الايميل
[email protected]
ياسلااااام .. كوني مو شامية ممكن حدا يقلي شو يعني اكرك عجم؟؟؟
وتسلمي يارورو شو موضوعك حلووووو
...
««صديقة الدرب»»
اهلين فيك دمعة فرح نورتي عنجد بتشكرك كتير على متابعتك
اختي دمعة فرح انا بعتلك رسالة نبض بريد بقسم الخواطر والقصص شوفيها رسالة ئلك
بالنسبة لكلمة شاي اكرك عجم شو معناها
اكرك عجم هي كلمة اصلها تركية
المقصود شاي معدل او مزبوط هيك شي
وكمان معناها نفس طيب
تحياتي لكي
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
![]()
للاستفسار او مساعدة راسلوني على هاد الايميل
[email protected]
الذين يشاهدون الموضوع الآن: 2 (0 من الأعضاء و 2 زائر)
مواقع النشر (المفضلة)