ضيـف الإسبـوع علـى كرسـي الإعتـرآف :: المبـدعـ { اراميـس } ::

[aramees]

بما انك جالس مع انه الكرسي مريح بس حاسس لحد الان محدا ضيفك شي

مو مشكله شوفتك أغلى خي ماهر

انا رح ابعتلك ضيافة بس قبل في كم سؤال ببالي

يسلمو .. تفضل

شو هو افضل كتاب قرأته

كتاب الله عز وجل أفضل كتاب قرأته بحياتي

.. قرأت كتير كتب خي ماهر بس سدئني كلا مجرد أحبار على ورق


الافلام العربية شو تحب تتابع منها


لا أحب متابعه الافلام إلا أفلام الابيض والاسود .. فن الزمن الجميل


معليش تتكلم عن نفسك شوي شو تحب شو تكره شو ميزاتك

انسان بسيط جدا .. أبحث عن طاقة نور لكي أشق بها طريقي لغدٍ أجمل

أؤمن بالامل ولا يوجد لليأس طريق

بحب كل الناس وما بكرة حدا حتى لو الناس كرهوني

بحب الناس بحب الطيبه بحب شوفا على كل الناس

بزعل لزعل الاخرين وبفرح بفرحهن

بكرة الشخص المتشائم بكره الشخص المستسلم .. من يستسلم للهزيمه

بكرة شو الناس قلوبا مليانه حقد وكراهيه

من طبعي بحب الهدوء كتير ما بحب أختلط بالناس كتير

علاقاتي محدوده مع العلم انو هني صحاب لالي أكتر ما انا صاحب لالهون

بحب الوحده بحب كون جالس مع نفسي أوقات المساء

بحب السهر بالبيت بس ما بحب قعدة البيت بالنهار

بحب تواجدي بالشغل أكبر وقت ممكن لاني بخاف من النهار وبرتاح لليل

منشان هيك بضل سهران الليل ما بنام قبل الساعه 3 الفجر

عكس الناس بيخافو الليل وبيطمئنو للنهار

طبيعتي هيك

ما عندي خوف من يللي جاي من المستقبل

لاني ما راح شوف أكتر من يللي شفتو

شفنا كتير وقليل الحمد لله

طموحاتي أصبحت على قدي .. ومع ذلك ما زلت متفائل بغد أجمل

بإشراقة شمس الفرج

يعني كمان فيك تؤول بالنسبه لشو بحب

.. بحب الصراحه موووووت مبدئي بالحياة الصراحه

وبطبعي انا صريح مع الناس لكن بنفس الوئت صعب الناس تفهمني

ويعطيك العافيه ماهر طولت عليك

بكتفي بهيك


البلد العربي الي تحب زيارته بااقرب فرصة

سوريا يا نااااااااااااااااااس سوريا ادعولي


البلد الاجنبي الذي تحب زيارته بااقرب فرصة

إزا أمكن ايطاليا

سمعت جاي ببالك تسافر وتكمل تعليمك وشغلك وين حاطط ببالك

هوي تحديدا مو لحتى كمل تعليمي

بس لحتى أخد شهاده بمجال مهنتي

يعني دورات تدريببيه تعليميه في مجال صيانه وبرمجة الموبايلات

أما بالنسبه الى أين فهذا لا يوجد أمام عيني حتى الان إلا مصر

لانها متفوقه في هذا المجال ولديها خبراء وفنيين بأعداد هائله

وذو كفائات أيضا .. التوجه بعد ذلك منها الى سوريا انشاء الله

دعواتك الله يحققلي امالي

رياضتك المفضلة

ما بحب الرياضات مع الاسف .. يمكن تستغرب شوي

بس يعني ميول خفيف لكرة القدم أحيانا بيجي عبالي شاهد كرة قدم


فينك تستغني عن النت التلفون السهرات عطر اراميس

فيني أستغني عن النت

فيني استغني عن التليفون

سهرات وعطر اراميس لا

وسهرات كمان من مزاجيه معقده مع شخص واحد

ولو زادو عن اتنين بشعر بالملل وبقوم بسحب حالي وبترك السهرة

ما بحب السهرات الجماعيه بحب السهرات يللي فيها هدوء


تحياتي

Aramees

[دمعة فرح]

اي اراميس شلونك اليوم؟؟

شو شعورك وانت على كرسي الاعتراف؟

قلي شو هو لون عيونك ؟

وشو هو لون العيون اللي بتحبو بعيون البنت ؟

أول ماتشوف الشخص على شو بتنتبه ؟ على شكلو ولا تيابو ولا نظارتو ولا مشيتو .... ؟؟

قلت بأنو انت ناوي ترتبط .. حاطط عينك على شي أمورة ؟؟ ولا أهلك هنن اختارولك ؟؟ وشو بتفضل ؟

بتحب تتغرب انت واهلك بسوريا مثلا ؟ مع انو بسوريا مابتحس حالك غريب ابدا !!

شو رأيك بأختلاف الجنسيات بين الزوجين أو الحبيبين .. تعتقد بأنو الجنسية ممكن تعمل مشاكل بيناتن ومايتفقو ؟؟ خاصة بالعادات والتقاليد؟؟

انا بقول بأنو الخلافات بين العاشقين هي طاقة وغذاء للحب لكن اذا زادت ينقلب الى كره وبغضاء .... انتي معي بهالمقولة وشو رأيك فيها ؟؟

قلي اراميس ليه بتكتب باللون المشمشي والفستقي ؟؟

انت أكيد حبيت بمرحلة المراهقة .. اوصفلي حبك كيف كان وكيف كانت حبيبتك ؟

بيكفي هدول مع إنو لسى فيه اسئلة كومايات

برجعلك

[ماهرالفيزو]

الله يوفقك خي اراميس ويحقق الي ببالك يارب
وتسافر البلد الي بدك ياه
وتكون امورك بخير من قلبي ادعيلك موفق ياغالي


والله يعينك على اسئلة دمعة

[aramees]

اي اراميس شلونك اليوم؟؟

الحمد لله ماشي الحال

شو شعورك وانت على كرسي الاعتراف؟
شعوري متل لما بكتب موضوع أو برد على موضوع

عادي والله مبسوط كتير بالاسئله وبصدر رحب كمان
قلي شو هو لون عيونك ؟

عسلي
وشو هو لون العيون اللي بتحبو بعيون البنت ؟

نفس اللون
أول ماتشوف الشخص على شو بتنتبه ؟ على شكلو ولا تيابو ولا نظارتو ولا مشيتو .... ؟؟

أكتر شي بنتبهلو بالشاب جذائو

بحكم على مستوى نضافتو وزوئو وأناقتو من حذائو

يمكن تستغربوا ما هيك

قلت بأنو انت ناوي ترتبط .. حاطط عينك على شي أمورة ؟؟ ولا أهلك هنن اختارولك ؟؟ وشو بتفضل ؟
لحد هلا ما في شي بنت براسي

الله يبعت

المسئله محتاجه وئت كبير لحتى قرر واختار

طبعا بفضل انو اختار لحالي واهلي كمان هني هيك نظريتهن

بتحب تتغرب انت واهلك بسوريا مثلا ؟ مع انو بسوريا مابتحس حالك غريب ابدا !!

بصراحه لا .. حابب اتغرب لحالي ما بدي شنشطه لالهن

بس لو زبطت معي الامور يمكن بيواقئو لحتى يروحوا سوريا ..

بعدين مين قال انا غربه هوي لو حاسس انا سوريا غربه

ما كنت اخترتا

هدول أهلنا .. فلسطين التانيه هناك

واكيد ما بحس حالي غريب بيناتهن



شو رأيك بأختلاف الجنسيات بين الزوجين أو الحبيبين .. تعتقد بأنو الجنسية ممكن تعمل مشاكل بيناتن ومايتفقو ؟؟ خاصة بالعادات والتقاليد؟؟

شو بيمنع من وجهة نظري عادي جدا

بس يمكن تدخل بيناتهن اشكاليات بسيطه وهي اختلاف العادات

والتقاليد بس ما بتوصل لانو ما يكونوا متفئين بنوب وينفصلو

لا ما بعتئد بس برايي كمان انو لولا في توافق بيناتهن ومتفهمين

بقصه العادات والتقاليد والا ما كانو ارتبطو ببعض اصلا وهني من

بلدين مختلفين

انا بقول بأنو الخلافات بين العاشقين هي طاقة وغذاء للحب لكن اذا زادت ينقلب الى كره وبغضاء .... انتي معي بهالمقولة وشو رأيك فيها ؟؟

لولا الحب الزائد ما وجدت الغيرة وما وجدت الخلافات

واكيد اكتر الخلافات بين حبيبين سببها الغيرة أنا معك طبعا

بس إزا زادت عن حدا ما بتوصل للكرة والبغضاء ممكن الحب

بيناتهن يوصل لمرحه التجميد يعني لا ينقص ولا يزيد ويمارسو

حياه روتينيه حب مع مشاكل ويكونوا تعوداو على هالشي

أما إزا بدا توصل انو يسمحوا لدخول المشاكل بيناتهن وتتغلب

عليهن وتصير حياتن كلا مشاكل معناتو دمعه اسمحيلي

هاد مو حب ولا عشق

قلي اراميس ليه بتكتب باللون المشمشي والفستقي ؟؟
اي كنت متوقع هالسؤال من أي عضو لانو ملاحظ قليل لما بيستمر

بلون محدد بمشاركاتو وقليل كمان لما بينسقوا بكل رد وموضوع

شوفي كتير اسئله بتواجهني من الناس إجابتها بتتعلق باجابه هاد

السؤال ويمكن بعض الشباب يوما ما قالولي هاد ناتج عنن انو انت

انسان متكبر واستغربت هالشي منو وواحد قللي هاد بيدل على انو

انت مغرور هني عم يفسروا هيك وهالشي بحمد الله ما موجود عندي

بنوب

الاجابه إنو أنا بطبيعتي بحب التمييز بكل شي بحياتي يعني تصوري

ممكن اشتري بنطلون جينز لو تاني يوم شفتو على شاب ساكن

بحارتنا ممكن اعطي البنطلون لاخي وما بلبسو

بحب كون مميز بكل شي

وهالشي مالو علاقه انو ناتج عن غرور او غيراتو

لهيك اخترت هالون لحتى يكون مميز بالملتقى وما حدا بيستخدمو

الا نادرا نادرا

يعني ما شفتو لون معتمد لاي عضو معين لهيك اخترتو

وكمان شغله تانيه كان بيتنا يللي انهدم باللون المشمشي

انت أكيد حبيت بمرحلة المراهقة .. اوصفلي حبك كيف كان وكيف كانت حبيبتك

؟
هبل في هبل

ما في شي بينحكي

قلتيها قصص مراهقه

بيكفي هدول مع إنو لسى فيه اسئلة كومايات

يعطيكي العافيه

في انتظار الاسئله الكومايات ههههههههههه

برجعلك

إهلا وسهلا

تحياتي

Aramees