المشاركة الأصلية كتبت بواسطة عاشق الوطنية
انتي مجنونة اوثقي فيني انتي مجنونة
أي شو الجديد يعني!؟
خليك عاقل محراك الشر ههههههههههههه ولي على عيونك
موقف مر بحياة دمعه وأضحكها كثيرا كثيرا بالشكل هاد
هههههه اي بتزكر كنا نحن وبيت عماتي 2
بدنا نروح عالسوق كلنا وماعم نلاقي تكاسي
لأنو بدنا اكتر من تكسي مشان يوسعنا وكان عددنا 13 شخص
بيناتنا 6 أطفال و4 صبايا و3 أمهات
المهم مرق تكسي وشافنا كان معو زبون .. قاللنا لا تتحركو هلأ راجعلكن
وفعلا شغلة دقيقتين رجلعنا .. قال أطلعو !!
قلنا مستحيل نطلع كلنا 13 شخص بتكسي واحد وين صايرة !!
قال اطلعو لو بظلو ساعتين مارح تلاقو تكسي اطلعو مشوراكن قريب
وطلعنا هههههههههه عينك ماتشوف إلا النور .. 3 أشخاص قدام
والباقي كلو ورا لا تسأل شلون هههههههههههه
طبعا اللي لابسة حجاب انشلح حجابا ومابحكيلك المنظر بيموت ضحك عنجد
بحيث قلتلن واحد من الولاد عم يحتظر راح يموت عم يسلت شوي شوي
رح يصير جوا رجلي .. بيقلولي معليش لقنيه الشهادة قبل مايموت
والطريق كلوووو ضحك لحتى وصلنا
طيب بدنا ننزل شلوووون هههههههههه
لزقنا ببعض .. بقدرة قادر بلشنا ننزل الواحد تلو الآخر
والناس تتطلع علينا مستغربة من المنظر انو عم ننزل وننزل ولسى التكسي معبى
هاد هو اكتر موقف بيضحكني
ازا بدك كمان هههههههههههه
هههههههه
اي لا دخلك كفيتي ووفيتي
لك موتيني ضحك
13
سبحان الله
ما حدا وصل المشفى
يا لهووووووي
شكرا عالاجابات الحلوة
وبلكي لي عوده بلكي
ما بدي اعمول متل هالناس أصحاب المستودعات الضخمه من الاسئله
ههههههههههههههههههههههه
تحياتي
Aramees
يوجـد دائما من هو أشقى منك .. فابتســـــم
شق طريقك بابتسامتـــــك
خير لك من أن تشقها بدموعـــــك
ARAMEES
والله من زمانن حاسس صرلي شي ميت سنة مو شايفك
اي والله ياماهر اتعودنا عليك وينك لاتكون عم تغسل الغسيل لسى ؟
كيفك شو اخبارك علومك ايامك وين عم تروحي كيف الاسئلة معك وكيف الجو
كلو تمام لاعم روح ولا عم أجي
ريماس وين اراضيها مو باينة وشامم ريحة خيانة بلموضوع انا
ريماس مقطوع النت عندا اكيد عم تتحرقص لانو ماقدرت تسألني هههههههه
ليش عم تشم ريحة خيانة ماهر ؟؟
المهم
الموهم ؟
دمعة انتي والقهوة كيفك
مناح بنسأل عنك
هل دمعة مدمنة قهوة
لأ
كم فنجان بليوم تشرب دمعة
ولا واحد
كيف قهوتك حلوة ولا سادة ولا وسط
ازا بشرب بشربها وسط
شو بيعني لك فنجان القهوة
لا شيء
لمن تشربي قهوة تفضلي تكوني وحدك ولا مع احد يشاركك فيها
لحالي !
وين بتتمني تشربي القهوة بلغرفة برا على السطح
أي حاجة فأي حتة ^_^
دمعة تشربي شيشة
بيك يشرب شيشة
ايمتا اخر مرة بيك اجا على البيت متأخر وشو صار وقتا
لا بابا منتظم وحباب
شو بتحبي تشربي مع القهوة
ولا شي
شو رأيك بموضوع الطلاق المتكرر بمجتمعنا الشرقي
وشو تنصحي البنات خاصة
الطلاق صار موضة العصر وانا بنصح البنات يفكرو منيح قبل الزواج وقبل الطلاق
لأنو بعض البنات بتفكر انو الزواج هو عرس وفساتين ودهب ومشاوير وعندا رجال
مشان تشوف حالها على باقي البنات !!
يعني لازم يعدو لل100 قبل أي خطوة لأنو هي حياة ومسؤولية مو لعبة
لو صرتي ملكة للعالم قلتي تلغي الحدود
لو خيروكي حدود تلات دول اي دول تختاري
مافهمت شو بتقصد ماهر ؟
دمعة كم لغة تعرفي تحكي غير الحمصية والشامية
مابعرف !
دمعة انتي ليش بتحكي مع حالك كتير وخاصة من تكوني وحدك وخايفة
مين قلك ؟ لا موصحيح مازبطت معك هالمرة ماهر هههههه
دمعة انتي تنقلي اخبار متل باقي النسوان
لا الحمدلله بكره هالعادة كتير كتير
وبلاخير الف الف شكر على اجوبتك الصريحة والرائعة وماشاء الله عليكي والله يحميكي من كل شر
العفو .. الشكر إلك ماهر على اسئلتك الحلوة واسلوبك الرائع ^_^
تسلم كلك ذوق
ويرد العراق ويصير اجمل من الاول وترجعي لبلدك وتعيشي باامان وتصيري احلا ام وتصير عندك احلا بنت ومن حصتي هي لاتقولي خالها السكون سلف عليها
آمين يارب .. والبنت من حصتك إلي الشرف
خالي إلو البنت التانية مشان ماتزعلو هههههههه
والله يوفقك بحياتك المهنية والزوجية والدراسية
اجمعين يارب .. تسلم ياماهر والله عم تخجلني
مني لكي كل التقدير والود والاحترام وماقصرتي والله تعرفنا على اختنا الغالية وصفاتك تشرفنا تكوني عرضنا واختنا
هذا من ذوقك أخي واحلى اخوات انتو وبعتز فيكن كلكن
الله يخليك ويوفقك ويحقق مرادك
واسف على اي سؤال بدر مني بغير موقعه
حاج تقول آسف وآسف صدقاً كتير بنبسط وقت بجاوب على اسئلتك
ولسى فيه وقت لآخر الجمعة يعني لابد نشوف حضورك ولو من غير سؤال
وازا بتحب تسأل انا حاضرة ^_^
لكي كل الاحترام والمودة
خيك ماهر الفيزو
وإلك تحياتي واحترامي ولروحك اكاليل الياسمين
اهلا وسهلا ماهر اسمك ومشاركاتك منورة الموضوع
أختك دمعة
الذين يشاهدون الموضوع الآن: 3 (0 من الأعضاء و 3 زائر)
ضوابط المشاركة
|
|
||
|
|
|
|
|
|
||
مواقع النشر (المفضلة)