الأخ (محمد عربي) ضيف ... افتح قلبك مع ( دمعة فرح )لهذا الإسبوع

[M-AraBi]

السلام عليكم أخوتي:

لسوء حظي أني اليوم مشغول جداً ولن أستطيع الإجابة عن الأسئلة
إن شاء الله اذا خلصت بكير بجاوب
أو راحت لبكرا

عفواً منكم
وشكراً على مشاركتكم

[M-AraBi]

أخ محمد عربي

أهلين فيك

يا هلا فيك أخي أراميس ، شرفت

نورت الكرسي

أنت المنور حبيب

وأخيرا راح تفتاح قلبك

الله يستر كمان , هههه

بس انا بعدي ما شفت أسئله تفشي غليلي

هههههههههههههه

بدي أسئله فيها حراره شوي

شو رأيك بكم سؤال هيك عالماشي

صعبين وما فيهن اختيارات

تفضل لنشوف شو طلع معك كمان:هههه

محمد

شو هوي القسم يللي بتعطيه المرتبه الاولى بالملتقى ؟؟

كمشاركات ومواضبع معاصرة: الحوار العام
كمواضيع عامة وهامة: الأستراحة
وبشكل عام الأستراحة (لأنو أول ما أستلمت الإشراف استلمتو ههههه)

ما هو أجمل موضوع قرأته هنا ؟؟ وما سر إعجابك به ؟؟

والله في كتير مواضيع حلوة ومفيدة قرأتها ، مافيني أحصرهم ، وكمان كل موضوع بقرأه و بيعجبني ببعتو ايميلات لرفقاتي وبحط بالترويسة اسم المنتدى والرابط كمان (وهي الحركة شريف فتوح صار يعملها كمان)

ملتقى المغتربين السوريين في أي مرتبه مقارنةً بالمنتديات الأخرى من وجهة نظر محمد عربي ؟؟

الصراحة صعب اعطاءه ترتيب لأنو يعتبر عدد الزيارات والأعضاء والمواضيع والمشاركات يعتبر عنا قليل جداً بالنسبة للمنتديات الأخرى
لكن بالنسبة لنجاح الموقع فأعطيه المركز الأول لأنو فعلاً ترتبو على العالم في أقل من سنة شيء مبهر

هل لديك فكرة حول إنشاء قسم معين بالملتقى لم تجده هنا ؟؟

اجا ببالي أنو يكون في عنا قسم خاص بالكتب والتراجم
لأنو أجت فترة كتير صار ينزل فيها كتب كاملة وتراجم عن مشاهير مثر كصحابة وأمراء وعلماء ورؤساء وغيرهم

- ماهي الوظيفة التي تتمناها لنفسك ؟

أي شغلة منيحة بأختصاصي حصراً ، لكن لبعد التخرج الله بيفرجها

داعية الى الله بأختصاصي (ولكن بعد الأستقرار المادي والمعنوي)

استفسار .. الاستقرار المادي الله يقدرك وربك كريم ولكن المعنوي هل تواجه مصاعب للخوض في هذا الطريق ألا ترى أن هذا الطريق ليس به من عوائق ومتاعب بها والكل يتمنى ذلك .. اسمحلي لماذا الاستقرار المعنوي إذا أمكن التوضيح .

أخي أنا قصدت من هذا التعبير أنو يكون وضعي النفسي مستقر يعني من طرف البيت والأهلوالأصدقاء وغيرهم، ويكون عندي المعلومات والقدرات الكافية لأكون داعية إلى الله وحصراً بأختصاصي وذلك لأنو مجال الكمبيوتر والإتصالات هو أوسع مجال على مستوى العالم للتواصل مع الأخرين بسهولة والدخول لعقلولهم وقلوبهم بسهولة

لو سألتك عن إنجازاتك في الحياة من عمر 15 سنه لغايه 20 وانجازاتك في عمر ال 21 سنه

والله يا حبيب ما بتذكر غير أني دخلت المدرسة والجامعة
لكن دخولي الجامعة ومعيشتي بسوريا بعيداً عن أهلي علمتني الكثير عن الحياة لم أكن أعرفه


أما من خلال حوالي عامين التزمت أكثر بتعاليم ديني وحضرت دروس العلم في مسجدنا أكثر ، وأرجو من الله القبول والالتزام أكثر فأكثر....
فلقد شعرت فأني تغيرت داخلياً وخارجياً ومن خلال ما تابعت من سير وقصص وحكم جاءت لدي فكرة أن أكون داعية الى الله

ومن العام المنصرم طبعاً الى اليوم وأنا على حالي ولم أتغير لكني أحس أن من أنجازاتي:
العمرة التي عملتها في الشهر السابع ، والإجازات في رواية بعض كتب الأحاديث والفقه الاسلامي (الشمائل المحمدية للترمذي - عمدة الأحكام للمقدسي - الموطأ لإمام مالك - الأدب المفرد للإمام البخاري) وكتاب كفابة الأخيار في شرح غاية الاختصار في الفقه الشافعي ، الذي يحق لي تدريسه وروايته أكثر من الكتب السابقة ( وهذه الكتب لها أسناد عالية جداً وصحيحة على مستوى العالم الحالي فهي من فضيلة الشيخ بسام الحمزاوي وهو نقيب الاشراف في دمشق ومن الشيخ محمد ضياء عبد الفتاح الذي يرويها عن الشيخ بسام)
الخلاصة من ذكر الكتب ليس الافتخار بها - والله يشهد- لكن لأن هذه الكتب تحتاج لوقت طويل لقرائتها وشرحها وقد الممت بها والحمد لله في أقل من عام الا متاب كفاية الأخيار فأخذ مني حوالي العام والنصف، ومع ذلك لم تتأثر دراستي بل أصبحت أنظم وقتي أكثر وأكثر

هل تعتقد أن الخمس سنوات الاولى لها انجازات بقدر السنه الاخيرة ؟؟

75% لاء

فيك تقلي خمس مواقف جميله من طفولتك؟ -- وخمس مواقف جميله فترة الشباب ؟؟

والله يا حبيب لا أتذكر كتير مواقف لكن لما أستحضرها لن أتوانا عن ذكرها لك

فأعذرنيييييييييييي

وأيهما أجمل الخمس الاولى أم الثانيه ؟؟

الثانية طبعاً وبدون ما أتذكر شو صار معي

بكتفي هلا بهالاسئله

بعرف طولت عليك يا غالي

لا الله يسامحك

بس وللا يهمك

نحنا طمعانين فيك لحتى تفتح ألبك

ولي عوده

وهلا راح غادر واتركك تجاوب براحتك

بس راح ارجاع بفنجان قهوي تروق حالك

يا هلا بالغالي اراميس شرفتني

بس ارجع بأسئلة أسهل شوي
يا أخي صرلي شي ساعة عم أكتب وأتذكر وفكر حتى طلعت معي الأجوبة


شكراً حبيب على أسئئلتك شرفت

ولا تنسى القهوة بحبها سادة وطبعاً مع حلوياتها

[M-AraBi]

طبعا عدنا بعد الفاصل لنواصل

يا هلا

اسئلتي

تفضلي

اريدك تعذرني على كل سؤال وماتزعل من اسئلتي

لاء الله يسامحك، ليش في بالعادة!!!!!!!!

حابة اعرف تعليقاتك بكلامي كلو !!

ما بعرف هذا سؤال ولا شو؟
وبعدين اذا كان سؤال : قصدك على كلامك بشكل عام ولا عليي أنا فقط

انت عم تحكي عن امنيتك انك تكون داعية !! داعية الو شغلات كتيرة لحتى تصير داعية !! صح .. وبعتقد الداعية صعبة ماهي سهلة ابدا !!!
من ضمنها ويلي بعتبرا اساس في الداعية ووسيلة للنجاح هو الاسلوب المميز ولباقة في الكلام والحوار
لحتى نجد الشخص يتقبل منا الحكي !!
من اهم اسلوب الداعية هو اللباقة ومعرفة كيف توصل المعلومة للشخص ..
وانا شفت انو عندك وعي ديني كبير ماشاء الله..
ومن ردودك في المنتدى شفت طريقة اسلوبك في الرد بالشخص بصراحة اسلوب تهجمي مامكن اي شخص يتقبل نصيحة منك على هالاسلوب بالعكس ويمكن يجاكرك !!
وانا حكمت عليك بالمنتدى طبعا مابعرف برا كيف!!
فلذلك حابة اعرف انت اسلوبك بالمنتدى نفس اسلوبك تعاملك مع الناس برا هيك ؟؟؟
وانا كتير كتير بتمنالك التوفيق وبتمنى تتحقق امنيتك ان شاء الله يارب ..
وانا كتير فرحت بأمنيتك وبشجعك انك تحققها والله يوفقك يارب ..

للعلم أن عندما يريد الشخص ايصال أي معلومة لأخر فتصل المعلومة بسرعة وترسخ عند الأخر ويستطبع الأخر تقبلها، متأثرة بهذه العوامل (تقريباً يعني زائد أو ناقص 2% لكل واحدة):
9% نص ومحتوى و 37% نبرة و54% من حركات الجسم

يعني في لسه في 91% ما اظهرتها فكيف رح يكون الحكم عليي
أما للأسلوب والحكي : أصلاً أنا ما دخلت معكم بولا حوار أو نقاش حتى تحكموا عليي هيك!!!

كمان انا ولا مرة حرجت حدا بحكيي وأنا بشكل عام لما أعطيي رأيي بأي موضوع ما عم بيكون رد على عادي، لأنو بشكل عام أنا ما بكتب رد على الفاضي يعني من شان أخد مشاركة زايدة، وما برد على صاحب الا اذا كان جديد أو اذا رأيت الموضوع مميز ويستحق المشاركة،
أما اذا لاحظتو أنو مشاركاتي في المواضيع فكانت مصحوبة وجهة نظري ،

وانتي عم تقولي انو اسلوبي تهجمي

عطيني مشاركة واحدة بس أنا غلطت فيها أو تهجمت فيها على غيري ؟

وإذا بتذكري شو الحكمة تبعي بتعرفني أني ما بحب الخطأ بالمرة ولا بحب أنتهاك القوانين

الخلاصة: اذا بدكم تعرفوني أكثر أسئلو عليي يلي بيعرفوني

وبعتقد ريماس أنتي ما قصرتي بهي الشغلة بس لهلأ يمكن ما أقتنعتي


وهلأ بعرف أنو حكيي مو عاجبكم وأنو بتقصدو هذا الاسلوب يلي عم احكي فيو


بس المشكلة أني ما بحب الكولكة(يعني المجاملات الزايدة أو تمسيح الجوخ) وانا هون بموضع اتهام ولازم تكون وجهة نظري وردي قاسية شوي

فعفواً منكم

س2 حابة اعرف قيمة الانثى في حياتك ؟؟وهل انت حنون عليها ؟؟ بتحس فيهاا ؟؟

الاثنى لولاها ما كنت أصلاً ولا تربيت فهي الأم
وعندما نكبر وأبوح لها بأخباري فهي الأخت
وعندما أحن اليها ولا أجد للعيش طمع لولاها فهي الحبيبة والزوجة

يعني الأنثى هي نصفي الثاني

وهلأ بالعامية:
يعني النسوان الهم فصول وعادات مو طبيعية (وانا تعرفت عليها اكثر عندما سمعت قصص امهات المؤمنين كاملة،!!!! يعني بالنبي عليه الصلاة والسلام ما قصرو!!!!!)

وعلى فكرة أنا كتير بحترم وبقدر البنت اللي هي محترمة نفسها
مثلاً عنا بالكيلة في كم بنت كانو دالقين حالهم على العالم وكتار غلبة ومنهم محجبات وغير محجبات (والله كنت أقرف شوفهم)
وفي بنات محجبات وغير محجيات لكن والله بستحي اطلع فيهم لأنو أحسن مني خلقاً وأدباً

وانا أول ما كتبت مقالتي (هذا ديني وانا فخور به) بدأت بالكتابة عن المرأة فليش؟؟
الجواب ستعرفيه أكثر عندما تعيدي قراءة المقال وتفكري بها أكثر وبأهدافها

اما بالنسبة للحنان : فأنا والله يعلم أني حنون جداً بشكل عام فكيف على الانثى!!!!

اما أني أحس بها: فأنا من طبعي (ليس دائماً) أني بس يصير معي شي موقف أو حادثة بصفن شوي وما بعطي ردة فعل سريعة لأنو هون بفكر بعلانية بكل كلمة بدي احكيها، وبحاول أعرف يلي جنبي شو بدو يحكي أو بشو عم يفكر ويحس وفي الغالب بتزبط معي هي الشغلة.... أعتقد وصلت الفكرة

وهلأ تذكرت قصة يمكن تفيدك أكثر:
هذا لما أخي الكبير خطب من شي سنيتن أجت لعنا حماتو وانا كنت وقتها غرقان بالدراسة لأنو قت يكونو أهلي ما بيحصلي أدرس
المهم احت مع امي على غرفة العقدة وانا كنت هنيك رديت السلام وتجاهلتها وما حكيت ولا كلمة لأني وقتها كنت فعلاً مالي فاضي
قام راحت حماتو لأخي وقالت لبنتها : الله يعينك على ابن حماكي ولييي شو لئيم
قام ياحرام هيه خافت مني (هههههه)
وبعد فترة من زواج أخي (لأنو مدة خطبتو كانت حوالي ال20 يوم أو أقل)قالتي القصة مرت أخي وسألتها أنتي شو رأيك:
بكل بساطة قالت: لو ما شفت غير هيك ما كنت قلتلك القصة

لي عودة مزيد من الاسئلة

بتشرفي

بس جيبي معك شي بل ريقي والله الأحوبة متعبة وأنا بحكي كتير

[M-AraBi]

والله يا شباب ويا صبايا الأسئلة بدها قعدة طوييييلة
وانا كتير تأخرت اليوم

عندي تسليم مشروع بكرا الصبح
واول ما خلتصو جاوبت على اراميس وريماس وهلكت

ان شاء الله بكرا بكمل

السلام عليكم