النظام السوري في الميزان

[Dr.Hasan]

الاجهزة الامنية اكثر بلد في العالم يعني امن دولة وامن سياسي وامن عسكري واذا عارضت بتصير خائن لاسرائيل والصهاينة
واذا نقدت بتنحكم كم سنة وتجرد من حقوقك المدنية بتمهة الاخلال من هيبة الدولة
واذا قلت فيه محسوبية وخيار وفقوس بالتوظيف والترفيع بالجيش تتهم باقلال الوعي القومي والوطني للشعب
واذا عطيت رايك بعلاقة الدولة مع دولة تانية تتهم بتعكير علاقة الدولة بدولة صديقة
واذا حكيت بالدين او ناقشت شيخ حكومة بتكون صرت ارهابي واصولي وسلفي ووهابي ورح يلعنوا ابوا الي خلفوك
واذا كنت اخوان مسلمون يا لطيف رحت اعدام حسب الدستور السوري
والقائمة تطول هاد غير تقديم المدنيين الى المحاكم العسكرية ومحاكم امن الدولة والي اله اقرباء معتقلون يسالهم كم وقية ذهب تكلفة اللقاء مع ابنهم ساعة من الزمن
اما فروع الامن اشهر من نار على علم فالكل سامع بفرع فلسطين وسجن صيدنايا وعدرا
يعني اي محل بدك بتفتحه بدك موافقة امنية اذا بدك تمسح كنادر بدك موافقات امنية ورشاوي ومحسوبيات يعني اذا بيبقى الوضع هيك كم سنة بيصير الواحد حتى ينام مع مرته بدها موافقة من الامن السياسي
وبيكقي انه اي دولة جمهورية بالعالم بتحكمها عائلة واحد لمدة 48 سنة هو ما في مشكلة بس تصير بدل الجمهورية العربية السورية المملكة العربية السورية

[lnadar]

انا حبيت شارك برايي انا ما بدخل بالامور السياسية و انا مغترب ولكن انا ضد إراقة دم سوري واحد وما في دولة ما فيها فساد بس في طرق اصلاح كثيرة ممكن ان يتم تنفيذها بدون إراقة دماء الله يحمي شعب سوريا من الفتن ورحمة الله على شهداءنا وشكرا

[msamerz]

لايوجد بكل الدنيا اجمل من سوريا وقائد سوريا الدكتور بشار حافظ الاسد حماه الله
والله حامي سوريا

[haitham aldakkak]

تحياتي لكم جميعاً
برأي أنا اقول أن الغلط فينا نحن، سكوتنا. . . خوفنا . . . فسادنا . . .
لذلك قبل ان نحساب أحد علينا أن نحسب أنفسنا