كان العمر كلو صفا ..... كنا سوا ليل وسهر
والنور عم يمشي حفا.... ويفارق غصون الشجر
أنت وأنا ونسمة جفا .....هبت على الحلم انكسر
قنديل هالليل انطفا ..... وين القمر؟ ما في قمر
ياشوق يحرم الغفا ..... يامرقص دموع البشر
يا حب لمحة واختفى.....ما عاد شفتلو أثر
يا برد عم يلغي الدفا .... يا دموع عم تمحي الصور
حكمة وما كنا نعرفا ....أنو القدر هو القدر
شو صار يا درب الهوى ......... يا زارع بقلبي التعب
مش هم ما عدنا سوا......... ولا هم نبرم ع السبب
المهم من بعد الغرق ......... ننسى العذاب يللي مرق
بعدك يا قلبي يللي احترق...... مغروم حرقان باللهب
من وقتنا الكون ابتدا .......... كانو اتنين بهالدني
وما كان في غيرون حدا....... ولا ينطفي الحب الهني
قلبون على الشوق اهتدى ........صارت سنة تسرق سنة
تا صار يوسع هالمدى ......... . والبعد يكبر بالدني
ما ضل بالوردة ندى.......... ولا في غصن عم ينحني
وبقيت وحدي ما عدا......... أحلام عمر الولدنة
لاصوت حتى ولاصدى ...... .ينده ويسأل شو بني
شو صار يا درب الهوى ....... يا زارع بقلبي التعب
مش هم ما عدنا سوا........ ولا هم نبرم ع السبب
المهم من بعد الغرق ........ ننسى العذاب يللي مرق
بعدك يا قلبي للي احترق ..... مغروم حرقان باللهب
اشتقتلك
البعد أذاني
ولي عليكون
بئول للي ببالي كل دمعه من عيوني حتكون دم بعيونك
الذين يشاهدون الموضوع الآن: 21 (0 من الأعضاء و 21 زائر)
مواقع النشر (المفضلة)