ضيـف الإسبـوع علـى كرسـي الإعتـرآف :: المبـدعـ { اراميـس } ::

[aramees]

.

الغالي أراميس:

يسلمو يا غالي

تقبل من كل الحب والاحترام وكم سؤال عالماشي

ولك بالمثل أخي .. تفضل

هلأ فهمت أنو أصلك من غزة وتهدم بيتكم (ولا حول ولا قوة الا بالله)
واله يفرج عنكم قريباً ..............

صحيح .. الله كريم أخي والحمد لله على كل حال

هلأ أنت وين؟

أنا من غزه وهلا بالبيت طبعا

وشو سرعة النت عندك؟

2 ميجا بايت

وقديش عم تدفع؟

يعني ما يعادل بالدولار 50 دولار بالشهر

وشو بتحب تاكل وتشرب وانت عم تشتغل

بالشغل قليل قليل لما باكول بس يعني قهوي وسجاير

وشي حبة شوكولاته بسكويته

وشو وانت قاعد قدام الكمبيوتر؟

لا تسأل حدث ولا حرج مكسرات وتسالي وشيبسي للصبح

وطبعاً سؤاليى الدائم:


وهل بتحب توم و جيري اكثر ولا النمر الوردي؟

طبعا توم أند جيري وهل يخفى القمر

وتانيهم فيلم كرتوني قديييييييييييم اسمو

بيل وسباستيان ... الكلب الابيض

بس لهون بكفي

ههههههه يعطيك العافيه في انتظارك

بس بتعرف طلعنا انا وياك متشابهين بشغلة

اي

وهي العطر لأنو أنا بحب نوع azzaro كتير

لا تؤول عنا

معشوقتي Azaroo & Aramees

والي رجعة قريباً ان شاء الله

أهلا وسهلا

تحياتي

Aramees

[دمعة فرح]

اي اراميس نكمل ...

اول شي شو اخبارك اليوم ؟؟

اراميس من ايمت بلشت تدخن ومين كان المحرض أو ليش دخنت .. ووين دخنت اول مرة وبشو حسيت؟؟

تقدر تستنغي عن الدخان وحاولت مرة تتركو ؟؟

بتدخن قدام والدك او والدتك ؟؟ ولابس قدام رفقاتك واللي هنن بعمرك ؟؟

بشو تبدي صباحك ؟؟

بتصلي ؟؟

موقعنا يصلح لأي الأعمار بنظرك ولو وحدة من اخواتك بعمر المراهقة حبت تشارك معنا بتخليها ؟ شو ماكان جوابك .. بدي السبب

كيف بتاخد حقك .. بأنو طريقة ؟؟

شو نقطة ضعفك اراميس ؟؟

ومن شو بتخاف ؟؟

بتخاف من المسؤولية ولا واثق من نفسك بأنو انت لها خاصة مسؤولية الزواج ؟؟

ايمت بتنزل دموعك .. وبتخفيهن عن الانظار ولا بيشوفها غيرك ؟؟ ومين بتحب يمسح دمعتك ؟؟

قديه بالمية عندك حنان ؟؟

وقدية بالمية عندك ضعف ؟؟

رفقاتك .. انت بتختارن ولا هنن بيختاروك ؟؟ وشو رأي اهلك بأصدقائك ؟؟

بيكفي هيك وبرجعلك بعدين

[aramees]

اي اراميس نكمل ...



مرحبتين وهلا



اول شي شو اخبارك اليوم ؟؟

تمام الحمد لله نشكر الله

اراميس من ايمت بلشت تدخن ومين كان المحرض أو ليش دخنت .. ووين دخنت اول مرة وبشو حسيت؟؟

والله مع الاسف من فترة شي 10 سنوات

ما في محرض بس بلشت بالقصه هيك فضول يعني

مع العلم انو في البدايه كنت حس بانو هبل

شي مالو طعمه وما بيعمول شي ما في منو فايده

بس مع مرور الايام صرت بطل اقعود الا ولازم دخن كانت عاده في

البدايه وهلا صارت ادمان أو شبه ادمان ان صح التعبير .

أول ما دخنت طبعامتل اي شاي واحد من اتنين يا فوء السطوح

يا إما نخترع شي مشوار بعيد عن البيت لحتى ندخن والمهم ما حدا

بيعرفنا في المكان لحتى ما تروح وشايه لبابا هههههههههههه

أما سبب تدخيني لحد هلا ..

الظروف والوئت يللي منعيشو أوقات عصيبه كلا

وظروف الحياه هون قاسيه كتير كتير طبعا بتعرفوا الاسباب لا داعي

لفتح مجال للحكي بهيك ظروف معيشيه

تقدر تستنغي عن الدخان وحاولت مرة تتركو ؟؟



لو قلت بقدر يمكن أه ويمكن لا

ولو قلت ما بقدر ما بظن إنو عزيمة الرجال

تكون السيجارة أقوى منها

بعتئد لو عزمت على ان اتركوا بتركوا بس في الوقت الحالي صعب

اما اني حاولت اتركو

حاولت وتركتو ايام واسابيع

بس في لحظة اتخذ قرار وارجع للتدخين

قرار غبي طبعا بعرف

ههههههههههههههه

بتدخن قدام والدك او والدتك ؟؟

ولابس قدام رفقاتك واللي هنن بعمرك ؟؟

صراحتاً قدام والدي ووالدتي لا بنوب بنوب

بمعنى أصح ما بيعرفوا لحد هلا اني بدخن قبل سنتين عرفوا وزعلو مني كتيييييييييير كتير

وقلتلن راح بطلو وبطلتو شي اسبوعين وبعدا ارجعت للبلوة من تاني

قدام رفئاتي عادي طبعا

لك شو جاب على بالك هيك سؤال ما لئيتي غير السيجارة له له له

ههههههههههههههههههههههههههههههههههه

بشو تبدي صباحك ؟؟

طبعا

أول شي بالصلاه على النبي اللهم صلي على سيدنا محمد

يا صباح يا فتاح يا رزاق يا عليم

أصبحنا واصبح الملك لله

بصبح عالبابا والماما

بشرب كاسه أعشاب

بعد هيك بقعدلي شي نص ساع مع فنجان قهوي و بخطط ليومي

وين أقضيه ووين روح وشو علي وشو اعمل وهيك شي

وبعد هيك بفطر وبقول يا باب الله يا كريم

نسعى في مناكبها

بتصلي ؟؟



الحمد لله والله يتقبل منا ومنكم الطاعات



موقعنا يصلح لأي الأعمار بنظرك

صراحه لكل المستويات

أرى فيه زوايا وأماكن للشباب والشابات كبار السن كمان كل

الشرائح لها أماكن ممكن أن تجد نفسها فيها أو تتحاور مع الاخرين

بمستواها العقلي والفكري

جميع المستويات موجوده

ولو وحدة من اخواتك بعمر المراهقة حبت تشارك معنا بتخليه

طبعا بخليها بس وين

هون اي

يللي بتعرفوا أحسن من يللي ما بتعرفو

هون بأمنلا تتواجد وما بخاف عليها لانو ماشالله كلالاعضاء هون

بصراحه محترمين جدا وخلوقين وطيبين واسرة وحده وإخوات أهم

ما في الموضوع أما أماكن تانيه منتديات أخرى بصراحه لا

مع العلم هون كمان بسمحلا بس في حدود المعقول

ا ؟ شو ماكان جوابك .. بدي السبب

السبب اني بسمحلا متل ما زكرت كلن اخوات

ومحترمين ماشالله

عليهن هون

ولماذا في حدود .. لازم البنت تكون مقسمه وقتها منيح يعني لو

بدنا نؤول ما بتخلص من المدرسه

يدوب تتغدى وترتاح شوي وتروح لدراستها وواجباتها بالبيت تيجي

هون تقعدلا شي ساعه بيعد هيك بيضل التي في بدا تقعود عليه

ساعه زمن

بهيك النهار بيكون خلص

اما مو معئول تيجي من المدرسه ترمي تيابا وتقعود للمغرب هون

متل ما عم يعمول أخوها أراميس بيجي عالبيت بضل للصبح سهران

ههههههههههه

لهيك اسباب بمنحها اوقات محدده

كيف بتاخد حقك .. بأنو طريقة ؟؟

أنا من طبعي الحمد لله ما بسكت عن حئي لو بدفع التمن غالي

بس الطريئه بستخدم كل الطرق يللي بتبعود

عن العنف ما بترك باب الا بفوتو من الابواب الايجابيه

فيما لو فشلت بجلب حقي بيدي لا استخدم العنف ابداً أبداً

بلجأ لواحد أكبر مني وبالتأكيد لابي بالدرجه الاولى

مهما كان ما بترك حئي يروح وبنفس الوئت بالقانون وما بستخدم

اساليب سلبيه بنوب بنوب

شو نقطة ضعفك اراميس ؟؟

الطيبه

حاسس طيبتي الزائده عن حدها نقطة ضعف عندي

ما بعرف ليش

بجد بجد.. يعني أنا ما بمدح بنفسي بس الناس هني يللي بيؤولو

هيك مو أنا لا سمح الله أقول أنا

ومن شو بتخاف ؟؟

الحمد لله ما بخاف من شي قدامي أو وراي مخافة ربي أولا

ثم مخافه الوالدين عندي أهم شي بالدنيا كلا

لاني ماشي طريئي صح ما بخاف من شي

المستئبل ما بخاف منو

اني اقول خايف من الجايه.. أبدا لا

أخاف من بكرة

لا

إعقلها وتوكل مؤمن بذلك

إتكل على الله وعمي قول يا رب

بس يمكن بصراحه بخاف لحظة ما بفكر بحالي بقول أنا وين هلا

وشو عملت بحياتي بس لحظات وقتها وبرجع بقول إرمي حمولك

على الله بيروح الخوف

بتخاف من المسؤولية ولا واثق من نفسك بأنو انت لها خاصة مسؤولية الزواج ؟؟

بالتأكيد لاما بخاف

وخصوصا المسؤوليه هي ما بخاف منها

والسبب الرئيسي يللي خلاني إتأخر شوي بالزواج هالنئطه هي

دائما بؤول ولا يمكن إفتح بيتي إلا وأنا واثق من هالشي

ومقدر إني شيل المسؤوليه

يتبـــــــــــــــــــــــــــــع

[aramees]

ايمت بتنزل دموعك .. وبتخفيهن عن الانظار ولا بيشوفها غيرك ؟؟ ومين بتحب يمسح دمعتك ؟؟

ااااااااااااااااااااااااه

يا ريتها تنزل وتريحني

كتماني سر عزابي بهالدنيا

ما بتنزل وما حدا بيشوفو

دموعي مستعصيه وبتمنى انا تنزل بس ما بقدر صعب جدا

ساعات بؤول ريتها تنزل دموعي وروح لامي

لحتى تاخدني بحضنا وتمسحلي دموعي

نفسي بس مو بإيدي ما بقدر بنوب

قديه بالمية عندك حنان ؟؟

يعني هالسؤال هاد ما بحب جاوب عليه لانو سبق وقلتلك

ما بحب أحكي عن حالي

بدون مبالغه بالحكي يمكن 90 % ما بدي قول 100 %

وقدية بالمية عندك ضعف ؟؟

بضعف أمام إنسان يتألم

إنسان مريض

إنسان موجوع من قلبو

أمام دمعه طفل

أمام طفل يتيم

أمام طفل مشرد

أمام إنسان يعاني من عذابات الايام

بظن هيك وصلت النسبه

رفقاتك .. انت بتختارن ولا هنن بيختاروك ؟؟ وشو رأي اهلك بأصدقائك ؟؟

هني يللي بختاروني وانا من طبيعتي ما بختار رفيق لالي بالساهل

بس بمجرد ما انو أُعجبت بشخص ما لا أقبل عليه بلهفه

سرعان ما هو يكون صديق لي باختياره هو وطبعا ازا كنت مقتنع

بصداقتو برحب فيه وازا ما كنت

لو بدو يعمل شو ما يعمل كرمالي بتجنبو

راي اهلي برفئاتي الحمد لله يعني ما بسمع منهن الا

ماشالله على رفيئك فلا شاب كذا وكذا وكذا

بيمدحوا فيه لانو هني بيكونو شايفينو متل ما انا شايفو

بيكفي هيك وبرجعلك بعدين
اي يعطيكي العافيه

في الانتظار

تحياتي

Aramees