الأخ (محمد عربي) ضيف ... افتح قلبك مع ( دمعة فرح )لهذا الإسبوع

[دمعة فرح]

الله يكون بعونك يامحمد هههههههههه

[M-AraBi]

اي محمد ندخل بالجد بقى ...
شكلنا انا وريماس رح نقضي عليك .. بس من المحبة ولو ما بنحبك ما بنستفسر منك
ولا دخلنا فيك .. بس حابين نبحبش بقلبك ونطلع كل شي

لاءا اختي دمعة عادي جداً وأنا مالي مدايق من الأسئلة بالمرة ، بس المشلكة أنو هذا الأسبوع عندي امتحانات العملي وان شاء الله بكرا بخلص وبرتاح منهم

اول شي بدي اسألك كيف كانت تربيتك وانت صغير يعني ..
كان جو البيت مغلق .. او منفتح .. ؟؟ منفتح بمعنى إيجابي مو سلبي

كانت تربيتي بالبيت عادية جداً مثلي مثل أي ولد عايش بالشام وأرى فس نظري أن جو البيت منفتح انفتاح ايجابي لكن بحدود وضوابط طبعاً،
ولكني الأن لا أرى أن التربية التي تربيتها (مع كل الاحترام والتقدير لفضل والدييَ عليَ) ولكن هناك أشياء كان من المفروض أن يكون عندي منها وعي أكبر وخاصة أمور المراهقة والبلوغ الجمسي للشاب التي لا توصلها المدرسة للطالب بشكل جيد

انتو كشباب يامحمد بتحبو تختارو بنفسكن شريكة الحياة .. غالبا !!

وانا هيك بعتقد ، وفي احتمال كبير أني أنا أختار شريكة الحياة، لكني أفضل الزواج التقليدي

شو اللي خلاك تميل للزواج الكلاسيكي ومابتختار انت بنفسك ؟؟

أولاً أنا مالي علاقات حالياً مالي علاقات مع البنات كعلاقات صداقة ولا حتى على الايميل،ولا بحب هيك علاقات ولا بدي ساوييها
لكن لي تواصل بسيط مع زميلاتي فقط داخل الكلية!! و طبعاً معكم!!
يعني أنا مالي كتير خلطة مع البنات......
وهذا من أكبر الأسباب اللي يلي جعلت الزواج التقليدي منتشر أكثر فأكثر
ثانياً أنا من شروطي أنو بس بدي أخطي بدي أقعد مع البنت شي جلستين من شان أأخد واعطي معها وهذا قبل كتب الكتاب الشرعي والقانوني، وهذا جائز لي شرعاً بلا خلاف

محمد ليه ماعندك اسلوب مزح ؟؟ بيجوز خارج النت عندك
بس هون داخل الموقع ماعندك مزح نهائيا وخصوصا مع البنات
بيختلف اسلوبك بالحكي مع الشباب والبنات ..
يعني هي انا وريماس بنشوف اسلوبك هجومي
وخاصة ببداية ماسجلت انا بالموقع
مرة نزلت موضوع بقسم الاستراحة وطبعا كان مكرر لكن انا ماكان عندي علم
نزلتو لكن كان العنوان مختلف .. وطبعا بادلتني بردك كالآتي : مكرر وحطيت عنوان
الموضوع الاصلي وبعدا حزفتو ...

وهكذا على جميع الاعضاء تقريبا وخاصة الجدد عند تكرار موضوع ما

كلنا بنعرف بأنو الاسلوب بيلعب درو كبير .. وبصراحة انا وقتا كرهت
الموقع كلو هههههههههههه

بس هلأ عن نفسي اسلوبك معي تغير وتغير للأحسن طبعا
والحمدلله

المطلوب منك : رحابة صدر أوسع .. وليونة بالكلام

والله يا دمعة هذا رأيكم وأنتو أحرار فيو، بس أنا بمزح وقت بلاقي المزح مناسب وحتى هون بالموقع معكم أو مع غيركم بمزح ،
وبالواقع رفقاتي كتير بدياقي على قد ما بمزح وبئرئ عليهم (ان شاء تعرفي شو تعني ئرئ؟؟؟؟!!!!!)
بس الظاهر أنو أنتو أخدتو فكرة غلط وضليتو ماشيين عليها
وبالنسبة للأسلوب الهجومي برجع وبقلول هاتي مشاركة واحدة الي تثبت كلامك....؟

وعلى فكرة أنا مرة قلت لريماس في شغلة ببالي بدي قولها بس خايف تزعلي مني, وما قلتها, وهي:
أنو أنا مو فارقة معي أن عرفتي ولا ما عرفتي، بالنهاية اللي بيني وبينك هذا الكيبورد والموقع ومارح يصير بيني وبينك، يعني ما فارقة معي اذا غيرتي وجهة نظرك فيي ولا لاء
(دمعة بصراحة أنا هي إجابتي لكل انتقاداتكم الي ، بس من شان ما تقولو أني هجومي أو لئيم
قلت لبين أحصل ما يضل تحت أسم خطوط حمر وعلامات أستفهام!!!!)

شو كمان بدي اسألك شو كماااان

شو هي مواصفات فتاة أحلامك ؟؟

بكل بساطة: تكون مسملة محجبة ملتزمة جميلة واصلة على الأقل للبكلوريا العملي ومجموعها فوق ال170 (يعني مفاضلة قبول نظامية)
أن تكون من عائلة متواضعة وأفضل أن تكون من بلدتي (على الأقل برتاح كتير لما بوصلها لعند أهلها)
أما غير هيك!! فعندي ما عاد في مشكلة لأي صفة لأنو كلو بتغير ويتحسن بعد الزواج إلا النق فالله يستر

هون عنا افتح قلبك أي شغلة مو صحيحة بتقولا .. بتجيك صعقة كهربا

يعني عندكم أفتح قلبي بمستشفى نظامي ولا عند جورج قرداحي
ههههه

[M-AraBi]

بتحب كرشك ولا لاء

له له ريماس
هذا سؤال

أكيد أيه

ومربى على العز والرز وحياتك

[M-AraBi]

هلا فيك خيو محمد منور الكرسي
بدايه اتفضل كاسة عصير رطب ريئك....

أهلين دانا، شرفتي
تسلم ايديكي والله كلك زوء لأنو فعلاً عم ينشف ريقي وانا وعن أكتب كأني عم أحكي وأكثر

حابة اسألك كم سؤال بس ياريت تكون اسئلتي خفيفة عليك...
مو متل ناس هون حابة تنتئم منك

أيه الحمد لله
شايفة شلون بالله عطيهم شو ية دروس بالأسئلة

بسم الله...
1-من هو توأم روحك؟ ولاتستطيع العيش بدونه؟؟

حالياً الموبايل والكمبيوتر

2-من بنظرك العضو اللذي يستحق ان تقول عنه محبوب بين الاعضاء ؟

عاشق الوطنية

3-لو خيروك بين حبيبك وبين اعز صديق فمن تختار ؟

صديقي، لأنو مهما كسر هذا القلب فربما يلئم يوم من الأيام ، أما الصديق فأين سأجد شخص له قلب وعقل وتكفير مثلي!!!!

5- ((مستحيل انساك)) لمن تقولها ؟

لكل من قدم لي معروفاً أفادني كثيراً وكان هاماً لي في حياتي ووقت قدمه لي، ولكل موقف شخص مستحيل نسيانه من وراءه

7-هل تعترف بشيء اسمه الصداقه بين الرجل والمرأة ؟

لا، فهناك إما علاقة زملاء ومحدودة ضمن نطاق العمل أو علاقة حب وزورج،
وشرعاً (على حد علمي) لا يوجد هناك أي شيء يثبت بجواز الصدقة بين الجنسين ، لأنهم مهما فعلوا سيكسرون الحدود والضوابط ومهما كانوا شاطرين فالشيطان أشطر

وأذكر أن الإمام أحمد ابن حنبل وهو في طريقة سمع امرأة عطست، فقال لها رجل: رحمكي الله، فرد عليه الامام أحمد بقوله : وأنت لا رحمك الله.....

وأذكر أن الإمام الشافعي رأى كاهل أمرأة بالخطأ، وكان الشافعي صاحب قدرة عاليه على الحفظ، وعندها لم يستطع أن يحفظ لمدة أسبوع.
أعتقد أنو هيك وجهة نظري ثبتت تقريباً !!!!!!!!

يعطيك العافية
احتمال لي عودة... تقبل مروري واسئلتي...

شرفتي أنسة دانا
وياريت كل الأسئلة بتكون مثل أسئلتك

يمكن هذا أقل وقت إجابة مر معي لحد الأن