فنجان قهوة مع آدم / حواء !!!

[aramees]

لا تعليق

بس هيك قلتيها

نحنا كمجتمع زفت منعتبرها شي مو طبيعي

تحياتي لالك

Aramees

[دمعة فرح]

يشرفني اليوم أن استضيف آدم .. صاحب قلم رائع وجذاب
ضيف وصديق عزيز علينا جميعا

الدكتور بيرو

ومع فنجان من القهوة من دون سكر




ولنبـدأ

س1 :عرف لنا نفسك ؟

س2:من هي حواء في عيون الدكتور بيرو ؟

س3 : هل تعتبر نفسكَ آدم الذي تعجب بهِ حواء ؟

س4: هل تعتقد أن هُناك قلّه ممن يرضون بالقناعة والتواضع ؟

س5: من الذي يخضع منكم لرأي الآخر ، آدم لحواء .. أم حواء لآدم ؟

س6:لكل منا في الحياة والمجتمع رسالة يقدمها ماهي الرسالة التي يقدمها الدكتور بيرو؟


س7 : أيهما تفضل : الزوجه التي تحبها ، أم الزوجة التي تحبك ؟

س8 : هل تعتبر مهارة الطبخ لدى حواء من الأمور الواجبة توفرها في الزوجه ؟

س 9 : حينما تطلب منك حواء إمساك يدها في السوق ، هل تمسكها أم ترفض ذلك ؟

س10: بنظرك من هي الحبيبة دائماً عند آدم ؟
س 11 : أمي ، أختي ، عمتي ، أبنتي ، زوجتي ، جدتي ، أنت [ آدم ] ..
رتب التالي حسب أهميتها لديك ؟

س 12 : آدم / حينما تقول لكَ المرأة [ أحبك ] ماذا تكون ردة فعلك؟

س13 : ماهي نسبة تعامل الدكتور بيرو مع حواء بصدق ؟!

س14 :ماهي مواصفات حواء المثالية في عيون الدكتور بيرو؟؟

س 15: لو طلبت منك حواء إعداد سفرة للضيوف ، ماذا ستفعل ؟

س16: مااسم حواء المحبب لديك؟؟

س17: ماهي الصفة التي لاتتنازل عنها في حواء ؟

س 18: هل لكلام حواء تأثير على قرارتك ؟

س19: هل تشكل حواء عليك مخاوفاً وهواجس إذا كانت مثقـفة ؟

س 20: لماذا دائماً يشعر آدم أن حواء لاتـفهمه ؟!

.س21: لماذا آدم احيانا مايلجأ للعبوس والصمت في الوقت التي تحتاج حواء إلى أبتسامته وحنانه ؟!

س 22: هل أنت صريح جداً مع من تحب أم المجاملة تلعب دوراً في هذه العلاقة أو تلك ؟

س23: هل يعتبر آدم أن التضحية هي واجب حواء دون آدم ؟ ولماذا ؟!

س24: هل أنتَ مثالي ؟!

.س 25: ماهي الأشياء التي تمتلكها حواء ويتمناهاا الدكتور بيرو لنفسه ؟

س26: متى تشعر بتأنيب الضمير تجاه حواء ؟


س 27: من من النساء تشكو إليها همومك [ أختك ، أمك ، زوجتك ، أبنة أختك ، عمتك ، خالتك .... ألخ .. ] ؟

س 28: لو خيروك بين ملكة جمال الكون لكنها لاتحبك ! وبين إمرأة لاتحمل جمال الشكل لكنها تحبك بقدر الكون ، فإيهما تختار ؟


س 29: قال الله تعالى [ الرجال قوامون على النساء ] ماهو تصورك
لمعنى قوامون ؟


س30:ماذا يستطيع ان يقدم الدكتور بيرو الي نصفه الاخر حواء..؟وماذا ينتظر منها؟

س 31:واخيرا..
لقد فك أسرك ولديك مساحة فارغة لك أن تصرخ فيها بما تشاء ..؟

[Dr.Berooo]

يشرفني اليوم أن استضيف آدم
تسلمي يا رب الله يخليلنا اياكي ..
صاحب قلم رائع وجذاب
خجلتينا
ضيف وصديق عزيز علينا جميعا
الله يديم هالصداقة طول العمر يا رب وما يحرمنا من بعض

الدكتور بيرو
ايوا انا معك

ومع فنجان من القهوة من دون سكر يا سلااااااااااام على فنجان قهوة الصبحيات بتسوى الدني




ولنبـدأ
يلاااااا ... الله يستر من اسئلتك

س1 :عرف لنا نفسك ؟
انا ابراهيم انسان بسيط عادي

س2:من هي حواء في عيون الدكتور بيرو ؟
حوااء يا سلاااااام ما احلاه هالاسم بالنسبة الي ، نصفي ومكملي
لكل شيء شبيهه مختلف عنه يعني تشابه الاختلاف
ظلام ==== ضياء
نار ===== ماء
فراغ ==== هواء
ارض ==== سماء
ابراهيم==== حواء
والقائمة تطول وتطول

س3 : هل تعتبر نفسكَ آدم الذي تعجب بهِ حواء ؟
اي ليش لأ ، ما تباهي ولا شي بس هيك بقولو انا ماحكيت عن حالي :)

س4: هل تعتقد أن هُناك قلّه ممن يرضون بالقناعة والتواضع ؟
ما قلّة في كتير ما بيرضو بالقناعة ونفس البشرية مجبولة على هالشي انو بتحب تاخد كلشي رغم انو عندها كلشي بس خلص سبحان الله طبع

س5: من الذي يخضع منكم لرأي الآخر ، آدم لحواء .. أم حواء لآدم ؟
والله تنيناتنا منخضع لكلام بعض يعني اهم شي التفاهم وشي أكيد بدو يكون في بعض التنازلات من الطرفين مشان تكمل مسيرة حياتون والا بتصير انانية

س6:لكل منا في الحياة والمجتمع رسالة يقدمها ماهي الرسالة التي يقدمها الدكتور بيرو؟

نهاية الدنيا فناء فعش فيها كريما" واعتبرها عدم

س7 : أيهما تفضل : الزوجه التي تحبها ، أم الزوجة التي تحبك ؟
اوف لك شو هالسؤال هادا كيف بدي جاوب عليه .... الحب جزء لا يتجزأ من الزواج كيف بدي اتزوج وحدة انا ما بحبا وبس هية بتحبني او العكس ممممم سؤال كتير صعب ولووووو بس بدك الصراحة بيني وبينك يعني الواحد خلي ياخد الزوجة يللي بتحبو احسن الو ولمستقبلو بنهاية لأنو لو بدو ياخد هتيك يللي بحبا بس من دون ما تحبو مارح يكمل حياتو معها او بدو يضل مهموم على كيفية ارضائها بس وهي شغلة صعبة كتير يعني (( بمل ))

س8 : هل تعتبر مهارة الطبخ لدى حواء من الأمور الواجبة توفرها في الزوجه ؟
عادي مو كتير بدقق على هالشي ذاتي ما حدا ولد و بيعرف كلشي :)
معك معك بتتعلم بس يعني ما تروح تاخدها عادة .

س 9 : حينما تطلب منك حواء إمساك يدها في السوق ، هل تمسكها أم ترفض ذلك ؟
ليش بدي خليها تطلب مارح اتلحق تطلب لأني بكون لافف ايدها لف بدياتي واذا بدا بوسلها اياها قدام الكل كمان تقبر البي شو بدي حبها ... قال ارفض قال ...

س10: بنظرك من هي الحبيبة دائماً عند آدم ؟
هي الفتاة التي احبها بعقله وانتقل الحب الى قلبه فتقمص روحهُ روحها .... وقتها غير مين ومين ما بيقدر يبعدو عنها ...

س 11 : أمي ، أختي ، عمتي ، أبنتي ، زوجتي ، جدتي ، أنت [ آدم ] ..

رتب التالي حسب أهميتها لديك ؟
أمي ( عشقي الاول )
زوجتي ( عشقي الاخير )
أختي ( بفديها بروحي )
انا هدا العبد الفقير المسكين ...

س 12 : آدم / حينما تقول لكَ المرأة [ أحبك ] ماذا تكون ردة فعلك؟
ببتسم وبعين بعيونها وبمسك ايدها وبقول بحبك وبحضنها (( طبعا" اذا كانت هي هية البنت يللي بحبها والا بحاول اشرح موقفي تجاها ))

س13 : ماهي نسبة تعامل الدكتور بيرو مع حواء بصدق ؟!
من هالناحية انا صريح وصادق 100% ما بحب اللف والدوران ... اولو شرط اخرو سلامة خيتو ...

س14 :ماهي مواصفات حواء المثالية في عيون الدكتور بيرو؟؟
ممممممم ذكية واعية حلوة هادئة ومرحة (( اذا كان الانسان ذكي وفهمان بكون متدين بنفس الوقت او فهمان دينو كويس وهون بيدخل ضمن عنصر الذكى برأي ))

س 15: لو طلبت منك حواء إعداد سفرة للضيوف ، ماذا ستفعل ؟
بقلا من عيوني والف طلب متل هالطلب ... الو مطعم
بس ما تعيديااااا

س16: مااسم حواء المحبب لديك؟؟
ليلى

س17: ماهي الصفة التي لاتتنازل عنها في حواء ؟
كبريائها

س 18: هل لكلام حواء تأثير على قرارتك ؟
اوف كتير كتير ... وبحب اخد رأيها دائما او بدي آخد رأيها دائما بتكون العبارة اصح ...

س19: هل تشكل حواء عليك مخاوفاً وهواجس إذا كانت مثقـفة ؟
ولووووو بالعكس تمام اذا كانت مثقفة وواعية عيني ربها ما أحلاها وقتها هيك بتكون حياتنا كلها حيوية وتجديد ومنطور بعضنا ...

س 20: لماذا دائماً يشعر آدم أن حواء لاتـفهمه ؟!
لأنو هو بكون مانو فهمان حالو ... ما بظن في وحدة بالكون بتحب حبيبها وهو بحبا ومانا فهمانتو والا بكونو ما بحبو بعض ...

.س21: لماذا آدم احيانا مايلجأ للعبوس والصمت في الوقت التي تحتاج حواء إلى أبتسامته وحنانه ؟!
طيب شو كل واحد وظروفو ... الله عليم بأي مرحلة بكون عم يمر فيها وهون النقطة يللي جوابها بالسؤال القبل انو حواء لازم تكون فهمانتو لآدم وتكون الصدر الحنون والدافي الو مو انو تنتظر كلشي يكون من ادمها ...

س 22: هل أنت صريح جداً مع من تحب أم المجاملة تلعب دوراً في هذه العلاقة أو تلك ؟
انت حكيتيها مع يللي بحب شي أكيد بدي كون صريح وصريح جدا" لأني بحبو وما بخبي عليه اي شي ... اما المجاملة فيعني الدبلوماسية وهدا ما بيمشي مع يلي بحبو بعض ابدا يعني بدك الصراحة حاجتنا مجاملات برة البيت حتى جوا البيت بدو يكون مجاملات شي أكيد لأ وهون الكلمة بتيجي انو انا لازم كون صادق معها 100% مشان ما اضطر اني جاملها .. فهمتي علي

س23: هل يعتبر آدم أن التضحية هي واجب حواء دون آدم ؟ ولماذا ؟!
لالالالالالا كيف يعني بس حواء وهو شو دورو لكن يشوفها عم اضّحي بنفسها وهو قاعد متكتف وعم يتفرج عليها لك آدم الحقيقي هو يللي ببادر بالتضحية وبيفدي روحو كرمال الانسان يللي بحبو ... بتقول الروايات انو ادم عليه السلام نزل بالهند وامنا حواء نزلت بهضبة النجد فظل آدم يبحث عن حواء حتى التقيا في عرفات وهون الواحد لازم يستنتج وين الهند ووين نجد ووين عرفات يعني شوفي المسافة يلي قطعها ادم والمسافة يللي قطعتها حواء عليهما افضل السلام بتكوني عرفتي مين لازم ايضحي بالاول .

س24: هل أنتَ مثالي ؟!
والله مابعرف بدكون تسألو حواء عن هالشغلة بس بحاول قدر الامكان كون مثالي


.س 25: ماهي الأشياء التي تمتلكها حواء ويتمناهاا الدكتور بيرو لنفسه ؟
الكبرياء (( موجودة فيني بس بحس عند حواء الها نكهة غير ادم بتعرف تتحكم بكبريائها اكتر وبحاول دائما اتعلم منها هالشي انا ))

س26: متى تشعر بتأنيب الضمير تجاه حواء ؟
وقت بكذب عليها ....


س 27: من من النساء تشكو إليها همومك [ أختك ، أمك ، زوجتك ، أبنة أختك ، عمتك ، خالتك .... ألخ .. ] ؟
أختي الغالية


س 28: لو خيروك بين ملكة جمال الكون لكنها لاتحبك ! وبين إمرأة لاتحمل جمال الشكل لكنها تحبك بقدر الكون ، فإيهما تختار ؟
القرد بعين امو غزل :)) يعني شي أكيد البنت يللي بتحبني ... شو بدي اكتر من هيك وحدة بتحبني وبتخاف علي وبتهتم فيني


س 29: قال الله تعالى [ الرجال قوامون على النساء ] ماهو تصورك
لمعنى قوامون ؟
{ قوامون } : يقال قوام وقويم ، وهو فعال وفعيل من قام ، المعنى هو أمين عليها يتولى أمرها ، ويصلحها في حالها ..


س30:ماذا يستطيع ان يقدم الدكتور بيرو الي نصفه الاخر حواء..؟وماذا ينتظر منها؟
بقدملا كل يللي بتتمنى لك بقدملها روحي ...
انتظر منها مسحة على جبيني وقت تعبي
س 31:واخيرا..
لقد فك أسرك ولديك مساحة فارغة لك أن تصرخ فيها بما تشاء ..؟
إذا كان ذنبي ان حبك سيدي .... فكل ليالي العاشقين ذنوبي
..................................................
يا سلاااااااااااام الحرية ما أحلاها لك شو هالاسئلة يا دمعة خليتيني اعمل برميل قهوة مو فنجان بس ... بصراحة استمتعت كتير وانا عم جاوب اي والله حكيت يللي بألبي ...
ان شاء الله تعجبك اجوبتي وننجح بهالامتحان .... حاكم حياتنا كلها امتحان بامتحااااااااان ...

تحيــــاتــــي ... !!!

[دمعة فرح]

اجوبة يصفق لها .. رائعة جدا دكتور .. لأول مرة نكتشف بأن الدكتور بيرو حساس ورومانسي لدرجة لا احد يتوقعها
وهذه صفة نادرة جدا .. جلسة ممتعة بصراحة واجوبة راقت لي بشدة ..

صحة وهنا على القهوة .. ازا بتحب اقرالك الفنجان هههههههه

شكرا لقبولك الدعوة دكتور وبنشوفك بجلسة تانية

مع ودي