مضافة المنتدى اهلا وسهلا

[الصقرالحنون]

ارجع شوفها طلعت هههههههههههههههه

عدلتها والله النت جلطني

[SH.A.M.Y]

شو عرفك أخي عاشق؟! بالظاهر الستيتية خبرتك؟!
يعني بصراحة بداية الطفش! لأن صرلي آعد معها بالأوتيل عشر تيام, إي والله شي بيطالع الروح!
بس عن جد الجواز حلو لاسيما إزا كانت الزوجة إنسانة شبه كاملة من جميع النواحي.
ربي يطعمك بنت حلال تسعدك يا غالي.

[SH.A.M.Y]

الله يصبحكن بالخيرات.
خلص كل ضيوفنا رجعوا بحفظ الله للشام, وصفينا وحدنا.
وبكرا الجمعة رح نترك الأوتيل ونروح عالبيت.
وأنا من يوم السبت إزا الله راد بدي إرجع لعملي, وبالتالي رح تكون فوتاتي عالمنتدى أليلة,
لكَن! لازم إسعى ورا رزئتي, لأنها ما حتجي هيي لعندي وأنا آعد مبسوط بالأوتيل أو بالبيت!
والمعيشة هون ظالمة ما بترحم,
لما إرتفع سعر البترول إرتفعت أسعار جميع السلع,
ولما إنخفض سعرو ضلت أسعارها مرتفعة!
والمالك هون أبل ما تخلص سنة العقد بشهر بيؤول زادت الإجرة أربع تالاف,
إزا موافيء وقع عالعقد الجديد, وإلا في عندي واحد حابب يستأجر الشقة!
يعني إحليء! ومجبور إحليء حتى بدون مي وصابون,
لأن القانون بيحمي المالك مو المستأجر!
بالمختصر المفيد: غربة وكربة, وشوب ونكد, ووجوه كالحة ومية مالحة وشمس لافحة!
والحمد لله على كل حال.

[دمعة فرح]

صباحكم ورد وياسمين دمشقي
يارب تكونو كلكن بخير وصحة وسعادة
اليوم جبتلكن عصير برتقال بارد منعش
ان شاءالله يعجبكن