(1) كم وجبه بتآكل بـ اليوم ؟
حسب يومي ... يا 3 ... يا وجبة وحدة
(2) شو وجبتك المفضله يلي مابتقدر تستغني عنها ؟
الفطور ... لإنو عادي بقعد طول اليوم بدون أكل لإنو بتصدف مرات بخلص دوام بروح عالجامعة بخلص جامعة بروح عالمعهد (تقوية للجامعة)
(3) أنت من النـاس يلي بيتكدرون وبينتزع مرائهن إذا جاعوا ؟الله يستروبيطلع خلئك
مو ازا جعت ... بس ازا حدا حكالي انو عامل أكلة وبجي بلاقي أكلة تانية غير اللي حكالي ياها بتضايق
(4) أول مآ بتدخل سوبر مآركت انو قسـم تشوف بطنك بيوديك لعندو بدون شعور ؟
العصائر والمشروبات
(5) هلاء هالمقولة بسمع مرة عمي كتير بتئولا \
ياترى صح ولا هئة
[ الطريق الى قلب الرجل معدته ] !![]()
لا قلبي الوصول إليه مو من كرشي بالمرة وبعييييييييد كل البعد عنو
(6) شو رأيك في الحكي
[ إذا بدك زوجة ترضى عليك وديهآ ع المطعم ]!
زوجتي رح تكون رفيقتي وصديقة دربي .... ففي مليون طريقة لحتى راضيها وتراضيني .... فإزا بتحب الشط ايه ليش لأ
(7) إذآ فتتت ع البيت و أنت جوعااااان شي مره ومالقيت اكل جاهز شو ردة فعلك ؟
بحط راسي وبنام لبين مايصير الأكل (رايق أنا كتير)
(8) شو الأفضل عندك تاكل بالبيت أو تاكل بشي مطعم ؟!
البيت بحكم انا انسان بيتوتي
(9) بتحب تاكل لـ حالك أو تاكل مع جماعه وليش ؟؟
ما حب آكول لحالي .... بتضايق لما آكول لحالي ما بحب حس بالوحدة
(10) إذآ كنت من النآس يلي بيحبون كبسه أي نوع من الكبسه بتحب ؟!
عادي أي شي
(11) لو كنت معزوم /ة شو بتحب/ي
تكون العزيمه نوع واحد او اتنين والا بوفيه يعني كذا صنف وعدة انواع ؟
بوفيه (لإنو في كتير أكل ما باكلو فالبوفيه لازم لاقيلي شي أكلة مشي حالي فيها)
(12) أنت من الناس يلي بتحب تاكل بين الوجبات ؟! إذا كانت إجابتك نعم شو بتحب/ي تاكل/ي؟؟؟
لا عادي
(13) إذا كانت شهيتك مسدوده عن الأكل مين بتختار من الأعضآء ياكل معك كرمال تجيك الئابلية و تنفتح شهيتك !!
لاااااااااااااااء هاي سر
(14) شو الطبخه يلي بتبخطها و وعبالك تعزمنا عليها ؟؟!!
ملوخية طبع بس لتصير عندي بنت الحلال كلكوم معزومين
وبرمضان عندي الفول طبق أساسي بالفطور .... وبعمل قلق ازا ما كان في فول عالفطور
(15) بتعتبر حالك سنفور/ة اكول/ة
باكول ايه ... بس ذوقي بيطلع بالمشروبات .... بعمل خلطات عصير مو طبيعية ...
يسلمو رور ... وبعتذر عالتأخير
King of Nothing
««صديقة الدرب»»
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
![]()
للاستفسار او مساعدة راسلوني على هاد الايميل
[email protected]
««صديقة الدرب»»
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
![]()
للاستفسار او مساعدة راسلوني على هاد الايميل
[email protected]
الذين يشاهدون الموضوع الآن: 1 (0 من الأعضاء و 1 زائر)
مواقع النشر (المفضلة)