««صديقة الدرب»»
نصار فز و هرب و لطفية واقفة ع الباب عم تندب حظها لانو شوكت شافها معو
لطفية: لك الله لا يوجهلك الخير يا نصار
و تفز ركد لغرفتها و تقفل عليها الباب
شوكت فات ع البيت و هو معصب و عم يجعر بأعلى صوتو ..
شوكت : لطفية .. ولك لطفية وجع الهي .. افتحي الباب احسن ما اكسرو فوق راسك
ام لطفية : شوفي يامو شبك عم تصرخ يا بعدي..؟؟!!
شوكت : لك يامو بنتك بدا توطي راسنا بالارض .. لك انا شوكت دراعو اليمين للعكيد ابو العز ودراعو الشمال للمختار ابو فهمي ...لاقي اختي واقفة ع الباب مع نصار.. نصار ولك لطفية نصار .. آاااااااااااخ بس آااااااااااخ
ام لطفية : صحيح هالحكي ولك لطوف .. لك ريتني ائبرك الهي ..افتحي الباب يا شرشوحة افتحيه
لطفية عم تبكي و تتمسكن: لك يامو والله ما ساويت شي .. نصار كان عم يسأل عن ابي بس .. صدقيني ما عملت شي ..
شوكت : ولك لطوف- سبة مشفرة -
لطفية : دخيلك يامو دخيلك احكيلو ما يعمل شي بنصار .. والله الزلمة اكابر وما عمل معي شي
أم لطفية : اكابر قلتيلي ما .. اي الله لا يوجهلك الخير على هيك عملة
الام و هي عم تخاطب شوكت ابنها المدلل : لك خلص يا ابني خلص بئا مو ناقصين وجع راس .. تعا تؤبشني حطلك لقمة تاكلها
شوكت : نفدتي هالمرة يا مقصوفة الرقبة.. ما رح اتركو يهرب من ايدي .. رح قطعو شئفة شئفة .. وما بكون شوكت على سن و رمح ازا ما عملت هيك
لطفية عم تحكي حالها : اي روح يا .. تضرب بشكلك .. عاملي فيها ابضاي وانت بس تشوف زهرية بتصير اد الصوص
و بفوتت ابو شوكت ع البيت
يتبع...
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
للاستفسار او مساعدة راسلوني على هاد الايميل
[email protected]
««صديقة الدرب»»
ابو شوكت فات ع البيت و لطفية راحت غرفتها و سكرت على حالها الباب و شوكت عم يتوعدلا انو يموتها
ام شوكت : اجيت يا تؤبر قلبي .. نورت أرض الدار ابن عمي
ابو شوكت : الله يرضى عليكي الهي ..
ام شوكت : حطلك لقمة تاكلها تؤبش قلبي
ابو شوكت : اي حطيلنا شي ناكلو و بطريقك ناديلي لطفية عندي ياها جوز كلام
ام شوكت : امرك يا عمري :
ام شوكت راحت تحط الغدا
لطوف قاعدة بغرفتها وماسكة هالموبايل و عم تبعت مسجات
توت توت توت توت .. صوت كبس ازرار الموبايل
لطوف عم تبعت مسج لنصار ( يا عيني ع الحب )
نصار يا تؤبر قلبي
هيك بتعمل فيي لك يا اجدب
ما بتخاف عليي حبيبي
شوكت كان رح يموتني
و توت بتبعت المسج
بعد ثواني بيوصل الرد
توت توت .. توت توت ..
لطفية يا روحي
و يا بلسم جروحي
يا بعد شواربو لنصار
لك فشر شوكت يلمسك و راسي عم يشم الهوا
انطريني اليوم جنب شباك الغرفة
محضرلك قصيدة بتشل
لطفية : ولي على قلبي .. قصيدة .. لك تؤبر قلبي انت و حكياتك شو ظراف .. انا ازا ما اخدتك يا نصار رح انتحر.. رح اشرب كاز
و بينما لطفية عايشة بالاحلام و الاوهام .. بتسمع صوت امها عم تناديها
ام شوكت : ولي لطفية .. بشو سرحانة يا مقصوفة الرقبة اه .. بشو عم تفكري؟؟؟ قومي اتلحلحي اوام ابوكي بدو ياكي
لطفية بينها وبين حالها : ( العمى ممنوع نفكر كمان بهالبيت و شو بدو هاد كمان.. الله يستر ما يكون شوكت حكالو عن نصار
).. لا يامو ما في شي .. ليكني جاية
ابو شوكت عم يحاكي لطفية : شو يا بنتي سمعت قال جاييكي خطابين اليوم
لطفية : اي يابي ابو الروض اخوه للمختار ابو فهمي
ابو شوكت : اي وانا عطيت كلمة للجماعة و ان شاء الله كتب الكتاب الخميس الجاي
لطفية نطو عنوناتها لبرا: شــــ شـــ شــــووووووووووووووو
ابو شوكت : ولي عم تعلي صوتك بوشي
لطفية : لا ما قصدي يابي .. بس انا .. انا .. اناما بدي ابو الروض ما بدي ياه ..
ابو شوكت : شو ع كيفك ما بدك ياه .. هاد اخر كلام عندي ما عجبك تصطفلي
لطفية عم تبكي و تندب حظها و حبها لنصار .. يا ترى شو رح يصير
يتبع
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
للاستفسار او مساعدة راسلوني على هاد الايميل
[email protected]
««صديقة الدرب»»
وينكم ياجماااعة
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
للاستفسار او مساعدة راسلوني على هاد الايميل
[email protected]
هاد ظلم .. مابيصير شو بالزور يعنييي
الذين يشاهدون الموضوع الآن: 3 (0 من الأعضاء و 3 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)