ياعزيزي انااغتربت لاسباب عدة منها الوضع المالي الممتاز وجود عمارة من ثلاث ادوار لوالدي القوانين الممتازة في بلدي وجود عمل براتب جيد وجود تامين صحي لي افي حال مرضي والكثير الكثير؟؟؟؟؟؟؟؟؟؟؟؟لك ياعمي من الفقر والله لوفي بيت عندي مارح اتغرب !!!!!!!!!!!!!
تغرب عن الأوطان في طلب العلى *** وسافر ففي الأسفار خمس فوائد
تفريج هم ، واكتساب مــعيشة *** وعلم ، وآداب ،وصحبة ماجد
فإن قـيل في الأسفار ذل ومحنـة *** وقطع الفيافي وارتكاب الشدائد
فـموت الـفتى خير له من قيامه *** بدار هوان بين واش وحـاسد
بس والله مشتاق لتراب بلدي
اول شي بحب سلم على كل الموجودين بالموضوع
اخت زينة انتي عم تسألي سؤال يمكن سهل الاجابة عليه للبعض ويمكن يكون بصرخة الم للبعض
انا من ناحيتي ما حسيت بالغربة يمكن لإنو عايش مع اهلي هون ...
بس بحب علق على هالموضوع .. يعني لو بلدنا بتحترمنا كان تركنا بلدنا ؟؟
خلينا نلعب ع المكشوف ... يعني مين بيتحمل الفساد ياللي بسوريا ؟؟ حالات الفقر .. غلا الاسعار ؟؟
طيب الناس والعباد شو بتعمل بحالها ؟؟ انا عم احكي عن نسبة كتير كبيرة من حالات الفقر ... هلأ لا كل واحد ينط ويحكي ياللي بيشتغل بيعيش
لا تواخزوني بهالكلمة .. ياللي ما بيكون داحش ايدو بتم هاد وهاد ما بيعيش .. والباقي راحت عليه .. كللو تعتيل وكل واحد بيكون عندو عرر ولاد
طيب ليه حكومتنا مو شايفة هالشي ؟؟ انا عم احكي عن واقع شفتو بعيني ..
ياللي عندو واسطة هاد بيكون ابن عز وبتنضربلو التحية ..
وياللي ما بيعرف غير الله .. هادا بيكون مدعوس عليه ولا حدا دريان فيه ...
انا كنت من الناس ياللي كنت قول والله والله لو عيشوني على خبز وزيتون ما بترك الشاغور .. لإنو ما كنت عرفان انو الاحترام بيكتمل بأوروبا مو ببلدنا
ولما تغربت بأوروبا حسيت بالفرق .. وحسيت كيف احترام الغرب لوجودنا كبشر ... صح عم يستفيدو من طاقاتنا ياللي كانت ضايعة ببلدنا .. بس بيعطونا احترامنا
في كتير تفاصيل موجودة ببلدنا بتخللي الحرقة دايما بقلوبنا ... الحيتان ياللي ما بترحم وبتبلع الأخضر واليابس
حلم حياتنا انو يكون ببلدنا احترام لإلنا لحتى شي يوم نفكر بالرجعة .. بس دق المي وهية مي
واحدنا بينزل على سوريا .. اول اسبوع بينبسط يا سلام .. والتاني والتالت .. وبالرابع ما بيصدق ايمتا يرجع .. يعني فينا نقول بلدنا صارت لإلنا بلد سياحي مو اكتر
بتمنى من كل قلبي انو بيوم من الأيام ارجع لبلدي بس اني كون معزز مكرم هنيك وانو بلدي تستفيد من طاقاتي مو الغرب
آسف ع الاطالة اختي .. بس سؤالك ضرب بالصميم
ولسا منحلم بترابك يا شام
دمتي بكل ود
السلام عليكم سوريا حلوا الله يحميها من غدر الزمان بس الكويت لها افضال كثيره غلينا الله يديم سوريا والكويت الي خلتنا نعيش بكراما وعز بفضل الله عايشين بعز الكويت والله ما عرفنا السيارات واالبيوت الجميله الا من خير هدا البلد خيرو علا كتافنا
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)