الأخ (محمد عربي) ضيف ... افتح قلبك مع ( دمعة فرح )لهذا الإسبوع

[M-AraBi]

اهلين عدنا

الله يستر

بدي اقلك ماني طالعة من هون ياتقنعني انت يااقنعك انا
على قولة المتل مابعرف اذا متل ولاء لاء يانطلع من هون ياقاتل يامقتول

لنشوف

حابة اقلك انو انا بعرف ماحكيت شي غلط وانا ماقلت انو كلامك غلط ابدا بالعكس كلامك صحيح ومنطقي لما تعطي ردود
بس وقتا العيب بس الاسلوب انت فاقد الاسلوب ونحنا ماعم نعارض بكلامك ابدا نحنا معارضتنا الاسلوب بس ..
ونحنا مو قصدنا بدنياك تجامل او تكولك بالحكي لاء .. انا رح اجبلك مثال مشان تعرف مقصدي لانو انت لهلاء ماعرفت شو مقصدي :

مثلا واحد جاب حديث مكذوب !!
وانت احكم بالردين :
اول رد : يااخي حديثك مكذوب ياريت تتاكد قبل ماتحطا وفورا تنقل لسلة المحذوفات.. كلام سليم وصحيح ومافيو غلط بس اسلوب (مبين اسلوب تهجمي )
رد تاني:اخي الفاضل حابة اوضحلك انو الحديث مكذوب ومشان مانقع بالاخطاء ونتحمل المسؤلية ونتحاسب الافضل انو تتأكد من صحة الحديث قبل ماتضعها وبعتزر منك اخي الفاضل سوف يتم نقله لسلة المحذوفات..

اتمنى انو وصلتك فكرتي يلي حابة اوصلك ياه .. شفت الفرق بين الردين
وبعتقد الرد الثاني مافيو مجاملة ولا كولكة ...

خير ان شاء الله

و الدين النصيحة فشكراً لك


هيك انبسطي مو هههههه

وانت عم تقلي بدك رد من ردودك علي فيها اسلوب تهجمي
طبعا في ردود بس ماني متزكرتن غير رد واحد لهلاء متزكرتو لانو حزّت في نفسي شوي ..
طبعا الموضوع يلي رديت عليها انت وكان اسلوبك تهجمي :
موضوع تنبيه ..ارجو من الجميع الدخول بخصوص المواضيع الدينية !!! لما انا حطيتو وثبتو اول مرة
تتزكر شلون كان ردك علي وشو عملت شلفتو لسلة المحذوفات فورا... انت لو رديت بطريقة تانية واسلوبك منيح كنت تقبلت كلامك
وتعرف كنت رح احطلك رد بس الادراة وقتا هي طلبت من انها تتصرف...

يعني درتي ولفيتي وما لقيتي غير هذا الرد
مارح جاوبك عليه لأنو وجهة نظري لسه ثابتة من جهة الموضوع
وبرجع بقلك أنو الواحد أوقات بيكون بمواقف بيطلع معو حكي كتير وجارح وبيكون معو حق وما حدا بيلومو وانا برأيي أنو بهذاك الوقت لا الام على ردت فعلي

وبتعرفي أني وقتها قطعت الموقع شوي وكنت ناوي اترك، أنا وغيري من الشباب!!!!!

ومابدي ادخل بهذا الموضوع وقصته.....

وبالنسبة للزعل من هذاك الموقف فما لك حق تزعلي من هيك موقف ، لأنو أنا ما كنت عم خاطب ريماس بل كنت عم خاطب ادراة الموقع بشكل عام

وطبعا تقدر تحكي يلي بدك ياه نحنا هون مارح نزعل من بعضنا ابدا ..نحنا هدفنا ناقش ونفهم
لكن ليش اسمو كرسي اعتراف
وتاكد هون مارح يكون في زعل


(وعلى فكرة أنا مرة قلت لريماس في شغلة ببالي بدي قولها بس خايف تزعلي مني, وما قلتها, وهي:
أنو أنا مو فارقة معي أن عرفتي ولا ما عرفتي، بالنهاية اللي بيني وبينك هذا الكيبورد والموقع ومارح يصير بيني وبينك، يعني ما فارقة معي اذا غيرتي وجهة نظرك فيي ولا لاء)


شي اكيد هي حرية شخصية الك واكيد بينا هو الكيبورد والموقع متل ماقلت وانو مابتفرق معك وجهات نظر ..
هي حرية شخصية مابيحقلي ابدا ادخل فيها او ازعل ..

بس بحكيلك بالنسبة الي بتفرق معي وجهة نظر وآراء غيري لانو الانسان مابيقم حالو (في حدا بيقول عن زيتو عكر )
الناس هي يلي بتفرق وبتعرف وانا بتقبل انتقادات والآراء بشرط تكون بطريقة لبقة وحلوة .. ومستعدة اغيرها كمان ..

وانا كمان بتهمني وجهة نظر الاخرين وانتقاداتهم حتى اني مستعد غير وجهة نظري اذا حللتها ولقيت اني غلطان وما بخجل اعترف اني غلطت.

وللعلم أنو أنت مرة اجيتي على موضوع دروس في الحب وقلتي أنو هذا الحديث ضعيف وما بصير نحطو
وتناقشت معك فيو .......... وتكرت القصة

ولما سألت الشيخ عنو قلي أنو أخره موضوع مو كلو ومن شان هيك أعتبر الحديث ضعيف
أما ما قيل في الحديث عن النبي محمد صلى الله عليه وسلم فهو غير موضوع

وأنا من يومها كتير تقبلت ردك وكنت حابب أشكرك على مشاركتك بس ما كان رسائل خاصة ، ويمكن أنا وقتها حذفت الموضوع وكل ما لاقيه عم يتكرر عم أحذفه
................................................

ومع ذلك أنا كتير بحسبها قبل ما اكتب أي كلمة ومن شان هيك الكلام يلي بينكتب أنا مسؤول عنه وأقصده بكل معنى الكلمة

مابقى اعرف رقم السؤال

يمكن مية

حابة اعرف رئيك عن ردودي مع الاعضاء وطريقة ردي عليهن مو عالمواضيع بقصد ؟؟؟

طريقتك لبقة مناسبة للموضوع، وحتى أني بهتم بالموضوع يلي بتشاركي فيو أكثر من مشاركات الأخرين لأنك مو بس بتردي بالشكر وبتعلقي على الموضوع كمان مع وجهة نظرك كمان، وأنا بحب هذا الأسلوب (لأني أنا هيك كمان )

بعرف كترت لعي كتير

عادي مو شغلة جديدة على البنات

هالمرة ضيافة عليك محمد ضيفني مشان اكمل اسئلة

أنا جايه على بالي كابتشينو ، شو رأيك

لانو لسا في كتير

بس غيري موضوع الاسئلة لأنو داق خلقي من نقك، فعلاً يلي قالو أنو النسوان بنقو كتير ما غلطو

[M-AraBi]

على فكرة رح افتح قلبي بدون سؤال ورح حط يلي ببالي:

أنو أنا ناوي إن شاء الله تعالى بس اتزوج وجيب ولاد سمي أولادي
الذكور: وائل (لأنو لقبي أبو وائل من لما كنت صغير) وعمر
والاناث: لين و ريم أو مشتقات هذه الاسماء مثل :
لين : لينا - ليان - ليال
ريم : ريما - ريماس
وهي الأسماء فعلاً كتير بحبها

فمن شان الله يا ريماس خليني حابب الاسم
معلش؟

[ريماس]

على فكرة رح افتح قلبي بدون سؤال ورح حط يلي ببالي:

أنو أنا ناوي إن شاء الله تعالى بس اتزوج وجيب ولاد سمي أولادي
الذكور: وائل (لأنو لقبي أبو وائل من لما كنت صغير) وعمر
والاناث: لين و ريم أو مشتقات هذه الاسماء مثل :
لين : لينا - ليان - ليال
ريم : ريما - ريماس
وهي الأسماء فعلاً كتير بحبها

فمن شان الله يا ريماس خليني حابب الاسم
معلش؟

والله شكلي رح اكرهك الاسم

[ريماس]

برافو محمد على اجاباتك
انا هلاء مارح احط اسئلة بهالموضوع رح اغير ..بس لاتخاف رح ارجع احكي لانو حكينا ماخلص
وهي قلتا البنات نئئات خلاص علئت شو بدك تعمل هانت

سؤالي
طبعا انت قلت بتحب القراءة وقريت كتير كتب كلها كتب دينية .. قريت شي كتب عن قصص الحب وروايات ومجلات مثلا !!
حابة اعرف طباعك بصفة عامة ؟؟
حافظ القران ؟؟
شو اكتر شي بيزعجك بالناس ويلي لقيتو اكتر شي ظاهرة فيهم ؟؟وتتمنى تغيرها !! وهالسؤال كتير بحب اسئلو مابعرف ليش
اذا بكت حواء قدامك ونزلت دموعها شو بيكون موقفك ؟؟

حاج انتظر مني مزيد من الاسئلة الله يعينك زعلت عليك

اتفضل هي ضيافة مشان ماتقول ماضيفتك ها

شوف لسا ماقطفتا من الشجرة جبت الشجرة لعندك مشان انت تقطفا بئيدك

بسرعة لحئ حالك اقطفا وكلا قبل ماتجي دبة دمعة فرح وتاكلها
لي عودة