واجب الشباب السوري هذا اليوم

[Ahmadgsr]

بصراحة تفاجأت بالردود اللي وصلت
غيرتو وجهة نظري 180 درجة
انا كنت بظن ان الشعب السوري واعي
بس للأسف طلع لسا عايش بالقرون الحجرية
كلنا بنحب وطنا
كلنا نتمى الموت فدا الوطن
وفدا تراب الوطن
بس للأسف ما بعرف ردودكم كانت عن خوف ولا عن قناعة
ولو ان واثق ان معظمها كان عن خوف
لايمت رح نبقى هيك نضحك على بعض
يعني هلأ صار الشعب السوري مجموعة من المندسين
العملاء لاسرائيل ولامريكا
اذا الواحد بطالب بحقوقو يعتبر خاين وعميل ومندس
لسا في ظلم بعد هيك
بالله عليكم شو فرق نظام بشار الأسد عن نظام حافظ الأسد
انا بقلكم
ولا شي هوة نفسو
سرقة نهب تهويل ذل مهانة بطش
كلنا نعرف ان من عام 1975 ما صار شي بيننا وبين اسرائيل
لا والانكى من هيك كم مرة دخل الطيران الاسرائيلي الأراضي السورية
لك حتى ضرب منطقة شرق مدينة حلب
شو كان جواب حكومتنا
نحتفظ بحق الرد
فما حدا يقلي سياسة خارجية
بعدين مين قال ان الشعب بدو مين يرفعلو راسو برا
لك بعدين شو نفع رفع الراس امام اميركا اذا كان ممرغ بالطين داخل سوريا
ولمعلوماتكم يا شباب ان شباب الثورة في سوريا أوعى من هيك
عجبني شعار كان رافعو أحد المتظاهرين بقول
لا علوية ولا سنية هي ثورة حرية
واللي بقلي ان رئيسنا بلش بالاصلاح ليش ما بلش من قبل
من 11 سنة وهوة رئيس وكل مانو الفساد عم ينتشر أكتر وأكتر
هلأ بلش بالاصلاح متل ما بقولو بعد ما شاف العين الحمرا واشتغل الخوف
لك اصحو بقا وحاجة خوف
رح اعطيكم مثال واحد عن النهب والتفرد بثروات البلاد
رامي مخلوف
حدا بيقدر يخبرني من وين جمع هالثروة الطائلة
وع ان عمرو تقريبا 35 سنة
لا حدا يقلي ورثها عن أبوه لأننا نعرف أن آل الاسد كانت اسرة بسيطة قبل تسلمها الحكم عام 1970
صرعتني احدى الاحصائيات الرسمية اللي صدرت في احدى دول العالم عن ثروة الاسرة الحاكمة في سوريا
رامي مخلوف تجاوزت ثروته البليون دولار
لك تخيلو كمان استغل أزمة ليبيا وحالة الشباب السوريين فيها
فطلب من وزير النقل اصدرا قرار يمنع أي طائرة غير سورية تحمل ليبيين أن تنزل على الأراضي السورية منشان ينقلهم بطائرات شركاته الخاصة لؤلؤة الشام و أجنحة الشام
بس للأسف ما بالمجان بـ 4 أضعاف سعر التذكرة الحالية واحيانا وصلت لـ 6 أضعاف
بعتذر عالاطالة بس والله لو حكينا لمدة اسبوع ما رح نخلص حكي
تحياتي للجميع

[دمعة فرح]

بارك الله فيك أخي .. وانا أؤيد كلام الاخ كامل من حمص
المشكلة لا تقع على سيادة الرئيس بشار الأسد فهو ليس بدكتاتوري أو متسلط
بالعكس .. قدم الكثير الكثير ليس لشعبه فقط !
المشكلة هي الايادي الخفية التي تستغل الشعب وتظلمه وبذلك تتشوه صورة الحكم !
والحمدلله لا احد يستطيع تشويه الصورة .. لأن غالبية الشعوب تعرف من هو بشار الأسد !
اتمنى ومن كل قلبي أن تمر هذه المحنة على خير .. راجية من المولى التوفيق لجميع الشعوب العربية

وسأعود لسوريا قريبا حتى لو انقلبت الى جحيم !

ملاحظة : انا لست سوريّة الأصل

بالتوفيق للجميع .. مع خالص شكري للأخ بشار

[السمونة]

سوريا الله حاميها
عن زيد بن ثابت الأنصاري رضي الله عنه قال: سمعت رسول الله صلى الله عليه وسلم يقول: يا طوبى للشام! يا طوبى للشام ! يا طوبى للشام!قالوا: يا رسول الله وبم ذلك ؟ قال: ( تلك ملائكة الله باسطوا أجنحتها على الشام )
عن عبد الله بن عمرو رضي الله عنهما قال: قال رسول الله صلى الله عليه وسلم: إني رأيت عمود الكتاب انتزع من تحت وسادتي ، فنظرت فإذا هو نور ساطع عُمد به إلى الشام ، ألا إن الإيمان إذا وقعت الفتن بالشام

[bashar]

بسم الله الرحمن الرحيم
ما رح بيع وطنيات على حد بس حابب قول إنو أنا ماني من الطبقة المرفهة أو المدعومة أنا ابن سائق باص نقل داخلي وطبعا لي الفخر في ذلك، حابب نوه اني من أسعد الناس للشي يلي صار في الدول العربية وخلصنا من بعض من باع القضية بأبخث الأثمان بس واللهي كنت من الأول خايف إتو أعداء سوريا يستغلوا الأمور ويحاولوا يجروا رجليها بس لسا املي بالشعب السوري كبير إنو يررجع يصحى ويوقف خلف حكومته واللي تختلف كل الاختلاف عن غيرها من الحكومات العربيه بما يلي:
1- ليست حكومة استبدادية فأنا أعرف الاستبدادية بأنها مصادرة رأي الشعب والحمد لله حكومتنا رأيها في أغلب المواقف إذا مو كلها مستمد من آراء الشارع السوري.
2- الأوضاع بسوريا من الناحيه الاقتصادية ممكن تتحسن أكتر من هيك بس خلي نكون منصفين نحن بسوريا بالنسبه لامكاناتها الاقتصادية أوضاعنا مو كتير سيأة والكل شايف انو من يوم يلي صار الدكتور بشار رئيس لهلا الأوضاع في تحسن مستمر وملحوظ والجاي أحسن انشالله.
3- مكافحة الفساد جارية منذ زمن بس يا جماعة لا تتخيلوا الرئيس عندوا عصا سحرية يقل للشيء كن فيكون لازم نساعده وهو الشهادة لله مو مقصر.
4- لا ننسى إنو الرئيس العربي الوحيد يلي بتمدح فيه كل المقاومات العربية وعلى راسها حزب الله وحماس.
5- هو الرئيس العربي الوحيد يلي رح تنبسط أمريكا واسرائيل اذا لا سمح الله صار شي عليه.
بتوقع انون كل هالأسباب كافية لنكون واعيين ونوقف وراء حكومتنا وما نسمح لحدا يلعب فينا والله سوريا بشار وبس

شكرا على الرد الواعي