هلي خلو علي حراس .. وعيون
ومن دمعي جرى نهرين .. وعيون
شلون خدود عندك ياولف .. وعيون
كبار ويامحلا نظرتهن علية
يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه
كلبي مافرح عكـــــــــــبك ولاسار
وجدمي ماخطى الغيرك ولاسار
اخبرك مابقت جلمه ولاسار
فضحني الدمع من غصـــبن عليه
وحق كلبك وعينك ورمشاك
اضل طول العمر امشي وره مشاك
عليل ومرضي ورم شاك
تطيب جروحي من تمد ايدك عليه
افرح لو شفت وجهك وسر بي
وحبك ثابت بكلبي وسر بيه
شما طال الدرب امشي وسر بي
ابعث الروح لعيونك هديه
صدكنيي جذب من كال الموت مره
وصدكنياليحب شما تعذب حلو مره
واتمنى ابوس اشفافك كون بس مره
وذا تشتاك للغالي تشوف الموت كم مره
واتمن تحس بيه فرد مره
تعال ارجوك واتلاحك عليه
يا صاحب هاك اخذ مكتوب وصله
واريد اعرف عمامه منين و اصله
كلبي عليك صار 12 وصله
كل وصله تصيح جيبو اليه
عاشراني حلو وبطبعي عاشراني
واظل دايم طول العمر معاشراني
اذا تسعه الحبوج والعاشراني
اذن الرقم 11 والله خطيه
تعال احسب بهمي عده انته
وگلبي شعده غيرك عده انته
ازعل الدنيه كلهه عده انته
لأن زعلك يزعلني عليه
اريد افرمت كلبي والغي رامه
واشيل العشك منه والغي رامه
عليك انت المخطط والغرامه
لان حسنك كسر غفله عليه
اريد انشد شعر فصـحـى و شعـبي
و اشـيد بشيمة اجدادي و شعـبي
و اخبر كل شعر عنهم و اشـع بي
و أگـول اشعارهـم و الابوذيــة
أحب اثنين بس أهلي والأعراق ..
وحبك يا وطن بية والاعراق ..
كل طيبة جذر مني والاعراق ..
من طيبة أهل خير البرية
سلام وطيب يحبابي وصلنه
وعسى ما ينكطع منكم وصلنه
الهوى اليهب منكم وصلنه
اشمه وترد روحي عليه
سلامي وياك للخوان وصله
لهلي اهل الكرم والطيب واصله
صدكوا لو بقى من الجسم وصله
تبقى تحن لارض العامرية
كلب صافي لون تهوى كلبنه
وابد مايوم عـالصاحب كلبنه
احنه اظلوع الك وانت كلبنه
ونحافظ عـالكلب من كل اذيه
حبك شامة بخدودي ودكة
واحط بالكلب بسمارك وادكة
شكم دكة شفت منك ودكة
ورغم كل هذا حبك موبدية
الوكت وكعنه وكنعه وكلبنه
وابد مايوم على غالي كلبنه
احنه ضلوع الك وانت كلبنه
وانخاف اعله كلبك من كل اذيه.
عكب طيب الليالي مرمرني
سنين السعد راحن مر مرني
كوس الشهد زادي مامرني
حنضل صارن بفركا الاحباب
ذبحتونا يبو كذيله بلا موس
وهمت مجنون من ضيمك بلا مس
احبابي من ذكرناكم بالامس
بجينا دموع بللنا الثياب
أحب اثنين بس أهلي والأعراق ..
وحبك يا وطن بية والاعراق ..
كل طيبة جذر مني والاعراق ..
من طيبة أهل خير البرية رررر
روعــــــــــــــــة الف شكر دمعة فرح
متـــــــــى
الزفاف ياعروس الربيع
آسعدني مروركم ياغوآلي .. نورتو الابوذيـآت
تحيــآآآتي آلكمـ ,,
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)