جيتك بقايا إنسان هد الوقت فيني مابنيت
روض جموحي وانحنيت وماعلا فيني وطى
.
جيتك وارددها بعالي الصوت والله ماقويت
ارحل عن عيونك وهي فرش امنياتي والغطا
.
ياسيدي يمكن خذتني فورت اعنادي وقسيت
ولا انت تعرف مايجي مني على مثلك خطا
.
انت الكبير بقلب خالد ماجحدت ولانسيت
مهما عطيت ادري شعورك مايثمنه العطا
.
ياما سهرتك ليل عاشق عن نجومه ماغفيت
وياما على صبحك تكسر هم بغيابك سطا
.
محتاج لوجودك معي احس تو إني بديت
أقف على دربك بعد ضاعت بدنياي الخُطى