تخيلو الصبايا يخطبو الشباب

[ريماس]

كلنا بنعرف انو الشب هو اللي بيخطب البنت صح ؟

طيب شو فيها لو صار العكس هههه والله

يعني تخيلو يا شباب انو البنت تيجي لباب بيتكم وتخطبكم من اهلكم .. موافقين ههه

لا وكمان انتو اللي يندفعلكم المهر مش تدفعو << بس ما تغلو كتير ماشي خلي طلباتكم بالمعقول هههههههههه

قبل ما تحكو رأيكم

اتخيلو الوضع كيف ممكن يكون ..

يعني تخيل بيوم ما عندك جامعة وقاعد بالبيت بغرفتك ومشغل المسجل وبتسمع لتامر حسني

و قاعد تقرا رواية رومانسية وهايم بعالم الأحلام الورديه<< يااااي

و سرحان في فارسة احلامك ..

الا و امك داخلة عليك و توها جاية من الكافي و تقولك : يا ابني بدي اكلمك في موضوع . .

ترد انت بكل خوف : خير شو في يا ماما

تقول امك : جارتنا ام خالد بدها تخطبك لبنتها . وانت ماشا لله هلأ كبرت و احلويت وطبعا كل البنات يتمنو

واحد زيك . شو رأيك ؟ ....

وطبعا انت تنزل راسك في الارض و تلعب باصبعك في شعرك (او شنبك) و ترد و انت

مستحي و خدودك حمرة و تقول : .

الرأي رأيك و الشور شورك ياماما ..

تقول امك : انا بصراحة ما اشوف في البنت شي . .

ماشالله عليها محترمة و وظيفتها منيحة و راتبها ممتاز وعندها شقة و من عيلة محترمة و من البيت

للمسجد و من المسجد للبيت ..

وما عندها قصص الطشات والطلعات الكتيرة و مابتدخن و لا تروح لاستراحات البنات . يعني بنت ما عليها

كلمة . . << عروس لقطة

تقول انت : بس يا ماما هي ما شافتني من اول . يعني ما بتعرفي كيف بدها تخطبني .؟

تقول امك : هي شافتك و انت نازل من السيارة ومروح من الجامعة مع صحابك وعجبتها ..

و سألت عنك و قالولها ابن ناس محترم واخلاقه عالية و ما يطلع الا مع ابوه او حدا من اهلو .
واعمل حسابك هي و امها جايين يوم الخميس علشان يشوفونك ..

تسال انت : طيب يا ماما ابوي شو رأيه ؟

تقول امك : ابوك ما بيعرف لسا خليه حايس في شغل المطبخ الله يعينه ..

تقول انت : اللي تشوفيه يا ماما . . وتطلع امك من الغرفة

وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك

بدلع << يا عمري

و تقول : اه اخيرا حسَت على دمها و خطبتني .

و قبل يوم الخميس تروح انت لكوافير رجالي و تكون طبعا حاجز و تقعد و تصبغ شعرك (هاي لايت) و

وتعمل تنضيف بشرة ومساج والذي منه << دلع نفسك

وتجي البيت و تلبس القميص والبنطلون اللي اشتريتو خصوصي لحتي تشوفك فيه عروسة الهنا

وحطيت هداك المكياج والجل و العطر اللي يجيب عن بعد كيلو

و تنزل للصالة

ويقولك ابوك : يالله دخل العصير على خطيبتك بسرعة احسن امك جننتنا تستعجل و تسال عنك

تقول انت بكل خجل : يييييي طيب يا بابا بس انا بستحي
ابوك يقولك والله وكبرت يا ابني وبقيت عريس تتخطب

تقول انت : يا يابا دايما تحرجني انت خلص

وقبل ما تروح تروح تاني بسرعة عالغرفة تاخد نظرة اخيرة عالمراية تتطمن عاللوك قبل ما تفوت

و تاخذ صينية العصير و تدخل الصالون اللي فيه البنت بكل نعومه ورقه ودلع وأدب

و تقول بصوت ناعم : احم احم الس سسسلام عليكم

ترد هي بعد ما وقفت : و عليكم السلام ( و هي تتطلع فيك من فوق لتحت ) ...

ما شاء الله .. تبارك الخلاق فيما خلق ..

و تقولها تفضلي ....

تقول هي : شو الاحلى العصير الاحمر و لا الاصفر ؟ يعني بدها تلطف الجو معك وتفك الخجل عنك .

تقول انت : كله حلو

تقول هي : اكيد كله حلو لانك انت اللي مسويه

و تحط الصينية بسرعة وتطلع بسرعة

وانت خجلان ووجهك احمر وعم تضحك

الا اخوانك يستنوك و يقولو : اه كيف شكلها
تقول انت : واو واو بتجنن بتجنن .. حلوة و دمها خفيف و ذوق و جنتل خلص بكفي

الا ابوك من المطبخ يلولش << لللللللوووولللللوووووشششششششش مبروك يا ابني الله يتمملك ع

خير

الا بدخلت اختك من برا و تقول : خير شو في عشو هاللمة ؟

يقوله ابوك : وطي صوتك في وحده بالصالون خطبت اخوك ..

تقول اختك : وهي وين شافت اخوي علشان تخطبه اه ؟؟؟؟

و تعطيك كف و تصرخ والله لالعن شكلها اللي جايه تخطب اخوي بنات آخر زمن

احكي ولا من وين بتعرفها ووين شفتها قبل هيك

الا بدخلت امك و تسطر اختك كف

و تطلع اختك بالسيارة هي والشلة .......



تخيلوا عاد

و تمر الايام و انت تجهز بدلة العرس و الكوشة و بيت الزوجية و خلال هالفترة تمرك زوجتك بالسيارة

تتمشون و تحاول انها تمسك ايدك و انت مستحي

و يجي يوم العرس و تقعد انت في الكوشة و كل الشباب حواليك يرقصو و يغنو
وشوي الا الهيصة قايمة : والكل يقول العروس اجت

و ينطو الرجال و الشباب كل واحد يلبس على راسو << شماغه>> و يتضبضب

و تدخل العروس مع امها و خواتها (خواتها بيتدلعو قدام الشباب ) و تقعد العروس جنبك و ترفع الطرحة

و تقولك : والله صاير مثل القمر

وانت تلف وجهك وانت مستحي

وبعد شهور وبعد ما يجيك الخلف الصالح

و ترجع لبيتك تربي عيالك و تطبخ الغدا لزوجتك

وتتخانقو ساعات و تنام و دمعتك على شنبك

ويزيد حدة الخلاف وتمد ايدها عليك و تاخذ شنتة لبسك و ولادك و تروح لبيت اهلك
و تصلح امك ما بينكم و ترجع الحياة مثل او. وهكزا .


شووو رأيكم

[ماهرالفيزو]

بصير ليش لا


نحن بعالم التغير ولا مستحيل تحت الشمس



بعدين شو فيها لو البنت خطبت الشب عادية ولوووووو


بس انوتتحكم فيه اي اتوقع سنانها بصيرو مسيرة قدامها

[ريماس]

لاء ماهر اذا متفق كل هالشي وماعندك معارضة معناها لازم البنت تستلم انها تتحكم
نحنا عم نقلب الموازين مشان تشوفو حالة البنت لما تكونو انتو بمكانها
عيشو الجو حياة البنت مو مشان شي مشان تحسو شلون تشعر