استودعكم الله الذي لاتضيع ودائعه

[دمعة فرح]

بسم الله الرحمن الرحيم


ماتصورت اني اكتب موضوع للوادع بيوم من الأيام حتى ولو كان وداع مؤقت .,.
لكن للأسف مظطرة إني اودعكم .. ورح غيب عن المنتدى لفترة الله اعلم قديش .. !!
بس بتمنى ما تكون طويلة .,. لأني وبصراحة مطلقة ما بقدر استغني عنكم
ممكن تكون المدة مو طويلة وارجع ان شاءالله متل الأول الا اذا اعاقتني ظروف معينة ..
في المدة الماضية اللي قضيتها بملتقى المغتربيين السورين هي سنة واسبوعين تماماً
بتمنى ماكون زعلتكم بشي .. او عملت أي شي خلاكم تاخدو عني فكرة سيئة .,.
ازا فيه حدا زعلان او مدايق لأدنى شي عملتو بحقو او آخد على خاطرو مني بتمنى يساااامحني من قلبو ...
وانا مجرد إنسانة يعني اكيد غلطت اكتر من مرة .,. اتمنى منكم السماح بقلوب طيبة
وثقو وتأكدو انو انا اكنّ الكم كل الحب والاحترام والتقدير .,.
والله حاسستا تقيلة عليي اني فارقكن ولو لفترة بسيطة .. بس مو بإيدي شي
واتمنى اكون قدمت للمغتربين السوريين شي تتزكروني فيه وبستحق عليه الشكر والتقدير
اللي لقيته منكم طوووول هالمدة .,.

انتو اكتر من اخوة بالنسبة الي عنجد .. وافتخر فيكم كلكم اخوة واخوات وأعتز بحبكم الي وبحبي إلكم
وحابة اخص الموجودين بالاسماء :
المهندس خالد حابة قله بارك الله بجهودك والى الامام دائما وأبدا
ريماس شمعة المنتدى والله كتير بيعز عليي اني فارقك لانك كنتي ولازلتي نِعم الاخت والصديقة
ماهر الفيزو بجد رح افتقد حكياتك وتحشيشك المتواصل وبحب قلك حكم عقلك واعمل الصح ولا تطفش الزباين من المنتدى
نانو حبيبتي ان شاءالله الله يقدرني وشوفك بسوريا
مصطفى أخ وصديق حباب وظريف
ريحانة الجنة رح اشتاق كتير اني وشوشك
نور الايمان احبك في الله ,., اخت عزيزة وغالية على قلبي كتير
جود ورولا (غروري) بتمنالكم النجاح دائما وتدخلو احسن جامعات
اما مؤيد عدوي اللدود مطظرة سلم عليك وكون مسالمة معك بس الا ما اعملك شي شغلة قبل ما روح
والأخ انس .. ضاعف جهودك عندك كتير شغلات ممكن نستفاد منها ..أخ فاضل ومحترم
الصقر الحنون توم وجيري انا وياه على قد ما بنزعل من بعض بس بيضل أخ غااالي على قلبي
ملكة دمشق شكرا لجهودك وتواجدك معنا ياوردة

اما الباقين : سناء , مدام جوري , عمر , اراميس , خالي السكون , احلى دانا ,صبرين ..سلمولي عليهن نيفر نيفر
واعزروني ازا نسيت حدا .. لأنورح ابكي

ديرو بالكن على المنتدى وشدو الهمة واتأكدو انو بجهودكم بيكون ملتقى المغتربيين السوريين دائماً فوق


الله لايحرمني منكن ويخليكن إلي ,., وارجع الاقيكن متل ما انتو بقلوبكن الصافية الحنونة
مو ارجع الاقين نازلين خناق وشد شعر بعضكن .. لا تضحكو علينا العالم عيب !

ادعوووووووولي أمانة ,., اكتر شي رح ظل معكن يومين وبس

ملاااااااحظة كبييييييييييرة ( احبكم في الله ومارح انساكم )
اشوفكم على خير ومحبة

استوعدكم الله الذي لاتضيع ودائعه


المحبة لكم دوماً دمعة فرح

[ماهرالفيزو]

[ماهرالفيزو]

توصلي بلسلامة دمعة

انا من النوع الي اكره الوداع


بس قريت الموضوع اكتر من مرة وكل مرة اكتب كوميات وارجع احزف فتت بلحيط يعني


ان شاء الله توصلي بلسلامة وتحققي كل الي ببالك الله يسهل دربك يارب


انتبهي على حالك وعلى اهلك انتي رجال البيت ومابدك توصاية


لا اله الا الله

[دمعة فرح]

توصلي بلسلامة دمعة

انا من النوع الي اكره الوداع


بس قريت الموضوع اكتر من مرة وكل مرة اكتب كوميات وارجع احزف فتت بلحيط يعني


ان شاء الله توصلي بلسلامة وتحققي كل الي ببالك الله يسهل دربك يارب


انتبهي على حالك وعلى اهلك انتي رجال البيت ومابدك توصاية


لا اله الا الله

الله يسلمك ماهر والله وانا كتير بكره الوداع بس شو اعمل لا مفر منه
شكرا كتير لدعواتك الحلوات وانت كمان يارب يحققلك اللي ببالك
محمد رسوول الله
مشان الحيط انا اسفة بس نصيبك
بتحتاج مشفى ولا بسيطة ؟؟