لي إفترقنا نبتسم لي إلتقينا نبكي و يا فديت جنوننا و أشياءنا المعكوسة

[رامون]

روايتنا الأولى انا و burger king
بعنوان : لي افترقنا نبتسم ......لي التقينا نبكي .......ويا فديت جنوننا وأشياءنا المعكووسه
من السعودية حلقت بنا طائرة افكارنا الصغيره المليئه بركابها من بنيات افكارنا تخطت عدد من المحطات ومنها
"الدمام – جده-تبوك-ينبع- حائل- مكه-الخبر-المدينه-الجبيل-الرياض –لا هنا نتوقف عند مدينة الرياض "
لتحكي لكم عن
قصة الحب المجنون الذي فقد بصره
قصة الحب الذي اختار عدووه
قصة الحب الذي لا يعلم ما الفرق بينه وبين نفسه
قصة حب كالحلم وكل ابطالها في احلامهم المعكووسه
قصة حب بدايتها جنون وكره
قصة حب نهايتها جنون وحب
قصة حب كلها تعصب ومنافسه
قصة حب في ابطالها شيء من البروود ولا مبالاه
قصة حب فيها من العلم والقراءة والكتب وما ادراك مالكتب
قصة حب لم نتوقع نهايتها
قصة حب نتمنى من نقالها ذكر مصدرها
قصة حب من نسج الخيال والواقع
لكم قراء منتديات غرام
البارت الاول
في السيارة وهم واقفين عند الكوفي شووب وعلامات الارهاق باينه على وجيههم بما انهم راجعين من السفر بعد غياب طال ولمدة 3 سنواااات
وتفتح باب السيارة بكل حماس وتنزل اول وحده وترووووح طاااااااااايرة عند الشاشة الموجوووده في الكوفي شوب والي كان يعرض عليها مبارات الهلال والنصر واقفه في نص الكافي وتصااارخ يلللله عليييهم ياقنااااص وعدي ققققووقققوووووووووووووووووووووووووووووول ههههههييييييييييييييه قووول وجابها القناص يالبى قلبه بس ياسر القحطاني عازف الاغاني مسقار زمانك وزماني الله الله وفجئه استفاااقة من الغيبوبه الكانت عايشتها على صررررررخه ترن في اذنها كما ترن الكره في وسط الملعب وجع ان شاءالله وينك فيه في الرياض مو في امريكا فضحتينا ارجعي لاكسر لك راسك الحين انت نزلتي قبل اخوانك ما ينزلووون وقبلي انا بعد وجع يوجع رااااسك صايره محرم لنا مو حنا محرم لك اصلا انت من قال انك محتااااجه محرم انت تروووعين الي يحاول يقرب منك
والله والبنت ما همها جاسه تتابع المبااارة وكل الي في الكافي يناضرووون البنت الي جااالسه في الوسط وتصارخ و تسمع انووواع التهزيء ولا همها هذي مو بنت هذي شبح
يقطع تركيزها صوووت الولد الي يقووول انتي بنت ولا ولد
وتلتفت عليه بكل بروووود وهي مكتفه يدينها وطبعا ما يخلو من الهدايا والنظرااات الثاقبه المرعبه الي عيشت الكل في رعب
وبكل حده ترد عليه لا الله يسلمك من الجنس الرابع اذا كنت ماقد سمعت فيه فهذا انا قدامك منه وترى مافيه الا انا وترجع ببرودها المعتاااد وتكمل مباراتها
مادرت الا بيد ابوووها تمسكها وتسحبها للسياااره وصراااخه الي يفجر الاذن اركبي يا الصااايعه الضاااعه انتي والكوره يالمجنووونه لا بارك الله فيك ولا في اليوم الي جيت معنا فيه ونزلتي هنا وفشلتينا
ترد على ابوها ببروود : بابا صارت قصة حياتك هذي مو دعاااء
الاب : روانوووه اركبي وانت ساااكته لا يجيك شي ما يرضيك
سمعت كلام ابوها وركبت وهي معصبه وقرر يعاقبونها وما يشترون لها مشروبها المفضل وجلست طووول الطريق على الصامت وتحلطم انتم ما تقدرون انتم ما تحسووون هذي مبارات تعرفوون وشو مبارات ولا لا
.........:جد مبارات احسبه شي ثااااني
روان:براهيموووه اقووول اكرمنا بسكوتك انت ولبسك ذا تقول عامل نظااافه
ابراهيم : اصلا انتي ما عندك ذوووق هذي الاصووول
روان: مخليه الذووق لك الله يسلمك
......:اقووول ما ودكم تسكتوون
روان: بابا هو يتهزا فيني
الاب: ياليل البزرااان اقول انزلوا وانتم ساكتين يله وصلنا
روان: اففففف ياليل القلق احسن شي عشان اناظر المبارات
الاب : اقول فكري بس تناظرينها شوفي وش يصير لك
روان تسلك : ابشر طال عمرك ما يكون خاطرك الا طيب
دخلوا الفله
وهي عباره عن سور و خمس فلل على شكل l في احدى الزوايا وحده من الفلل مابعد سكونها لانها لعمهم خالد الي مابعد تزوج وباقي الارض مسطحات خضراء وطبعا مابعد انتهوا منه لانه مشتركين فيه
دخلت روان وهي تتفقد صوت المبارات الي كانت تدمن عليه وبما انها تمتلك حاااسه سادسه بخصوص أي شي يخص المبارات اكتشفت ان الصوت يطلع من احدى الملاحق وطاااارت المغفله للملحق وتفتح البااااب برجلها بقوووه ويصقع الباااب في الجداااار وتشوت الشوز حقها وسط الملحق وترمي شنطتها في اقرب مكان عندها وتجلس من الحماس بعباياتها تتابع وتصاااااارخ شووووت عدي يالقناااص يابعدهم كلهم يا سراجي بينهم عطني من دنياك لعبك واترك الخساااره لهم اقول شووووت وطبعا وهي في حالتها الهستيريه ما نبهت للي كانو جالسين في الملحق وهم مجموووعه من العيال المتعصبين زيها واشد وهم نايف : وعمره 25 وعمهم خالد الي مهبووول زيهم واكثر وعمرها 25 وفهد والي جالسن يقهرونه لانه نصراااوي وعمره23 العيال طبعا نسو المبارات وجلسو يناظرون البنت الي دخلت عليهم بعباتها وتصارخ وكنها شغااااله ولا يدرون من وين طلعت وما توقعو ولا 0% انها من احد عيال عمهم ابو عبدالله لانه مساافر لامريكا ولا راح يجي الا بعد سنه والمساكين ما يدرون انه قدم الرجعه والا الان وهم في ذهووول ولا يدرون وش الي يصير والبنت ما زالت تصاارخ ومتحمسه ويبدو من حماسها انها هلاليه يعني خالد ونايف لقو من يوقف معهم ضد فهد
وروان مازالت تصارخ مو منتبهه للي قاعد يصير وانهم كلهم يناظرونها وما درت الا قووووووووووووووووووووووووووووووول وتقعد تصارخ الهلال جاب قول على اخر المبارات في اخر دقيقه وفااااز الهلال وجن جنونها وقعدت تصااارخ هيييه هووووه ياهلال ياهلال تعيش يا هلال صدق من قال انك زعيم الكره الارضيه هييييييييييييييييييه يالبى قلبك يا قناصي انت قاناصي انا وبس وتصيييير تنطط من الفرح وكان فهد جنبها وتطق كتفه شفت قناااصي بعدين استوعبت وجلست سااااكته وصرخت صرخه لاتعليق وتطييررر تطلع من الملحق وتمشي وتتحلطم انا وش هببت به الحين لو درى ابوي وش بيقول والله فضييحه الا منهم الي كانو جالسن في الملحق قسم بالله اني انفضحت عند الي جنبي ايييييييييييه صح مارحت سلمت على عماني ورااااحت طااايره للفله ومن حسن حظها سبقوها العيال وعلمو بكل الي صار وشلون متبونهم يعلمون وهم لازم يمسكون على أي احد شي عشان يقلقونه به وعندهم فرض زي فرض الصلاة انه يكون لكل واحد عيااره
دخلت عليهم وسلمت
........:هلا روانوووه قناصي اجل هااه
........:لالا خليك من هذا شف هذي يابعدهم كلهم يا سراجي بينهم عطني من دنياك لعبك واترك الخساره لهم
الكل :هههههههههههههههههههههههههههههههههههههه
روان : السلام عليم مع نظره حاااده خوفت كل الموجودين من اكبرهم لاصغرهم
وفجاءه نطت عليها جووود هلا والله بروحي هلا والله مبررررووووك تدرين وش احلى شي فيك ان نظرتك الثاقبه ما تغيرت يختي ما شتقتي لي كيفك وكيف امريكا وكيف الي فيها وكيف الشباب هناك طخمان ولا لا وهي تغمز لها عساك خاويتي واحد منهم
وروان تناظر مستغربه حالها واستوعبت الي يصير وراحت طارت لها تلمها = تضمها =تخمها
هلا جود صقيقتي الصقوووقه هلا بالي مدري وش تبين في حياتي هلا والله بك والله محد حاااس فيني الا انتي الناس تسلم تتحمد بالسلامه بس فيه ناس تعاير وتغز على عيال عمها
نايف: احسن من الي دخلت وهي تدف الباب برجله وترمي شوزاتها في الملحق وشنطتها فوق راسي
روان : صدق فووق راسك احسب راسك طااااوله
فهد: اصرف من الي تضرب الي جنبها (وهو يقلدها) شف قناصي
خالد : خلكم من كل هذا شوفوا شكلها وهي تناظر المبارات بعبايتها وتصارخ كانها شغاله مضيعه اهلها
الكل :ههههههههههههههههههههههههههههههههههههههههههههههههه ههههههههه
كل هذا وروان ماعطتهم أي اهتممام جالسه تسولف مع جوود
فهد : الا عمي ما قلت لنا ان عندك ولد غير زياد ابو 7 سنوات ولا عبدالله الشايب ابو 28 ولا زيادة الخير خيرين متزوج وعنده نواف وعمره 5 سنوات يعني مستحيل يصر الي دخل علينا لا عبدالله ولا زياد منو يا عمي لا تخبي علينا عندك ولد وحنا ما ندري ترى عادي عشان اطاق معه
روان وهي معصبه: انت ****وه يالي مدري من انت انت يالي مسوي فيها الحجاج و الا عنتر انت وش سالفتك وش تبي من الحياه بصراااحه اشك انك هتلر شايف نفسك على ايش الي يشوفك يقول مخترع لنا قمر صناعي ولا هو اول قرد يطير ولا اول ثور يغوص ولا الاول في موسوعه غينيس تراك جبتلي الحمى الشوكيه والفقر السكري والضغظ الدمي وتصلب الاعصابي وتشلل تفكيري
قاطعها فهد وقال : اول شيء الامراض مو اسمها كذا ثاني شي انا اجيب واودي الحجاج وعنتر وهتلر انا اول من اكتشف امريكا ولا تنسين انا اول من اكتشف انك مو بنت
الكل :هههههههههههههههههههه
وطبعا ما خلا الجو من نظراتها الي اهدتها اياه واجبرته انه يوقف عن الكلام
خالد وهو يتمصلح لا تجيه نظرة مثل الي جت فهد : اقووووول عاااد حدك ترااااااك طولتها الا روونه حبيبتي انت ما تستاهل حتى نظرة من نظراتها الحنونه يكفي انها هلاليه مو مثلك يا النصراني ااااااا اقصد النصراااوي
الكل على خوف خالد الي خلاه يتأتأ:ههههههههههههههههههههههههههههههههه
طبعا هنا روااان كبر راااااسها وصااار جبل : احم احم احم انا اصلا ما احتاج احد يدافع عني
هنا خالد طاااااااااااااااااااح وجهه وقام يدور ملامحه تحت الكنب والطاولات
فهد بانتصار على خالد : هاه ما نفعك دفاااعك عنها هههههههههههههههههههههه خلها تنفعك
الا صح ما قلتي لي انتي وش تصيرين ولا ما حددتي جنسك الى الان
حنان : الا علميه روان من تصيرين
روان :اولا انتي حبيبتي دلوعتي ماودي اصاااااااااااااارخ (وبدت تصارخ ) وش دخلك اكون الي اكون لا محددته ولا تبي اقولك زي ما قلت للملقوف الي في الكوفي شوووب
وهنا انتبهت للخطاء الي قالته فضحت نفسها بنفسها
هنا الكل قام يستفسر عن الي صار وقف عبدالله ويبي يقهرها وقااال : خلاص يالربع اجلسو انا بقولكم السالفه كلها
يتبع....

[رامون]

طبعا روان بدت تحترق
وبدا عبدالله يقص لهم كل الي صار من اول ما وقفت السياره عند الكوفي شوب لين وصلو
فهد :هههههههههههههههه اجل من الجنس الراااابع ههههههههههههههههه
وشو هذا الجنس الغريب المريب
روان : هذا الجنس احسن منك يا قليل البصل والله انك مو ازرق
الكل : ههههههههههههههههههههههههههههه
جود : ايه صح اكيد انكم ما تعرفون وش معنى الازرق
الازرق هذا الله يسلمكم مدحه يعني اذا بتمدح احد تقول والله انك ازرق يعني مدحه
هنا روان وصلت حدها
الكل :ههههههههههههههههههههههههههههههههههههههههههههههههه هههههههههه
نوف : يا اخوت الايمان لا يصح هذا القول فمن الادب احترام العلم وان لا نستهزء بالمخترعين الابطال فمنهم من اكتشف الذرة ومنهم من اكتشف الجاذبيه ومنهم من اكتشف الجذر ومنهم من اخترع الهاتف
فجأه صرخ ..............: خلالالالالالالالالالالالالالالالالالالاص لا الا انتي يا مصرية زمانك لالالا كلش ولا الكتب ما ني رايق كوابيس في الليل
الكل :هههههههههههههههههههههههههههههه
.....: ابراهيم يا عمري ما يطيق الكتب ههههههه
نجود : تغريد ترى مو رايقه لك
وجد: اقوول اسكتي يا الطاووس ما بقى الا انتي عاد كلش ولا اخت روحي
..........: و ج د وجد وجد اسكتي عيب تعايرين اختك الكبيره (وشددت على الكبيره ) هههههه
فهد:مجد اقول اعقلي احسن منك يا مجد للاطفال قناة الاجيال ههههههه
انتاب حنان الصمت وحست انها تبي تصيح وقاطعتهم : وانا مو روحك
وجد : لا انتي روح روان
حنان : وهي خانقتها الدمعه : يعني روح روحك
وجد : خلاص ياليل الدلع وامه وابوه انا والله لو اني روان كان فجرت فيك
روان : هيييييييييييييه انتي وياها كلش ولا روحي عشان رحت دقايق نشبتو فيها
نطت حنان و لمت روان بقوه وقالت : احبك رووونه
روان : يابعد قلب روونه انتي
ابراهيم : يووووهـ يا ام دميعه والله ماني رايق لك وانا رايح بافكاري لجزر المالديف الا وانتي ودمعتك الي جارتها معك وين ما تروحين مخربه علي
روان : اقووول اسكت يا عامل النظافه قد شفتوا احد يلبس تيشيرت اصفر على بنطلون اصفر ويرح للمطار ولا مطار امريكا تخيلو جاه واحد وعطاه كيس كله زباله يحسبه عامل نظافه
حنان : بس انا احب الاصفر
روان : شوفي انا ادلعك واحبك واوقف معك الا في هذي انا ضدك
تنط وجد من مكانها : اخيرا صرتي ضد حنان لو بشي واحد
الجد : ياحبيلكم يا عيالي انتم وعياراتكم الي مدري وش تبي هاه فاز الشباب اليوم
الكل : ههههههههههههههههه
فارس : جدي الله يرضى عليك اليوم الهلال والنصر بس للاسف قيم اوفر
دخلت ريماس عليهم
روان: هلا ريماس والله كبرتي اخبرك بزر
ريماس ببرود و تمطييط يذبح: والله محد يضل على حاله
تقاطعها روان: اص يرحم امك لاتتكلمين اكتفي بسكوتك اذا تكلمتي تكلمي بالاشاره يمكن اسرع شوي
الكل: ههههههههههههههههههههههههههههههههههههههههههه
دخلوا العمات عبير 31 وحامل في الرابع وايناس 26 و اروى 24
هلا برووونه صاحبة احلى نظرات سحريه
روان: هلا بقلبي وعمري هلا باحلى عمات وينكم اول ما جيت
فهد : عشان يشووفون الي سويتيه اذا تبين عادي نعيد المسرحيه
العمات : لا درينا مين مايعرف روااان و الي تسويه اذا شافت مبارات
عبير: وانتي الا الحين ماتغيرتي الناس تكبر وتعقل وانتي تكبرين وتدبرين
روان : الا شخبار الحـ...الا ونغزه من فهد .... اااااا ا وش اخبارك وعلومك
فهد وبهمس وبحكم انه كان اقرب واحد لها لانه كان بيطلع مع الباب الي كانت جالسه عنده : والله انك داااهيه
طبعا روان درت من جود ان عمتها عبير حامل وهي ما علمت احد بس الجن الي عندها درو وصارو يدورن دليل ورى دليل حتى يثبتون انها حاامل
عبير وكلها خوووف وشك : تمام ...ااا ... وش فيك ارتبكتي ؟
روان وبقلق : لا بس تذكرت اني نسيت الجالكسيات في السياره واكيد ذابت وبرووح اجيبها
طبعا مافيه في السياره لا جالكسيات ولا شيء وكانت عبير تتوحم في الجالكسي فعشان كذا قالت جالكسيات عشان تسحرها بها
عبير براااحه وانطلت عليها الحيله : اها اجل روحي طلعيها نبي نسهر عليها اليوم ...!!!
الكل من الشباب والبنات الي عارفين السالفه : ااااووووه اخيرا بغت تكشفنا وحنا ما بعد خلصنا تحقيق (بدون صوت في نفسهم )
طلعت روان ولحقوها شلتها الموقرة من جن وجواسيس وكل واحد له وظيفه معينه الي يحقق والي يجيب الادله والي يسحب كلام من الناس والي يصرفهم اذا طاحو في مشكله والرئيسه حتى وهي في اميركيا ما تتخلى عن شغلها وشرها

[رامون]

وقالو لها : والله انك داهيه وشلون عرفتي تصرفينه ذي الجنيه
طلعت عمتهم عبير عليهم : مين الجنيه ؟؟؟؟؟
الكل في نفسهم : من وين طلعت هذي من الارض و مو وقتها
حنان : لا تشيلين هم هذي وحده من صحباتي متهاوشه انا وياها وما ابي اكلمها وهي عله (في نفسها : مثلك تماما ) فقلت لروان تصرفها وعرفت ما شاء الله عليها
عبير : ايه روان من يومها صغيره وهي داهيه
راحوا دخلو داخل فلة جدهم وجلسو في الصاله وهم جالسين جت الهنوف طاييييييييييييره
وتصارخ خالتو روان خالتو روان ودموعها على خدها اربع اربع
روان وهي مروووعه :سمي يا روح روان انتي
حناان هنا خنقتها العبره وتصرخ : روااان انا روووحك وبس موو
مجد: اقوووول ام دمييييييعه انطمي زووووجتك هي ولا ايش حتى زوووجك ماراح تسوويين فيه كذا
فهد : هيييييييييييه انتي حدك على قلبي ما ارضى ترى
روان تناظرهم وتحمد ربها وتلف على الهنوف وبصوووت عالي عشان تقهر حنان : وش فيك روووحي
الهنوف : زياد طقتي
جا زياد الشرير وعيونه تطلق رصاص مو شرار ويسحب شعر الهنوف
قامت روان وبقهر ولحقتها حنان يطقون زياد والحمدلله بعد مصارعات عنيييفه فااازت حنان عليهم كلهم
وطبعا روان خلتها تفووز عشان ما تصيح
وتمددوا على الكنبه بتعي
فارس : بسم الله على روان
روان : فديتك يالبى فروووس يا ناااس

التعريف بالشخصيات :
عائلة الجد
خالد : 25
عبير:31
ايناس:26
اروى:24
عائلة العم ابو فهد :
فهد :23
نجود :25
نجد:22
جود :20
مجد:17
وجد:15
عائلة العم ابو عبدالله :
عبدالله :28 ولده نواف :5
تغريد: 25 بنتها الهنوف:4.5
روان:20
ابراهيم:18
حنان :17
عائلة العم ابو نايف :
نايف:25
نوف :23
فراس :20
ريماس :18
فارس:16
اما شخصياتهم فنتركها لكم تتعرفو عليها وتكتشفونها
وفيه شخصيات راح يطلعوون في البارتات الجايه
عدد البارتات :30 او تزيد
راح تنزل "السبت-الاثنين-الاربعاء-الجمعه"
س/ من تتوقعون الابطال ؟
س/ توقعاتكم وش راح يصير في البارت الثاني ؟
س/ارائكم في بدايه الروايه وهل عجبتكم ولا لا ؟
س/ اكثر شخصيه اعجبتكم ؟
س/ اكثر شخصيه كرهتوها ؟

[رامون]

البارت الثااني
فارس : بسم الله على روان
روان : فديتك يالبى فروووس يا ناااس
الكل : التفت على روان وجراءتها
جاهم الجد وهو يصااارخ تراااكم طولتوها يله روحو بيووتكم ولا اشووف رقعت وجيهكم
انا ابي انام وانتم تصااارخوون
حنان وهي خانقتها العبره : ابشر جدي
ابراااهيم وهو يصرفها :هوووه هيه لالا الا الدموووع يا ام دميعه
وطلعوا وكل واحد راح بيته
في غرفة حنان
جالسه تسولف مع صديقتها على الجوال
حنان :هلا
....:هلا بك
حنان :كيفك ياقمر؟
...:تمام يارووحي انا
حنان هنا فرحت بس سكتت شوي تفكر
...:حنوونه معي
حنان : ايه معك .....بس نوور حبيبتي لا تقولين لي رووحي
نور: طيب خلاص ...بس ليه ؟؟؟
حنان : لاني انا روووح رووونه وبس ...
نوور:ههههههههههههههههههه
حنان : نوووور وش فيك انا قلت نكته
نور:ههههه الله يصبرني عليك انا ما ادري وشلون صابره عليك
حنان : ليه ...وش فيني .؟؟؟؟
نوور : لا ابد سلامتك .... ما فيك سماااجه ودلع فوووق الحدود ابد ....
حنان عصبت : نووور اذا انا سامجه ....خلاص يله مع السلامه
نوور: فراقك عيد
حنااااااان : منصدمه ::...........
نوور : باي دلوووعه روا ن ام دميعه هههههه
في غرفة روان المميزه بالوانها كلها ابيض وازرق وكاااتبه على الباب الي لوونه ازرق بالابيض
"اعزائنا الركاب من اجل سلامتكم يمنع اقتراب النصراويين واصطحاب أي شي يحمل في جعبته الون الاصفر "
وجااالسه تسولف مع صديقتها في المسن
روان نكها :"زعيم نصف الارض ياهلال ياهلال ...مبرووك الفووز ياهلاليين وانت يافهيد طق راسك في الارض"
صديقتها ريوف:"صعبه اعيش بدونك "
"زعيم نصف الارض ....."
هلا
"صعبه اعيش بدونك "
هلا بك اكثر
"زعيم نصف الارض ....."
احم احم ......فيس يبتسم
"صعبه اعيش بدونك "
سلامتك وش فيك
"زعيم نصف الارض ....."
وجع ان شاء الله يوجعك جعلك لحمى الوادي المتصدع والصلع والمصع واللوز والربو ...الخ
"صعبه اعيش بدونك "
بسم الله علي الرحمن الرحيم وش مسويه انا لو اني ذابحه لك ياسر ونكي ما فيه شي والله ما سووييت شي
"زعيم نصف الارض ....."
الحين ما تباركين ولا شي ولا زياده على كذا سلامات
"صعبه اعيش بدونك "
على ايش ؟؟؟.... انخطبتي
"زعيم نصف الارض ....."
خييييييييييير يا طيييييييييييير جعلك للخطفه والخفه والهفه الي تطير راسك بلا وجع يوجع ضرسك وهم يصك راسك بالجدار
"صعبه اعيش بدونك "
بسم الله وش بك وش صاير لك
"زعيم نصف الارض ....."
الحين اليوم يووم سعدي وانتي ما تحسن الناس يباركون لي ويتحمدون لي بالسلامه وانتي ولا همك
"صعبه اعيش بدونك "
ليه سلامتك ..........لا تكونين والده وانا ماادري زعلت ليه ما علمتيني يوم انخطبتي ويوم تملكتي اقلها اعزميني لعرسك ولا تدرين مو لازم
علميني يوم حملتي ولا يوم ولدتي........ الا وش جبتي ...وش ذا صديقه بلاش
"زعيم نصف الارض ....."
ما تفهمين انتي بقره حتى البقره تفهم ثور ينطحك بلا وش اولده
"صعبه اعيش بدونك "
هاااه اجل وش بك
"زعيم نصف الارض ....."
والله اتوقع لو امووت ما دريتي رجعت من امريكا جعلك للرجه الي ترج رااسك وتصفقه باقرب جدار
وفاز الهلال ولا باركتي لي
"صعبه اعيش بدونك "
يووووه صح نسيييييييت ... الحمدلله على السلامه ..... مبروووك جعلها دوووم يارب