فريق عمل الموقع
كيفكم يا شباب و يا صبايا المنتدى الكرام
كيفكم ........ ان شاء الله انكم بخير
دخلنا بالعشر الاخير من رمضان
ما حسّنا فيه ......... مر كأنه لمح البصر
الله يعيده علينا و عليكم بالخير و الصحة و العافية
قولوا امين
اليوم حابب احكي عن كيفية ضبط الوايرليس و اعادة
تشغيل الراوتر (المودم )
اول شي لازم تكون مشترك بأفاق DSL شامل
و طبعا شركة الاتصالات رح تعطيك راوتر
انا الراوتر اللي عندي موديله افاق شامل رقم 011
و طبعا الباس وورد رح تكون stccpe_2007
اما ازا كان الراوتر فاق شامل رقم 014
الباس وورد رح تكون stccpe_2009
و هدا يمكن اجدد موديل بشركة الاتصالات
و هدا الموديل عطوني اياه لما اشتركت بباقة جود برودباند بلس
فائدة الموضوع
كتير من الاحيان بيدخل ع الوايرليس تبعك (طبعا الشبكة عندك مباحة )
شخص و بيصير بيشاركك بالنت و بالسرعة
فبخلي خلائك تضيق و بيطلعك عن طورك
و بتروح بتتصل بالشركة و بتلاقي الخطوط
مشغولة او ممكن يكون حظك حلو ويرد عليك الموظف
بس ما بتكمل معك
اما رح يحولك لموظف تاني و بيئلك (هذا مو اختصاصي احولك للكسم الفلاني )و
هوني طبعا بحولك بس للاسف ما رح حدا يرد عليك
او ممكن الموظف نفسه يتفاعل معك و يلبي طلبك
بس للاسف رح يعطيك الباس وورد غلط
(ما حدا يئول اني كتير متشائم .... لاني جربتهم و هدا اللي
صار معي )
يعني صار عنا اول هدف تغيير الباس وورد للوايرليس
الهدف التاني ممكن انك عم تعمل download او upload و
حسيت انه السرعة مو كتيرة بسبب انت مشترك مع اشخاص تانين بالنت
و عم يستهلكوا شوية من السرعة
فأنت هوني ممكن تاخد القسم الاعظم من سرعة النت
و بنفس الوقت سرعة التحميل ح تشوفها صارت ثابتة نوعا ما
هي ازا ما زادت طبعا
الهدف التالت : ممكن عم تحمل ملف حجمه كبير وهدا
الملف صاير على اجزاء
وكل ما بتخلص تحميل ملف
و بدك تحمل الملف اللي بعده هوني بيطلعلك موقع التحميل
و بيئلك :و الله لازم تنتظر 15 دقيقة اقل شي لانك عم تحمل مجاني
و انت مو عضو بريميوم
هوني قدامك حل من 2
الاول :انك توافق ع طلب الموقع و تنتظر 15 دقيقة
التاني : انك تطلع ازكى منهم و تفصل الراوتر من الكهربا
و بعدين ترجع تشغله و هوني فيك تحمل مباشرة
لانك اخدت IP جديد
و ازا كنت تنبل (شرواي بالخير ) أو الراوتر موعندك
و بتستحي كل شوية تتصل بصاحبك و تقله
دخيل عينك افصلي الراوتر من الكهربا و بعد شوية ارجع اوصله
فمالك غير الطريقة اللي رح
اشرحها بالصور بعد شوية
الشرح
اول شي بتحط عنوان الموقع 192.168.1.1
و بعدين enter
رح تطلعلك صفحة بيطلب منك الباس وورد و اليوزر نيم
حط متل موكاتب انا و الافضل تعمل نسخ و بعدين لصق
User : Afaq_shamel
Password : stccpe_2007
خلونا مع الصور
ان شاء الله يكون الشرح عجبكن
امانة ازا الشرح عجبكن
تقروا الفاتحة على روح والدتي
ممنوع النقل بأي شكل من الاشكال
مالم يذكر اسم الموقع و الكاتب
دمتم في رعاية الله و حفظه
من لم يرض بي كحلا لعينيه
لن ارضى به نعلا لقدمي
الله يرحم والدتك ... و يسكنها فسيح جنانه
و الله يرحم أموات المسلمين أجمعين
يعطيك العافية دكتور ع المجهود الرائع
يا عيني عالتربشووتنج يا دكتور ... والله أجدعها خدمة عملاء مو هيك
يعطيك العافية
King of Nothing
فريق عمل الموقع
اللهم امين .........و يرحم امواتك و اموات المسلمين اجمعين...............نورتينا بمرورك العطر.........مشكورةالمشاركة الأصلية كتبت بواسطة Sanaa
من لم يرض بي كحلا لعينيه
لن ارضى به نعلا لقدمي
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)