كان في صبية بتعقد .. اسما ليلى .. ليلى كانت عايشة مع امها بفيلا متواضعة بأرقى شوارع بيروت
:بيوم من الأيام فاقت ليلى ع صوت الساعة ... و نزلت لتصبح ع امها .. بس امها قالتلا
...ليلى ..خدي شوية كرواصان سخنيون بالميكرويف و روحي ع بيت ستك و تروقي معا
؟ عملت ليلى الكروصان و سخنتون بالميكروويف وفتحت باب البيت و ركبت الـ BMW و راحت فيها لبيت ستا ,و ع الطريق عكست عليها سيارة فيراري كشف حمرا بتعقد و ( شفطت ) ادامها , ليلى هون انصرعت .. و قالت : واو ..شو هيدا شوي و نزل من الفيراري الذئب و قال لليلى : لوين يا حلو
!قالتلو و هيي عم تتغنج : لعند التيتة بدي وصلها الكروصان
؟قال : طيب تعي معي وانا بوصلك بعيوني
!قالت : ماما وصتني انو ما اطلع بسيارة شب ما بعرفو
؟؟قال : طيب منتعرف
قالت : طيب انت روح قدامي ع بيت التيتة و بس اخلص منروح شي مشوار
طبعا الذئب نيتو ما كانت شريفة بالمرة ... و لما عرف انو ستا لليلى لحالا بالبيت .. و هوو بيعرف انها مليانة عملة...رجع رجع على سيارتو وطار فيها لعند بيت التيتة و صف سيارتو بالكراج و نزل ع المدخل و دق على الأنترفون,
؟فطلعتلو التيتة و قالت : مين
!قال : أنا ليلى تيتة
؟ففتحت له باب البناية و طلع ع الدرج لوصل ع بيتها و فتحتلو باب البيت وهجم عليها و ربطها و سكرلا تمها و حطا بالكاصة و تمدد بالفرشة تبعا و صار يقلدها. هون وصلت ليلى ودخلت وقالت للذئب اللي فكرتو ستها : تيتا .. ليش الباب مفتوح
!!! رد عليها : كان عندي المصلح من شان الدش و يمكن تركو مفتوح ... للباب .. شبعرفني
؟قالت : تيتة ليش عيونك مغيريين
... قال : عدسات يا ليلى.. حلوين
؟قالت : كتير لابقيلك تيتا .. يي ..شو هيدا .. شعرك كمان شبو
...قال : صبغة يا حبيبتي
؟قالت : يالله يا تيتا شو زوقك حلو . لونو بيعقد .. بس تيتة ..اضافرك كتير طوال
قال : موضة يا بنتي ... ليكي شو حلو التاتو عليون
؟قالت : شو كمان عاملة سيليكون لشفايفك
!!! قال : شو ما طالعة أحلى من هيفا
؟؟قالت : أكيد .شو تيتة ; ركبتي بدلة سنان جديدة
قال : طبعا ............ لأني بدي اكلك فيهن
.هون نط الذئب على ليلى و اكلها بلقمة وحدة. والمسكينة ما حست على حالها الا و هيي جوا بطنو
بــــــــــــــــــــس ليلى مش جدبة , كان معها موبايل سوني اريكسون W810i حديث اخدتو من أحلى محل موضة بسنتر الحمرا.... و ع السريع طالعتو و كبست ع زر الـ 911 و بسرعة اجا البوليس و مسكوا الذئب و نتفو بطنو و طالعوا ليلى من بطنو و هيي مبسوطة لأنها ما تركت موبايلا بالبيت لأنو تزكرت و هيي جوا بطنو انها واعدة طوني بالكوفي نت وأكيد اذا خبر و شافو out رح يزعل منها و يفكر انو كلشي خلص ....
شو ما خلصنا ؟ ؟ ؟ ؟ ؟ وين التيتة
بعد ما خلصوا من ليلى اللي راحت دغري لتظبط المايك أب اللي خرب طبعا سمعوا البوليس صوت التيتة جوا الكاصة و طبعا من دون اي جهد فتحوها و طلعوا التيتة من قلبا و هيي مرعوبة .. طبعا شكرت البوليس اللي رفضوا بشكل كامل ياخدو اي بونوس ... طبعا شكر يعني
و تيتة تيتة .. خلصت الكروصانة ورجعت ليلى لعند طوني
__________________
ههههههههههههههههههه
اي شو هالقصص يا انسة سارة ما عم اعرفك
مشكوووووووووورة
يوه انا سارة واحذر التقليد استاذ
نورت استاذ محمد
شكرا لكي على هذا الموضوع
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)