بسم الله الرحمن الرحيم


بعد الصلاة والسلام على اشرف المرسلين وخاتم النبين محمد بن عبد الله الامين عليه افضل الصلاة والتسليم


تحيتى للجميع


اهدى تلك الكلمات للشعب المصرى ولشباب الامه الواعى الجليل اهدى تلك الكلمات لكل من كافح لاعلاء تلك البلد العظيم اهدى تلكك الكلمات لكن من عارضنى الراى ومن وافقنى


فى الماضى القريب خط قلمى مستفزا كثيرا من الاعضاء ( لا ليوم الغضب ) واليوم جئت للاصحح بعد المفاهيم وليس ذلك دالا على تنازلى عن اى كلمة خط بها قلمى . انما لاننى اخطأت فى حق البعض وخاصه من اتهمتهم بعدم الوطنيه وهم مذكورين بالاسم اعتذر لهم وبشده .. والسبب فى هجومى عليهم أن الحاله التى كانت عليها مصر الحبيبة لا تستعدى سوى اشخاص يقومون بإطفاء النار على العكس من هؤلاء هو لم يشعلوها حقا لكن كان بأيديهم اطفاؤها
مصر الحبيبة وشعبها الطيب الصبور الذى من بين شعوب العالم هو اكثر استحمالا لاشد الظروف هو الشعب الذى لم ولن يعرف المستحيل هو الشعب الذى على كل شعوب العالم ان توقره ولكى توقره لابد ان يظهر دائما كما تعودنا بصورة لائقه
اعترف اننى ينتابنى الغضب فى كثير من الاحوال واندفع بقلمى نحو كلمات من الممكن ان اعاتب نفسى عليها بعد ذلك لكنى ابدا ما تعودت ان ارجع فى كلمة خطها قلمى فما كتبته كتبته وكتب عليا و دائما لى اسبابى والتى قد تكون مقنعه لى ولغيرى اذا اوضحتها
بعد كل ذلك اردت ان اهدى هذا الشعب العظيم
ورجال ثورة الخامس والعشرين


تحيه
ولتكن


بكلمة يخطها قلمى


ظهر يا شعبى نور السماء
ثورة ستبقى طول البقاء
جملة ومعنى يعلو البهاء
شبابا علا صوته فزال الشقاء
رأيت بعينى مالى ومالك يذهب هباء
فأهتزت مشاعرى منى إستياء
وقالت كلامك يطير كالهواء
بكيت وعينى وذاك رثاء


ستبقى البلاد حره طليقه
بإيدى وايدك ستبقى عريقه
يلا معايا نقول الطريقه


هنمحى الظلم من بين العباد
ونضرب ع الظالم بايدى شداد
هكتب اقول وهاتو المداد


احمد نظيف دمر كتير
فى ظلمة اللى كان هيفضل اسير
محاكمة لابد وقاضى يدير
ولو بإعدام حكمة يصير
هيبقى قليل بحكمة يشير


اما حبيب لاء مش حبيب
لو قولت خاين فقولى يٌصيب
لو قولت قاتل فليس مريب
متأسف يا شعبى يا اغلى حبيب


وفينك يا عز يا بتاع الحديد
هتهرب منين دا دم الشهيد
يجيبك لو انت فى ارض وبعيد
مجرد تفكر تكون عنيد
ما اصلك حرامى حرامك يزيد
متأسف يا شعبى هقولها واعيد


اما انت يا اللى اسمك رشيد
دمرت التجاره وليها تبيد
شبابنا دا عاطل دا شئ يكيد
وفلوسك بتكتر من دم الشهيد
هنجيبك لو انت فى قصر مشيد


وفينك يا مغربى يا بتاع الاسكان
بعت البلد وحصل اللى كان
شبابها مش لاقى قوضه فى مكان
وانت بظلمك بعت الاطيان
والله لتٌمحى من تاريخ الزمان


مين لسه تانى بتاع السياحه
اسمه زهير دا ريحته فاحه
كان وزير فاشل دا عاوذ مناحه
محكامه ما تكفى اعدام رياحه


نسيتك يا جبلى يا وزير الصحه
تسفر مراتك عشان الكحه
وتلغى العلاج وتقول دا شحه
منك لله بقولها بصحه
نشوفك زليل وعاوذ مصحه


بوجه كلامى ليكم يا ظلمه
لينا رب يكفينا كلمة
وتبقى مصر من شركم سلمه
شباب يناير دول طلعو نعمه


متأسف يا شعبى مكنش فى بالى
متأسف يا عمى انت وخالى
بلاوى بتحصل مجتش فى خيالى
دا موتك يا شعبى كان شئ تسالى
فى ايد الخونه يا مصر تعالى
وحاكمى اللى ظلمك ومنه تنالى


بكائى ما ينفع تفديك روحى
شبابك هيطلع ينشف جروحى
لمجدك يرجع لعزك تروحى
وبرده فى النهايه مش تكفيك روحى
بحبك يا مصر وفداك دمى و روحى


عبرت عما بداخلى من اسى وحزن لحال الشعب وما كتبته من قبل ايضا كان لاجل الشعب خوفا عليه من اعين المتربصين اعلم علم اليقين ان تلك الوزاره السابقه لا تستحق سوى الحريق فى نار جهنم وبئس المصير لا استطيع قولا الا ان اقول حسبنا الله ونعم الوكيل
وبعد هذا وذاك كلمه اقولها احب الوطن والشعب والرئيس وسأظل احبه لاننى احبه فالحب شئ بداخل الانسان لا يعرف لماذا او كيف


تقبلو تحياتى