افتح الانترنت في الموبايل عبر وايرليس اللابتوب

**M-AraBi** · 01-16-2011 05:54 PM

السلام عليكم

هادا الموضوع حصرياً للي جواله فيه ميزة الوايرليس و طبعاً عنده لابتوب أو وايرليس خارجية للكمبيوتر

طبعاً بتوافر هي المعطيات اي واحد منا بيفكر مباشرة كيف يفتح النت بجواله بدون ما يروح ولا وحدة

عن طريق النت الموصول بالكمبيوتر

و هلأ ان شاء الله صار في طريقة مضمونة لهيك شي و مجربة و بيشهد عليها بعض الشباب

اللي كانو معي بالجامعة و في منهم جربها مباشرة

حتى نقدر نستفيد من هي الطريقة لازم النت الموصول باللابتوب يكون ADSL أو 3G أو Dial up باستثناء الوايرليس

لأنه من غير المنطقي أنو نعطي الجوال نت من وايرليس الجهاز عن طريق الوايرليس المتوفرة بالمنطقة اللي هو فيها

لأنه كان الجوال نفسه فات عن طريق الوايرليس المتوفرة بدون ما يلجأ لوايرليس الابتوب و ع الحالتين ما رح تظبط ليلي فكر يجرب

المهم :

الطريقة مجربة على ويندوز 7 حصراً

و بما أنه الويندوز عندي بالإنكليزي رح تشوفه الشرح مدعوم بالصور و ما عليكم (الكلام موجه ليلي كمبيوتراتهم بالعربي)

غير أنه تتبعوا نفس الخطوات الواردة بالشرح

الخطوات :

1- منروح لأيقونة الإتصال الموجودة جنب الساعة و منضغط عليها

2- منضغط على open Network and Sharing Center

3- منشوف ع القائمة الجانبية مجموعة من الخيارات و نختار أول خيار :

Manage wireless networks

4- منشوف شريط مهام عليه مجموعة من الخيارات و هون رح نضيف شبكة وايرليس خاصة باللابتوب أو الكمبيوتر

و لهيك منضغط على Add

5- بعدين منختار Create an ad hoc network

6- منضغط next بعدين بيطلب منا اسم للشبكة منحطه شو ما بدنا بعدين منختار Security type : ***

و منحط كلمة سر للشبكة بشرط تكون من 5 لل 13 حرف أو رقم و أهم شي منحط إشارة صح على الخيار

save this network

**M-AraBi** · 01-16-2011 05:55 PM

7- منضغط next و بعدين منلاحظ أنه صار في شبكة وايرليس جديدة منضغط بالزر اليميني عليها و منختار خصائص

8- و هون منرجع منغير بالضبط اللي فرضناه للشبكة و السبب أنه لما أنشأنا الشبكة ما كان موجود خيار Encryption
و منساوي متل الصورة حصراً

9- لهون خلصنا إنشاء شبكة الوايرليس و هلأ منروح مرة تانية لأيقونة الإتصال الموجودة جنب الساعة و منضغط
على الشبكة اللي أشأناها و منعمل Disconnect و يفضل نساوي هيك

10- منعمل زر يميني للإتصال اللي بدنا نشاركه مع الوايرليس و منختار خصائص و هون ما عندي غير إتصال واحد
هو Syriatel

(ما تفكروني عم أعمل دعاية لحدا بس هيك أنا مشترك)

هون منساوي متل الصورة منفعل الخيار الأول و التالت و التاني اختياري و منختار بالنص

Wireless Network Connection

11- تحت الخيارات السابقة في زر Settings منضغط عليه و منفعل كل الخيارات متل مو موجود بالصورة و منضغط OK

12- هلأ منختار من فوق Networking و هون أهم حركة و إذا ما ساويناها ما بيمشي الحال أبداً

هون منفعل آخر خيار و اللي هو Client For Microsoft Networks

13- هلأ منضغط OK و منتصل بالنت عن طريق الإتصال الرئيسي تبعنا و بعدين منضغط على إتصال الوايرليس و منعمل connect

و بعدين بيصير معنا متل الصورةالتالية :

و هيك منكون خلصنا كل المراحل المتعلقة بالكمبيوتر

أما هلأ فصار وقت الجوال

متل العادة منبحث عن شبكات الوايرليس بالجوال و منلاقي الشبكة اللي أنشأناها قبل شوي ع اللابتوب أو الكمبيوتر و منشبك فيها

بس في ملاحظة هامة جداً جداً

وقت تشبك بالجوال رح يطلب منك تحط رقم السر تبع الشبكة و تحدد نوع الشبكة

هو بكل حوال في طريقة معينة لضبط هيك أمور بس لازم تاخد بعين عدد القنوات Channels هو 11 و نوع الشبكة هو shared ***

و إذا مافي جرب اختار *** ع الحل و بتذكر أنه جربناها و مشي الحال

و هي صورة من جوالي Sony Ericsson P1i و كيف بيكون ضبط الإعدادات

أنت بس اعملوا محاكاة للمعطيات بجوالاتكم

بعد ما يبلش الجوال يشبك منستنى شوي حتى يتعرف الكمبيوتر على الشبكة و منلاحظ هادا الشي وقت منضغط على ايقونة الإتصال منلاقي

Identifying
و بعد ما يخلص بيصير في شبكة إتصال باسم الشبكة اللي أنشأناها و وقتها منقدر نفوت بشكل طبيعي ع النت من الجوال

و هيك خلصنا كل الخطوات المطلوبة

أتمنى تلاقوا الفائدة بهالموضوع

بالتوفيق ..

منقول للفائدة والأهمية