قصة قراتها واحببت ان انقلها لكم علها تفيدكم
جائتني بسررررعه ودخلت غرفة الارشاد وهي تبكي
:استاذه ممكن ادخل ؟
قلت:خير ان شاء الله استأذنتي من معلمتكم ؟
قالت:استاذه تكفين خليني ادخل .....ثم انهارت بالبكاء
قلت :تفضلي خير يا..........خير تعبانه ؟فيكي شي؟
قالت بالحرف الواحد:حسبي الله على بعض الشباب!!!
قلت:نعم؟استغفر الله وش السالفه يا..............تراك خوفتيني
قالت:حسبي الله على كل ام وابو واخو غافل عن اخته!!!
انا ضعت يااستاذه ضعت!!
وانهارت بالبكاء ثم مسحت دموعها وقالت :استاذه اهلي وثقوا فيني ثقه عمياء وفروا لي كل شي دش اقلب فيه القنوات علىكيفي لاب توب واخيرا بلاك بيري وهذي النتيجه!!!
الشيطان شاطر وانا يااستاذه عجزت اقاوم ماقدرت ....ماقدرت
زميلاتي هنا بالمدرسه اذا انتي ماتكلمين او مالك علاقه مع واحد فأنتي متخلفه معقده مسكينه ويبعدون عني!
حتى بنات خوالي وعماني كل وحده معها البلاك بيري وتراسل خويها او خوي فلانه وعلانه!!!
اهلي يحسبون اني عاقله ورزينه وقدامهم وش حليلي يحسبون اطهر الارض اللي امشي عليها
ومايدرون اني لي علاقه مع.......وانهارت وبكت
وبعدين قالت لي علاقه مع 5 شباب!!!
اكيد بتنصدمين يااستاذه مني بس بقولك شي ترا الشكل والرزانه اللي من الظاهر مو دليل
والله العظيم ان ثلاثة ارباع المدرسه اللي عندهم لاب توب وبلاك بيري يكلمون
تلقين الام تثق ببنتها والاب يوافق من الحاح الام ويعتمد على الام والام اصلا همها المظاهر وتوفير كل شي لبنتها عشان ماتكون اقل من غيرها !!!وهذي نهاية الثقه!!
تعرفين يااستاذه بنت فلان وفلان اللي ابوهم مطوع تراها تكلم وعندي الدليل!!
شوفوا لنا حل!!
المشكله واحد قاعد يهددني بصوري يااستاذه تكفين وش اسوي!!
وبعدييييين سكتت وقعدت تبكي وقالت: امانه يااستاذه لاتعلمين احد عن اسمائنا !!قلت مستحيل !!
قالت ترا زميلتي فلانه تطلع مع شباب اذا ناموا اهلها واحيانا تقول لاهلها بروح لزميلتي او بنت خالتي بذاكر عندها او اي كذبه من هالكذبات وتروح شوي وتواعد خويها هناك يمرها وياخذ فيها كم لفه يدور بها على الحاره والله العالم وش يصير بالسياره يااستاذه!!!
وابحاول اقنعها تنزل عندك لانها متورطه معاه بورطه وخااااايفه مررره
قلت طيب اللحين انتي كيف تكلمين وين اهلك عنك؟
قالت اسجل اسمه باسم بنت عشان اذا دق الجوال يحسبون انه زميلتي واكلمها على اساس انها بنت
او اذا رحنا عزايم والا لبنات خالي اطلع شريحتي الثانيه واكلم
ياابلا ترا فيه الف طريقه وطريقه وين عايشه انتي؟؟؟<<<<<عجبتني بكلمتها فعلا فتحت عيوني على اشياء ماكنت ادري عنها
قلت لها شوفي لازم تستغفرين وتتوبين وتصدقين بتوبتك وان شاء الله ربي بيساعدك ويستر عليكي وانا بحاول اساعدك
ثانيا:اذا الولد يهددكي بصورك وعارفه اسمه وكل شي اختصري الطريق ودقي على الهيئه وبلغيهم هم يتصرفون
قالت:بس اخاف يفضحوني قلت:لا تخافين الهيئه همهم اكبر من كذا وراح يساعدونك ويفكونك منه والولد راح ياخذ عقابه!!
قلت لها طيب انقلي اذا انتي منتي مرتاحه هنا!!
قالت والله يااستاذه انك ماتدرين عن شي!!
قلت وشو؟
قالت انا لي بنات خالات وخوال وعمات وش كثرهن ماشاء الله والله اغلبهن يكلمن ويتفاخرن بهاالشي وكل وحده معاها بلاك بيري ولاب توب ادهى وامر!!!
حتى بنت عمي اللي داخله بتحفيظ القران تكلم شباب!!
قلت :بس لاتكملين
قالت:اسفه يااستاذه بس والله هذا الواقع شوفوا لنا حل حنا نضيع بسبب الدشوش واللاب توب والسهر وطلعاتنا لبنات خالاتنا واعمامنا وبسبب البلاك بيري والام والاب والاخو اللي يشد فيه الظهر كللللللهم غافلين عنا ولا رقيب ولا حسيب
هي كلمه بقولها
الله المستعان راح زمن الاخو اللي تخاف منه اخته وتسمع كلمته وتسوي له الف حساااااب!!!
الا من رحم ربي!!!
من جد بديت اخاف من هالزمن!!!!
فأنا أقول لكل أب ومسؤول عن عائلة: إتق الله في بناتك وأخواتك راقبهن وناصحهن وحذرهن قبل أن يكثر الفساد في المجتمع فأنت مسؤول عن عائلتك.
وأقول لكل بنت: إتق الله لاتخوني أهلك وقاطعي جميع هؤلاء الذئاب فأهم شي عند البنت الشرف والعرض فحافظي على عفتك وأتركي الحديث مع الشباب الذين لايحلون لك فأنا والله لك ناصح .
قصة واقعية نقلتها لكم للعظة والعبرة وخوفا على بنات المسلمين .
الله يحفظ بناتنا من كل شر
ويصلح احوال الأسر
مشكور دكتور عالقصة
......
مشكور اخي حسن
عن جد هذا هو الواقع
لا حول ولا قوة الا بالله العلي العظيم
دمت بحفظ الرحمن
فعلا هاد حال بعض البنات ... بس أنا هون بدي أقول شغلة ... هاد الحال بينطبق ع البنات الملتزمات بسبب الخوف من الأهل فقط لا غير
بمعنى أنه هنن ما بيعملوا الغلط لأنه أهلهم ما بيسمحولهم ( مو لأنه هنن مقتنعين أنه هاد فعلا غلط ) ...
لما بيكون في قناعة بهالشي ... لايمكن يقبلوا يعملوا شي غلط سواء بحضور أو غياب الأهل ... أنا بعتقد القناعة أساس كل شي ...
من ناحية تانية ما بدنا ننسى أنه في بنات بيكونوا لسا صغار ... ما وصلوا لمرحلة النضج و الوعي بشكل كامل ...
بالنسبة لهدول البنات ... ما بيصير الأهل يتركوهم من دون مراقبة و تتبع دائم ( سواء بطريقة مباشرة أو غير مباشرة ) ...
حتى لو كانت ثقتهم ببنتهم كبيرة ... بس لازم ما ينسوا أنه بنتهم لسا صغيرة و المغريات كتيرة حواليها ...
المفروض يكون في متابعة دائمة ..
و المفروض يتعرفوا على رفقات البنت و يساعدوها باختيارهم ( هي الخطوة أنا بعتبرها مهمة و خطيرة كتير ) ...
لأنه تأثير الرفقات ع البنت كتييييير كبير .
بشكل عام ... البنت لازم تكون مقتنعة بكل شي عم تعملوه و يكون عندها روادع كتير (بعيدة عن الخوف من الأهل بس ) ...
و لازم الأهل يبقوا على تواصل مع بنتهم مهما كانت درجة الثقة فيها ( خاصة بعمر معين و عند مستوى معين من الوعي ) ...
و أكيد الأهل هنن أكتر ناس بيقدروا يعرفوا تماما مستوى وعي بنتهم ...
آسفة ع الإطالة ... بس الموضوع مهم فعلا
ألف شكررررر دكتور ع القصة و ع الموضوع
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)