اريداً ابوي يقرالي دعاء

ويسامحني قبل ما اموت

اريدا يمسح على راسي

واختي تحط ورد عالتابوت

واريداً امي تنثر شعرها

وتفرق على روحي ياقوت

ويمشي بجانزتي اصحابي واخواني

ويمرون مابين البيوت

اريداً اودع الجيران

واريدا اودع شجر التوت

وابني الصغير لا تنسونا

اصبح يتيم ويبكي بسكوت

اريد اوصيكم مني وصية

حبي بقلبكم خلوه منحوت

وتبقى روحي ترفرف عليكم

ما تغيبون عنها بيوم يفوت

قلبي الذبل وعيوني والدموع

وايام الغربة وظلمة التابوت

اصيحاً الاه والناس ماتدري

الم السكون ياناس مايموت