كان في غرفته، يلملم ملابسه في حقيبة إلى جانبه وباقي متعلّقاته على المنضدة القريبة.كانت استقالته موقّعة ومختومة حسب الأصول، وبجوارها تقبع ون-واي تيكت إلى جزيرة مالطة.
كانت ملامح وجهه في تلك اللحظات تنطق بالحزن والكآبة والإحباط واليأس وقلّة الحيلة... مع دهشة مزمنة ارتسمت عليه منذ فترة ليست بالقريبة مع الإعترافٍ بالعجز والفشل....
إبليس راحلٌ عن بلادنا إلى غير رجعة... فليفرح المؤمنون...
- وين يامسهّل؟ ليش عم بتضبّ اغراضك؟
- يازلمة ماظلّلي قعدة عندكو، إلي سنين عاطل عن العمل وقرّبت أموت من الجوع.. بلاقيش معك سيجارة ياخوك؟ مش قاطع فيكو لا وسواس ولا خنّاس!!!
كنت زمان بوسوس للوحدة تسيب ابنها يعيّط وهي بتحكي مع جاراتها، هسّة صاروا لحالهم يرموا اولادهم في الحاوية أوّل مايجوا!
كنت أوسوس للواحد ينسى يسمّي الله قبل مايوكل، هسّة بطّل حدا لاقي إشي يوكله!!!! يازلمة إذا أنا إبليس وتسمّمت بالشاورما!!!
كنت برضو بوسوس للشب يرميله كلمة ع البنت وهي ماشية بالشارع، صاروا البنات يطقّسوا ع الشباب بكلام أنا نفسي بستحي أحكيه! إنتو بدّكو إبليس إنتو؟! خلوني أبعد عنكو وارتاح!!!
صار عندكم فائض في الفساد بكفّي 30 سنة لقدّام، صرت أخاف على حالي منكم!!!!
يازلمة مرّات بضطرّ أوسوس بالشقلوب وأقول للمسؤول إرحم، وللحرامي بكفّي خلّي شويّ للحراميّة اللي رح ييجوا بعدك!
يعني إذا إنتو لحالكو بتعملوا كل هالبلاوي، أنا إبليس شو أعمل؟؟؟؟ أشتغل شوفير تكسي يعني ولاّ أفتح صالون حلاقة؟؟؟؟
ماظلّ عليً غير أقدّم للأوقاف يعيّنوني واعظ أو إمام جامع!
يا خير من دفنت في الترب أعظمه *** فطاب من طيبهـن القـاع والأكـم
نفسي الـفـداء لـقبـر أنـت ساكـنـه *** فيه العفاف وفيـه الجـود والكـرم
هههههههههههه لا حول ولا قوة إلا بالله مشكور حبيب
والله يعني نسبياً معو حق هالشيطان ما عاد ألو شغل عنا
صار شيطاننا منا وفينا
عفوا تعف نساؤكم في المحرم وتجنبوا ما لا يليق بمسلم
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
حمل toolbar alexa لتصفح أسرع و حماية أكبر
يداً بيد نبني سورية الغد
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)