باعتبار البازلاء المحشية لأيتوها صعبة شوي حبيت كفر عن خطأي باكلات سهلة ياريت تعجبكم
اسم الأكلة " ام سان"
الوصف : لحم مفروم ومطبوخ ومخلوط بالبهارات بخلطة جيدة وظريفة وطيبة وفينا نخلطو بالزيتون او الفستق الحلبي .
المقادير : علبة مرتديلا
تختار العلبة بعناية وتكون ذو نكهة ظريفة ... وفيك تختار اذا كانت بالزيتون او البهارات او الفستق .
تأتي بالعلبة والسكين ثم تقطعها شرائح ثم تأتي بالخبزة وتلف الشرائح مع الخبزة
وصحة وهنا
ان شاء الله تنال الاعجاب انا كتبت اسمها بالعربي وهو مختصر لــm san
m= مرتديلا
san= ساندويش
بطاطا مقلية متل تبع محلات البروستد
المقادير :
- كم حبة بطاطا تكون مالحة لانو الحلوة مو نافعة .
- زيت قلي ( صويا - شمس - ذرة ) ما بتفرق .
- ملح .
- طحين .
-ملح صيني نص ملعقة صغيرة متوفرة بالبزورية ومدحت باشا
- بهارات بروستد نص ملعقة او حسب طلب قوة النكهة
الطريقة :
قشر البطاطا أصعب مهمة وبعدين قطع القطع على شكل أصابع بس ما تكون سميكة ولا رفيعة (وسط) مرحلة صعبة بس منكون خلصنا .
لتسهيل هذه المهمة جيب ( قشارة بطاطا) متوفرة بالاسواق .
- قم بنقع البطاطا المقطعة بعد الغسل بالماء والملح لمدة نص ساعة حتى لا تغب الزيت .
- بعد نصف ساعة صفي البطاطا من الماء وجيب الطحينات ولك البطاطا بالطحين .والملح الصيني وبهارات البروستد
- ضع الزيتات بالمقلاية وشعل النار حتى يحمى الزيت ضع البطاطا بعد تصفيتها من الماء المالح .
- خفف النار حتى تستوي البطاطا
- قم بتقوية النار بعد الاستواء حتى تصبح ( مقرمشة من الخارج وطرية من الداخل ) .
جيب مصفاية (معلقة) وطالع البطاطا من داخل المقلاية ولا تنسى تحط محارم مطبخ بالصحن حتى ينشفو منيح من الزيت .
وكول أكلة رح تدعيلي عليها .... على فكرة لاتنسى قبل ما تدخل عالبيت تجيب مايونيز وكتشب
وصحتين وهنا .....
وممكن كمان اذا الواحد فاضي يساوي جنب صحن البطاطا صحن سلطة مشان الصحة تكون بمطرحها والطريقة سهلة كتير بس مكلفة شوي
بيروح الواح عالسوبر ماركت وبيشتري علبة درا وعلبة هليون وعلبة فطر يفضل فطر كامل وعلبة لب النخيل وحبة بندورة وانينة صوص
بعدين بتجيب صحن مبحبح شوي وبتحط فرشة خس وبتحط فوقها نص علبة من كل نوع اذا لشخص وكل العلبة اذا لشخصين
طبعا جنب بعض وبعدين بتكت شوية صوص فوق منهم وبتاكل احلى صحن سلطة وبتدعيلي
ياسلام انس شوهالوصفات الله يهني زوجتك فيك معناها بتريحهاتمام من شغل المطبخ
wwwwwwwwwwwaaaaaaaaaaawwwwwwwwwwwww
شو هاد يا أنس
أتاريك بروفيسور بلطبخ وما معنا خبر
بس بتعرف إستفدت منك معلومات جديدة ومفيدة اليوم
وأولها :قشارة البطاطا
سبحن الله أول مرة بعرف إنو البطاطا بتتقشر بمقشارة خخخخخخخخخخ
بس شو مشان : جيب مصفاية (معلقة) وطالع البطاطا من داخل المقلاية
انا فكرت طالعن بإيدي ههههههههه
الله يجزيك الخير لأنك نبهتني
وأنا كمانة بدي زكرك إنو ما اسما ملعقة اسما كفكير ^_^
بس بتعرف عنجد عنجد فكرة البطاطا المقلية خطيرررررررررة رح جربها وإدعيلك من كل قلبي :)
أنا كنت إغليها مع مي ووملح وصفيها وإقليها بس هلأ طريقتك باينتا أنجح وأطيب
وشكرررررررررا علوصفة السهلة ^_*
سلام
ههههههه ايواااا ... يا هيك الأكلات يا بلا ...
شتّان ما بين البازلاء المحشية ... و ما بين هدول الأكلات ( طبعا هدول أحسن بمليون مرة ) هههه
و عجبتني أول أكلة أكتر من التانية .... و حلو اختراع هالاسم " أم سان " هههه
بس كمان عندي اقتراح ... فيه بالسوبر ماركت شرائح مرتديلا مع الزيتون و البهارات مقطعة جاهزة
يعني ما في داعي نجيب علبة ... و نحنا نقطعها ... هيك أحسن مو ؟؟ هههههه
كمان بالنسبة للبطاطا ... ممكن نجيب كيس بطاطا مقطع جاهز من السوبر ماركت ... أسهل هههه
طبعا بالنسبة للسلطة ... رهيييبة ... ما لقيت اقتراح يخليها أسهل من هيك ههه
بس فعلا مشكوووور على هالوصفات المميزة السهلة
بانتظار المزيد من الوصفات المشابهة ( بعيدة كل البعد عن البازلاء المحشية ) ههه
تحيتي
الذين يشاهدون الموضوع الآن: 2 (1 من الأعضاء و 1 زائر)
مواقع النشر (المفضلة)