لحظة 2012 ... قبل ما تروحي ... بدي قلك كلمتين ....!!!

[Sanaa]

لحظة 2012 ... قبل ما تروحي ... بدي قلك كلمتين ....!!!

















كتير ناس قالت أنو أسوأ سنتين هنن 2011-2012
و خاصة 2012

أما أنا بقول :

شكرا 2012
.
.
.
.
.
.
.
.
لأول مرة بعرف أنو درعا هي مدينة وأنو حوران عاصمتها
لأول مرة بعرف أنو حماة أكتر من نواعير وحلاوة جبن

لأول مرة بعرف أنو حمص أكثر بكثير من مجرد نكته
لأول مرة بفهم شو يعني كلمة رجولة .. بطل .... شهيد ...

لأول مرة بتعرف على شخصيات رح يتم تسجيل اسماءها بـ كتب التاريخ ...
لأول مرة ما بنام بـ الليل .. وأنا عم ادعي وفكر بـ ناس بعرفها و ناس ما بعرفها ...

لأول مرة بكسب أصدقاء ما سبق و قابلتهم بحياتي بنوب ..
و للأسف بخسر اصدقاء عاشرتهم عمر :(


لأول مرة ...
بعرف و بعرف و بعرف .........



لأول مرة بحس عن جد شو يعني وطـــــن
ولك آآآآآآآآآه ياوطنـــــــــي ..!!







رجاء 2012 و انتي رايحة ....
خدي معك كل أوجاع السوريين ...
خدي كل المآسي و الأحزان ....

خدي آهات الأمهات ...
و أوجاع الجرحى ..

خدي برد خيم النزوح ...
و جوع أطفال المخيمات ...

خدي تخاذل العرب ..
خدي الخوف ..
خدي الدمار ....



و لا تتركيلنا إلا الرحمة و الفرج المؤكد ..
من عند رب العباد ....








و انتوا حابين تقولولها شي ....؟؟؟!!

[ماهرالفيزو]

مافيني قول الا تمت السرقة بنجاح



الله يفرجها على الشام واهلها



لكي الف تحية وسلام سناء

[الجريحة]

اي و الله
ما عرفنا قيمة الوطن
الا لمن فقدناه
عوافي سوسو

[aramees]

كنت بدي قلا شي أنا ... ولو متاخرة شوي بس بعدا ما غادرت ليكها بطريقها


كنت بدي قلا يا إنتي ((2012))


خدي كل شي معك ... خدي ما تشائي ... خدي شو جبتي معك وشو ما جبتي ...


بس بلييييز لا تاخدي شي واحد ...


اتركيلنا صمود وشموخ شعبنا الباسل ... القوي ... الصابر ... المجاهد ...


الشعب العربي السوري ...


لانه احلى شي فيكي يا إنتي (( 2012 )) عرفتينا عليه وكشفتي عنو النقاب هوي مهارات وقدرات وقوة وعزيمة وإيمان هالشعب العظيم


وبهيك بقلك الله معك ... وتركينا نرحب بضيفتنا الجديده من بعدك













عساى أيامها فرج وخير لكل العرب والمسلمين


محبتي لكم جميعا ... وشكري لصاحبة هذا النداء


Aramees