هل نحن فعلاً جيل فاشل؟

[عاشق الوطنية]

كثيراً مانسمع في هذه الأيام من أناس كثيرين وخاصةً كبار السن أن

الزمان قد تغير ولم يعد كما السابق ..

يا ريت أيام زمان ترجع ..

كانوا الناس إخوان وأحباب وكل شي كان له طعم ..

كثيراً ما نسمع نبرات الإحباط في مجالس الكبار ويرون أن هذا الجيل لا يصلح

لتحمل المسؤولية

وأن زماننا في كل أطرافه زمان لا يصلح للمعيشة وأنه زمن الاتكال على الغير

وانتشار المحرمات وضيق العيش ... الخ

نسمعهم يتحسّرون على أيامهم الماضية

ويصفوننا ويصفون زماننا بأمور غريبة

فهل نظرتهم صحيحة أم أنها جائرة ؟؟ ولماذا ؟؟

وهل هم دوماً محقّين فيما يذهبون إليه ؟؟

وهل يخلوا عصرنا من كل شيء جميل لهذه الدرجة التي يرونها ؟؟





أريد أن أرى آرائكم العقلانية دون التعصّب لزماننا ..

[دمعة فرح]

اكيد زمانن كان احسن واضمن واحلى .. لكن دوام الحال من المحال .. نحن مو جيل فاشل نحن جيل مدلعين حالنا وبنخاف على حالنا كتير وعنا بريستيجات زايدة عن حدا
واكيد هنن مو دايما بيكونو صح ! لكن اغلب الاحيان بيكونو معن حق .. هلأ مثلا ازا ستي وستك سمعونا عم نطرح مشكلة هنن رح يحلوا على طريقة قبل يلي مابتعتبر حل للمشكلة بزمانا هاد ورح نضحك
عليهن وعلى طريقة تفكيرن !! يعني الافكار تغيرت مابعرف ازا فيني قول تطورت بدل تغيرت .. بس على كل الاحوال بيختلفو عنا قلبا وقالبا ..
سواء عصرنا او عصر غيرنا الحياة حلوة بس نحن مو عرفانين كيف نتعامل معها .. ياريت تكون وصلت فكرتي لمفهومك صديقي

وطبعا شكرا جزيلا على موضوعك الحلو

بالتوفيق ...

[عاشق الوطنية]

مشكورة دمعة على مرورك

يعني في شي حكيتيه صحيح
مثل انو الأفكار تغيرت

وفي شي برأي مو صحيح

مثل انو نحنا مدلعين حالنا وعاملين بريستيجات

ومشكورة مرة تانية لمرورك

[حسن حاضري]

عاشق الوطنية لكل زمان الو رجالاته ونحن لسنا جيل فاشل ولكن اعتقد ان الامور تتطور والحياة في تقدم واكيد اللي في زماننا الان لا يمكن ان يكون قبلنا لذلك لكل زمان واوان رجالاته وجيله وكل واحد بيقول عن اللي في وقتوغير شكل