احلى الامثال الحلبية

[سوسن]

* قال الي بجي لعنا اهلا وسهلا والقلب اله هزاز والما بجي لعنا لا اهلا ولا سهلا ولا القلب اله معتاز *

* القرصـة بغضة ولو كـانت من أصابيع فضة , والعضـة محبـة ولو كـانت من أسنان كلبـة *

* الكويسـة كويسـة مـن فيقـت منامـا و البشعـة بشعـة من طلعـة حمامـا *

* مكتر صحابي يوم كرمي دبس.. وما قل صحابي يوم كرمي يبس *

* قالتلا يا ستي خديني معك ، قالتلا لو صح لستك الروحـان *

* أنا وابن عمي على الغريب وأنـا وأخوي على ابن عمي *

* اللي بزورنا بحل البركة و اللي ما بزورنا بخفف لبكة *

* العتب مو عليك العتب عاللي سلمك دقنو تنتف فيـا *

* ستي أجتى الرزيه بتاخد الخضرا وبتعيف الطريـه *

* ديك واقف عالبركه بضحك عالناس وهو ضحكـه *

* ال بدخل بين البصلة وقشرتا ما بنوبو الا ريحتا *

* الجاهل بيفعل بنفسو متل ما بيفعل العدو بعدوه *

* قالوا لو للديك صيح قال كل شي بوقتوا حلوا *

* من بيت شقاع لبيت رقاع لبيت وجاع الصعبه *

* قالوا العاطل صير منيح قال بيصرلي اسمين *

* اللي إلوا راس عند الرواس ما بنام الليـل *

* طول ما جوزي معي بدير الفلك بأصبعي *

* الرجال في البيت رحمة ولو جاب فحمة *

* طب الجرة على تمها بتطلع البنت لأمها *

* بس ما طولت دقن ابنك حلوق دقنـك *

* عيشة الفهيم مع البهيم سقم وعمى *

* اذا احتجت للكلب قللو يا حج كلب *

* إحترنى يا أقرع منين بدنا نمشطك *

* إذا ردت تفضح سرك سلموا لمرة *

* عصفور بالأيد ولا عشرة عشجرة *

* البقع مالسطوح بتسلقاه الأرض *

* كل مين بتجوز أمي بسميه عمي *

* احلوق بالفاس ولا تعتاز للناس *

* خذوا البنات من صدور العمات *

* أنا متل الفريك ما بحب الشريك*

* البيشتغل بأكلو يا سعادة أهلو *

* لا تقول فول ليصير بالمكيول *

* السعد لما بيجي بكسر الباب *

* من فاتو اللحم عليه بالمرق *

* كل ديك على مزبلتوا صياح *

* كلامو متل الفستق الفاضي *

* ابن الحلال عن ذكره بيبان *

* الي عندوا طبيعه ما بيبيعا *

* البغير عادتو بتقل سعادتو *

* لاتبيع جلد الدب لتصطاده *

* أمشي مع السعيد بتسعد *

* الآدر هجروه ولا فجره *

* الله يسعدو و يبعدو

[ABDULLAH JANEM]

مشكوووورررة سوسن عل الموضوووووع

[En.muhammed manla]

مشكورة سوسن كتير
منيح في حدا اتذكرنا بموضوع هههههههههه

[Dr.Ibrahim]

بدنا كمان مواضيع عن الشوام وكل المحافظات