تصرفات البنت جوا البيت وما ادرااك ما جوا البيت
جوا البيت : اذا اخوها الصغير قرب عليها بتروح مازعتوا هداك الكف عاميه ضووه<< عاد المسكين كان بس بدو يدور على حفايته تحت الكنابية الي هي قاعدة عليها.
برا البيت : اذا صاحبتها او واحد من صحابها جايب ولد صغير بتبلش يا حبيبي ويا عمري وما ازكاك وتقرصه من خدوده<< وعاد الولد بتكون ريالته معبه اواعيه وجه معبى شوكلاتة وبوظة......زي كأنها ما بعمرها شايفة ولد صغير ...(لا حول ولا قوة الا بالله ) واخوها المسكين اذا شافها بتعمل هيك راح يفقد عقله ويحكي انو اخته انجنت..
الاكل
جوا البيت : يا حبيبي عليكم اذا امها طابخة طبخة بتحبها (ملوخية مثلا).....بتروح خالعة 3 صحون ومرات 4 مع فخدة وسفينة..والاكل معبي الطاولة بتكون زي كاينة عاملة طوشة مع الصحن ....الملوخية في كل مكان ...انتشار واسع وقصف عشوائي.
برا البيت : حكولها تعالي تفضلي على الاكل بتكون الطبخة ملوخية كمان ...بتحكي لأ لأ والله انا مو جوعانة متألة على الفطور ماكلة شأفة خبزة مع كاسة حليب..... واذا اصروا عليها بتحط ملوخية لحالها بدون رز على اساس انه الرز بينصح وهي معتنية بصحتها كتير وبتحب تضل خفيفة.
.
الحكي والصوت
جوا البيت : اذا بدها تنادي على اخوانها يلا على الاكل او الغدا بيجوز الي بالحارة التانية بيفكروا حالهم معزومين على الغدا من كتر ما صوتها بيكون يرن رن بالدار ويا حبيبي اذا حدا غلط وخربلها اشي على الضمان لتقطع خلفه بهداك الصوت الي بدها تخلعه اياه.
برا لبيت : اذا كانت برا البيت وقاعدة بتحكي بموضوع مع صاحباتها وفي شباب حواليها يادوب يادوب تسمع صوتها وبين كل كلمة وكلمة في كلمة انجليزي ويا عمري اذا كانت بتعرف فرنسي ..انسى انك مش راح تفهم اشي وراح تطلع حمار قبالها. يعني ولا دلع نانسي بالحكي وحركة شفايف اليسا.
واخر شي الضحكة
جوا البيت : اذا ضحكت بالبيت بتكون ....اهاهاهاهاها اخ اخ هاها هوهو هو هي اخ اخ ...بعدين بتصير اذا ضحكت تعبي الي حواليها بزاقة.
برا البيت : هاها .....ها طبعا بتكون حاطة اصبعين على تمها بس تضحك......اتيكيت.
هههههههه<<انا مو منون أكيد
صبايا ما حدا يزعل خاصة الي بيعمل هيك
تقديري
ليست مشكلتي إن لم يفهم البعض مااعنيه؟! وليست مشكلتي .. إن لم تصل الفكرة لأصحابها ؟! فهذه قناعاتي .. وهذه افكاري .. وهذه كتاباتي بين يديكم .. أكتب مااشعر به .. وأقول ماأنا مؤمن به .. انقل هموم غيري بطرح مختلف .. وليس بالضرورة ماأكتبه يعكس حياتي ..الشخصية .. هي في النهاية .. مجرد رؤيه لإفكاري مع كامل ووافر الحب والتقدير لمن يمتلك وعياً كافياً يجبر قلمي على أن يحترمه ..
كلام صحيححححححححححححححححححححح
مشكورة الموضوع كتير رائع
...__وَأَن لَّيْسَ لِلْإِنسَانِ إِلَّا مَا سَعَى , وَأَنَّ سَعْيَهُ سَوْفَ يُرَى , ثُمَّ يُجْزَاهُ الْجَزَاء الْأَوْفَى__...
شكرا لك عالموضوع الجميل
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
|
|
||
|
|
|
|
|
|
||
مواقع النشر (المفضلة)