السلام عليكم ورحمة الله وبركاته

إليكم هذا الحوار بين إمرأة أيام زمان وزوجها



الزوج: - مرحبا يامرة… شو عاملتينا عشا اليوم

الزوجة: - يه يه يه… تقبر عضامي… إجيت حبيبي؟!! تقبرني شو حركتك خفيفة ومابتزعج حدا… لك حلّت البركة على أرض الديار يا روحي… طابختلك يالنجي وكبة لبنية تقبشني …



الزوج: - يا الله يالله بلا كتر غلبة، قومي حطي الأكل قومي ..


الزوجة: - لك إي مو تكرم ابن عميمو تكرم… لك من هالعين هَي قبل هَي

الزوج: ناموا الولاد؟



الزوجة من المطبخ: - ناموا حبيبي ناموا على عشية وحميتلك الحمام يل عمري ......


الزوج بعد أن يرى أصناف المائدة أمامه : اييييييييييييييييييييه

السهرة رح تحلى اليوم



يمضغ اللقمة الأولى ويقول: - ممممممممممم طيبة هالكبة طيبة

الزوجة رافعة يدييها للسماء: - لك روح… ربي مولايي يبيضلك أيامك… ويبعد عنك ولادين الحرام يا حق ..



ينهي الزوج طعامه قائلاً: - الحمد لله …


الزوجة : - عجبك الأكل يا عمري ... عمري


الزوج: - إي والله… تسلم إيديكي… تعبتك معي

الزوجة مرتبكة من الفرح : عجبك الأكل ابن عمي ..؟؟
لك تطلع على قبري شو أنك هني وبتعرف تحكي ....
لك تكفني بايديك على هالكلام الحلو يا حق .....
بكرة بدي أعملك محشي وبطاطا بالفرن أي بدك تاكل أصابيعك وراهن...
بعدين شو تعبتني وما تعبتني ؟؟؟ ليش أنا عندي غيرك بالدنيا يا حبيبي ؟؟!!
لك تشكل أسي يا حق ......




الزوج وهو ينشّف يديه بعد غسلها: - جاهزالحمام يا مرة ؟؟؟


الزوجة بخجل… وبابتسامتها الحلوة : - ولَو تقبشني...ولووو؟؟

وحطيتلك صابونة غار من يللي جابتهم أمك تقبرني









وإليكم هذا الحوار بين إمرأة اليوم وزوجها







الزوج: - مرحبا يا حلوة… شو عاملتينا عشا اليوم؟


الزوجة متلقحة على الكنبة وبيدها جريدة: - شو إيمتى جيت؟؟

مبكّر مو على عادتك يعني…
على كل عملتلك مجدرة برغل وعدس .....
شو بدي أطبخلك يعني ؟؟؟
مو مبارح أكلت لحمة بالصينية ؟؟؟....



الزوج: - يا الله تقبشيني، قومي حطيلنا الأكل لناكل ..


الزوجة : ليكو الأكل عندك بالمطبخ…

وين بدو يروح يعني؟؟!! كمان بدي جبلك الأكل لحد عندك؟ !



الزوج باتجاهه إلى المطبخ: - ناموا الولاد على حد علمك؟


الزوجة : شو روح نيّمهم أنت هلق وبكرة عندهم عطلة؟؟؟ …


الزوج يحدث نفسه من المطبخ: العمى شوهالمجدرة ؟؟!!!!


يمضغ اللقمة الأولى ويقول: - إي والله كأني عم آكل بحص مو برغل !!!



الزوجة : - شو عم تبَربريا رجال؟؟


ينهي الزوج طعامه قائلاً : أأأه ...؟؟

موشي حبيبتي ...مو شي ....



الزوجة: - عجبك الأكل؟


الزوج بإحباط: - إي طبعاً طبعاً… تسلم إيديكي


الزوجة بتأفف: - معناها كل يوم بعملك منها اذا حبيت ....


الزوج وهو ينشّف يديه: جاهز الحمام يا ترى؟؟


الزوجة ترمي الجريدة أرضاً صارخة في وجهه: - العمى على هالقصة… طبختي يامرة؟… ناموا الولاد يامرة؟…جاهز الحمام يا مرة؟… إي شو أنا ما عندي شغل غيرك؟؟؟ ورصـــــــا ص يرصك رص العمى على هالعيشة ...