فاصوليا خضراء بالزيت

**jorybassam** · 04-16-2011 06:12 PM

شباب وصبايا يمكن تكون الاكلات اللي عماكتبها بسيطة بنظر البعض بس كمان بتوقع في منكم مابيعرفوها طبعا الصبايا ما بينخاف عليهم اما الشباب فمساكين بزعل عليه خاصة المغترب وحيد بدون عيلته فان شاء الله تعجبكم هالوصفات.
اولا طبعا الفاصوليا بتكون باكياس مختومة ومجمدةفأول شي نضع زيت زيتون في طنجرة البخار او طنجرة عادية ونضيف عالزيت ثوم مهروس وبندورة مفرومة ناعمة ورب البندورة والفاصوليا نقلبهم مع بعض وبعدها نضيف عليهم قليل من الماء وكزبرة يابسة وفلفل ابيض او احمر ونغطيها حتى تستوي.
طبعا اذا بطنجرة البخار بتتحمل 10 دقايق فقط .وبعدما تستوي ممكن اللي بيحب يضيف عليها كزبرة خضراء مفرومة وصحة لا تؤكل ساخنة .صحتين
ياريت اذا عجبتكم فكرة الوصفات تخبروني لاعرف استمر او لا وشكرا للجميع

**ms.lonley** · 04-16-2011 06:45 PM

يسلمو إيديكي
إستمري ونحن متابعين
كل مرة عم بستفيد منك بشغلة _الله يجزيكي الخير_
وأنا من فترة ما عدت شريت فاصوليا مجمدة بجيبها خضرة مشان تستوي وما تعزبني هلأ تغير الوضع ^_^ فيني جيبها مجمدة وأطبخها بطنجرة البخار