حاج ايميلات غبيـــــــة‎ !!!!

[ريماس]

هالايميل كتير مفيد, ياريت الكل يقراه مشان نرتاح من العذاب اليومي
----------------------------------------------------------------

أولا:




ولا ممكن بأي شكل انك تعرف مين عملّك بلوك ع المسنجر مستحييل.. لأنو في اتفاقية ترخيص للمسنجر بتمنع هالشي.. و مهما وصلك ايميلات انو عريف مين عاملك بلوك, بكون هالشي كزب و دعاية

2.

تانياً..

مستحيل شركة مايكروسوفت تلغي خدمة الهوتميل, لأنو هي الخدمة معيشتها, فإياكن تسدقو انو ممكن يتسكر ايميلك الهوتميل، مايكروسوفت شركة منافسة لشركات كبيرة متل غووغل و ****و, و مستحيل تلغي خدمتها الأقوى و الاكثر منافسة بين الشركات.

4.

ًرابعا,
اذا ملاقي الانترنت مو عاجبك شكله, غيّر المتصفح تبعك للفايرفوكس او ع الأقل اكسبلورر تمانة, لأنك معفّن و لسا عم تستخدم اكسبلورر ستة.. يا معفّن ياللي ببالي
اذا ما بتعرف شو يعني فايرفوكس او سفاري او كروم, هي متصفحات انترنت (برامج) مهمتها انو تعرضلك صفحات النت، متل الوورد مثلا يللي مهمتو يكتب النصوص و يعالجها..
اتوجه فورا إلى getfirefox.com يللا

5.

ًخامسا..
قسما بالله يللي بسمعو من هون و رايح عم يقللي انو ايميلو الهوتميل اتهكر لأنو في واحد فطحل بالانترنت هكّرلو.. بأفا ايدي ع خلقتو.. لأنو مهما كان فطحل.. فهاد الشي مو مهم.. المشكلة فيك انت لانك حاطط كلمة سر هيي اسمك و يوم ميلادك فغيرهن هلأ و ما تحط كلمة سر من الواحد للتسعة يا فهمان, او تحط اسمك و بعدين كم رقم.. لأنو يللي بدو يقصد يحزر الكلمة, مستعد يجرب 200 خيار لحتى يلاقي الكلمة.. و عملتها أنا من قبل و جربت اكتر من 250 احتمال, ووصلت لكلمة سر احدى الشخصيات.

6.

ًسادسا..
لما تروح ع الكافيه نت, اتأكد انك عملت تسجيل خروج, و لا تسجل كوكيز ع جهازك, يعني بعد ما تخلص من مسنجرك, عميل تسجيل خروج و سكر المسنجر, أو اذا فاتح ايميلك او الفيسبوك أو اي شي.. اتاكد من تسجيل الخروج, لأنو مجرد تسكير الصفحة ما بيعني انك طلعت من الموقع, لأنو في ملفات بتنزل ع جهازك بتحفظلك دخولك لمدة معينة اسمها مدة الجلسة.

7.

ًسابعا..
للشباب: لما بتضيفك بنت ع الفيسبوك, ما عندها غير صورة وحدة و مشلّحة, هي بتكون شركة عم تحاول تجمع 5000 عضو مشان تبعت دعايات لا تسدق انها بنت و تصير تبعتلها, شكرا ع الإضافة

8.

ًثامنا..

لا تصدق و تبعت الإيميل لعشر اشخاص بعدين تكبس اف ستة، لانو اف ستة, بتنقلك لشريط العنوان و بس, بكل المتصفحات.. و ما بتطالعلك اسم حبيبك ابدا..

9.

ًتاسعا.. :

إذا ما بعتو شي مسج ما رح تموتو ولا رح ينشل ابن عمكن ولا رح تنهار البناية عليكن ... ورئيس الأرجنتين ما مات لأنو أهمل رسالة العدرا لأبنائها ..... بس يعني ابعتو إيميلات لأنو ببلاش ولا تقلي ماني فاضي اقعد اختار لمين


بدي ارسل ولمين مابدي يا رجل/سيدة أعمال.

10.
ًعاشرا.. :
ما رح يصير معكن سرطان من الديودوران ..ولا رح يهر شعركن من الشامبو .. والكوكا الكولا صحيح بتفتح البلاليع بس صالحة للاستخدام البشري ........ يعني الليمون بيهري البلاط بس ما بموتنا ..

11.
ادعش.. :
كوكا كولا بالمقلوب مو لا مكة لا محمد ..... ما حدا بدو يعمل بار على شكل الكعبة .... هاد مركز خدمة ماكنتوش

12.
طنعش.. :
و لا في بنت بين الحياة و الموت إذا ما بعتت الأيميل لكل الكونتاكت اللي عندك و بهدلت حالك رح تموت هالصغيرة فوراً.

13.
تلتطعش.. :
الريد بول مو مصنوع من بول الثيران .. والجيل مو من دهن الخنزير ... وبيبسي ما دخلها باستمرار دولة اسرائيل ...

14.
أربطعش.. :
ولا حدا يقنعنا انو اذا اجت شي اية قرأن انو ابعتا لحدا .. و يحلفني بالله و بكل الانبياء و الرسل ما رح احلف لانو بشوفو للايميل بس أحياناً بعند وما ببعتو .... تضربو انتو و هل العادة

[دمعة فرح]

ههههههههههههههههههه اي والله تضربو انتو وهالعادة لك خصوصا هي تبع الحلفان وازا مابعتا هيك بيصير فيك ولك عاااااااااا >>>> (صرخة مدوية )
يسلمووو ميمي عالموضوع المهضوم .. لك حاج ضحك من مبارح لليوم بدك تموتيني

[ريماس]

دوم الضحكة دمعة لك اسكتي من امبارح لهلاء عم اضحك
كل لما اشوف خلئتك بتزكر امبارح بقوم بفرط ضحك
شكرا على مرورك تحياتي

[ماهرالفيزو]

مشكورة ريماس صح هيك عم يصير معنا وهاد الي يجنني بس شكلك معصبة