الواحد لما بده أهله يرضوا عليه بيرد عليهم بس همه لما يكونوا زهقانين بيتفششوا
فيه و هذه بعض الردود لما الأهل يكونوا معصبين
الأب :يا ولد
الابن و بكل براءة :نعم
الأب:نعامة ترفسك تعا لهون
الابن:ليش شو سويت؟
الأب: سواك ضريب يخلع رقبتك
الابن:شو فيه؟
الام :شواية تشوي عضمك رد على أبوك زي العالم المحترمة
الابن :هوي أنا حكيت شي؟
الأب:حكحكوا جنابك بالعصايه وقف عدل يا حيوان
الابن :حاضر
الأم: يحضروا على كبرك لما أبوك يحكي انت بتخرس
الابن:أخرس؟
الأب:ايوه إنشاء الله خرسه تخرسك
الابن:ماشي
الأم:اجاك مشش بركبك ما تقوم منه
الابن :شو هاد مشش.....؟؟
الأب:أما انك قليل حيا و بترد بتم أمك هات ألعصاي و تعال
الابن:أنا رديت على أمي؟ماما احكي كلمه
الأم:ماما أللي تقشك نشاء الله ....قال ماما قال! ...حاكيتك إخراس
الابن هون غلب على أمره و سكت
الأب:أما جيل قليل حيا...احكي ولى شبك انخرست؟
الابن:شو احكي؟ إذا حكيت بتشوفوا كلامي غلط
الأب:ليش عمي شايفنا و لا حول؟
الابن:لا اله إلا الله
الأم :الله ياخدك يا ريتني خلفت ابن جيراننا و لا خلفتك
الأب:أنا مالي عارفان هاد الولد إمتى بده يصير رجال. في القعدة دائما فاضحني
وين ما روح
الابن:طيب شو اعمل هلأ مشان تشوفني رجال؟
الأب:إنشاء لله ما تطيب ...اخراااااااس
الابن:يا ربيييييييييي خلاص بقى!! ممكن روح على غرفتي؟ ليش ناديتوني؟
الأم:آه صحيح انت ليش ناديت عال ولد؟
الأب:بتصدقي يا مرة....نسيت ما بعرف خلاص روح أنقبر..إنشاء الله روحة بلا رجعة