bootmgr is compressed in Windows 7

[anadoctorfady]

ملف مرفق 14578

مرحبا يا شباب و صبايا المنتدى
ان شاء الله كل عام و انتم بخير
بمناسبة عيد الفطر السعيد(اجت متأخرة شوية مو هيك )ان
شاء الله ينعاد عليكم بالخير و الصحة و العافية
اول شي لازم تباركولي لاني نزلت
windows 7
هو صحيح كنت رح جن
لان 3/4 البرامج ما اشتغلت
و طبعا صاحبكن ركب راسه وكمان جهازي ركب راسه
وبقينا هيك حوالي اسبوع انا نزل البرامج من هون و هو يعطيني رسائل عجيبة غريبة
مرة يعمل ريستارت لحاله
ومرة تطلعلي شاشة الموت
و مرة يعطيني رسائل ما انزل الله بها من سلطان
بدك واحد خريج معلوماتية و برمجة
لحتى يفهم عليه
و مرة تطلعلي هالعبارة
bootmgr is compressed
press Ctrl+Alt+Del to restart
هالعبارة كانت رح تجنني
لاني بالنهاية مليت من هالحرب اللي مالها فايدة
غير اني عم ضيع وقتي وعم حط عقلي بعقل الكمبيوتر
(شايفين التواضع ما أحلاه )
و صرت مانزل غير البرامج المتوافقة
windows7 مع صاحبنا
و تخليت عن كتير برامج كرمال سواد عيون صاحبنا
ومع ذلك كانت تطلعلي هالرسالة ليش ؟ ما بعرف
و المشكلة ما كانت تطلع الا بعد ما انتهي من تثبيت البرامج ومن الشغلات الاساسية عندي بعد كل فورمات اني كنت اضغط الملفات مشان وفر مساحة ع الهارد ديسك و متل ما بتعرفو هالعملية بتاخد وقت و مشان استفيد من الوقت كنت اشتغل اكتر من شغلة مثلا اعمل بحث عن الفيروسات او عن
bad sector
او نزل برامج او العاب حجمها كبير متل الفيفا2010
pro soccer2010
و كنت لما اعمل ريستارت تطلعلي هالصورة

ملف مرفق 14581

وهي اليوم رح احكي عنها

“bootmgr is compressed” in Windows 7
ورح حاول ان شاء الله يكون الشرح كافي
و بحال نسيت او غلطت بأي شي_ع اعتبار انه مو اختصاصي_اكيد الشباب ما رح يقصروا معنا
ع العموم عندك اكتر من طريقة لحل هالمشكلة
سبب المشكلة
هالمشكلة بتصير انه صار عدد من الاخطاء
Windows 7 في
نظرا لان الملفات انضغطت , انا ما بقول انه هو العيب ,بس انا بدي قول انه ممكن يسبب مشاكل لاقلاع الجهاز و حتى انه ببطئه لما بتطفيه
على كل حال ازا صار هدا الخطأ,معناها ملفات
انها توضعت من المحتمل bootmgr
بمكان تاني غير المكان الرئيسي اللي انت حاطط فيه
Windows 7
لذلك انت رح تشوف الرسالة اللي حكيت عنها
BIOS رح تكون مكتوبة بbootmgr ملفات
ع الهاردديسك الافتراضي ,بس ازا كان ع محرك اقراص تاني ,عندئذ رح تشوف هالمشكلة
الحل
طبعا في عندك اكتر من طريقة لتحل هالمشكلة
الطريقة الاولى
ادخل الدي في دي بالسواقة و اعمل ريستارت لجهازك
و تابع الصور

ملف مرفق 14587

Load Driverو بعدين اختار
وبعدين روح ع جهاز الكمبيوتر
وكليك يمين
و تابع الصور

ملف مرفق 14588

ملف مرفق 14590

ملف مرفق 14591

و بعدين سكّر كل شي فاتحه لتعمل اعادة تشغيل
و ان شاء الله بكون كل شي تمام
و ازا لاسمح الله ما مشي الحال فخلونا نشوف
الطريقة التانية
bootmgr اصلاح
Startup Repairعن طريق

3.jpg

4.jpg

5.jpg

Windows7 لحسن الحظ
رح يكون قادر انه يكتشف و يصلح الاخطاء لذلك
Startup Repairاضغط على
وبعدين الويندوز رح يعمل فحص للنظام مشان الاخطاء و يصلح هالمشكلة
وازا ما مشي الحال لا سمح الله عيد هالعملية اكتر من مرة
وازا لا سمح الله ما مشي الحال خلينا نشوف
الطريقة التالتة
bootmgr اصلاح
Command Prompt عن طريق

5.jpg

ببساطة ادخل هدا الامرلتصلح سجل الاقلاع
/fixboot
وبحال ما مشي الحال فهدا بيعني انه سجل الاقلاع الرئيسي اتضرر لذلك لابد من كتابة هدا الامر
/fixmbr
وازا هدا كمان ما حل المشكلة, و هوني انت لازم تكتب الاوامر التالية لتعيد تكوين ملفات
انت هلأ عم تكّون ملف ,bootmgr
بشكل مؤقت و بعدين رح bootmgr
تستبدلها بالملف الاصلي
طبعا كل امر من الاوامرالتالية لازم يكون بسطر لحاله

expand bootmgr temp
attrib bootmgr -s -r -h
del bootmgr
ren temp bootmgr
attrib bootmgr -a +s +r +h

بالنهاية ما بتمنالكم الا كل خير
و انا طبعا مو محترف او اختصاصي بالبرمجة
هي مجرد خبرة شخصية حبيت انقلها الكم
بحال لا سمح الله صار معكن متل ما صار ع فكرة
الويندوز عندي اصلي 100 /100
و فيه التحديثات كلها
يمكن ميكروسوفت ملت مني ع أد ما عملت تحديثات
حتى الشاشة تكفل بتحديثها عمكم بيل غيتس

امانة ازا عجبكن الموضوع
تقروا الفاتحة على روح والدتي

[En.Khaled Alfaiomi]

مشكور ياغالي

[أحمد فرحات]

مشكور حبيبنا وهي تقيم

[عاشق الوطنية]

مشكور دكتور يعطيك العافية