اللهجة السورية بخمس دقايق.. تفضل وشوف
هذه بعض الكلمات الشامية العامّية
احفظها وروح سوريا أكيد رح يعتقدوا انك واحد منهم
----------------------------------------
دشرو : حل عنّو : يعني دعه و شأنه...ومنه يقال دشّرني:أي حل عني...وحل عني يعني اتركني بحالي.
ماني غضران: يعني لست بقادر وهي بالميداني. ( والميدان هي من مناطق دمشق القديمة وسكانها هم الشوام الاصليون )
الواه الواه : تعبير نسائي قح يفيد التمسخر على شيء ما.
تشكل آسي : يعني تعبير يفيد شدة حب المتكلم للمتكلم عنه.....
والشرح الدقيق ( آسي ) هو الورود التي توضع على القبر ،، تشكل آسي يعني تضع الورد على قبري
ويدل على الرغبة في الموت قبل الحبيب .. (
ولا: أداة تستخدم في النهر والشتم.
وخنان: مسبَة موحلوة بس وضعتها للضرورة اللغوية.
واطي: كمان مسبَة مانها ظريفة بس أيضا وضعت للأمانة اللغوية.
ايدي بزنَارك: تعبير يستخدم للتعبير عن الرجاء أي ( داخل على الله ثم عليك )
شَعرها متل الشوشة: أي أن شعرها منفوش ومنكوش يعني مثل بنات هالايام
وضرَاب السخن : وهي مسبَة وتعني ...... ان تصيبك الحمّى والحرارة(نار)
كوكِش أو فتـّـش بحبش : أيضا مفردة تعني البحث مع التمحيص
ينمحئ = ينضرب على قامتو = يسطفل = خلّك بس ماعليك منه
يتحورق : كمان متل يبعتلو حمّى
يتقوص : بنفس المعنى .. و في كمان كلمة : تتأمّع (هيك شي) بنفس الباب .. كلها دعاوي تنطلق في حالة الغضب.
عود يعـّـد رزك (اقعد يقعد رزَك) ... يعني خيلتنا حاجة تحوص يعني اهجد .. المعنى الأدق .. يقعد رزك يعني تموت والناس ياكلو رز ... لانو لمّا حدى بيموت من العادات انو بتصير عزيمة وبيطعموا الناس اوزي على روح الميت والاوزي اكله معروفة بالشام عبارة عن رقائق عجين محشية رز ببزاليا.
وين غاطط : يعني وينك مانشوفك ؟؟
والسبع تنعام : يعني النا الشرف. ،، تشرَفنا
ما بيعرف الخمسه من الطمسه :عن الرجل اللي ما عنده ثقافه.(؟)
سرّي مرّي : تقال للي دايما داخل طالع من البيت
شروي غروي او شندي بندي أو علاك مصدَي : كلها تحمل نفس المعنى وتقال على الرجل الذي يحكي كلام فاضي
مجنّط - فايت بالحيط - طاقق الفيوز : كلهم للدلاله على واحد رايح فيها ومايدري عن شي
مأنشح- كحته و بيحب الشحته -ايدو ماسكه : تقال على البخيييييييييييل
شاطط و ماطط : يعني مدلع زيادة
نايط : يعني شخص بارد.
شاضومه : يعني بنت مجلوئة ...يعني .. قليله ادب و مصبينه.
شحاطة : مايلبسه المرء في قدمه عندما يكون في المنزل يعني شبشب
تعسيله : نومه بعد الظهر.
مسرسبة : يعني بتحب النظافة كتير.
إغَيييييييييي : هذه يستعملها الابضايات ( يعني الرجال الشديدين وتستعمل للإخافة )(بقتلك)
تاكلك الدودة العميا : وهي دعوة ،، الدودة العميا هي دودة القبر .. يعني الواحد يموت و ياكله الدود بعيد الشر عنكن انشالله .
يبعتلو اتلو شو سمج : ( أتلو = قتله ) .. يعني انشالله يموت و كلمة سمج يعني غليظ وثقيل الدم
موسوس : يعني دائم الشك
عقلو جوزتين بخرج : الجوز نوع من المأكولات يكون على شكل كرة صغيرة ،، خرج يعني كيس كبير فتخيل ان رجل عقله كرتين صغار داخل كيس كبير جدا ،،، يعني عقله صغير.
متل الاطرش بالزفة : الزفّه وهي التي يسووها في العرس ( لولولوليش وغيرها ) يعني شخص اطرش وجالس فس زفة العرس ،، يعني ماله علاقة بالموضوع .
حاج تحوص متل الصوص : يعني يكفي حركة و لف ودوران زي الصوص ( ابن الدجاجة بالرضاعة )
ليست مشكلتي إن لم يفهم البعض مااعنيه؟! وليست مشكلتي .. إن لم تصل الفكرة لأصحابها ؟! فهذه قناعاتي .. وهذه افكاري .. وهذه كتاباتي بين يديكم .. أكتب مااشعر به .. وأقول ماأنا مؤمن به .. انقل هموم غيري بطرح مختلف .. وليس بالضرورة ماأكتبه يعكس حياتي ..الشخصية .. هي في النهاية .. مجرد رؤيه لإفكاري مع كامل ووافر الحب والتقدير لمن يمتلك وعياً كافياً يجبر قلمي على أن يحترمه ..
والله بدنا قاموس بسوريا لكل محافظة ههههه
مشكورة انسة سوسن
مشكور لمرورك استاذ محمد
ليست مشكلتي إن لم يفهم البعض مااعنيه؟! وليست مشكلتي .. إن لم تصل الفكرة لأصحابها ؟! فهذه قناعاتي .. وهذه افكاري .. وهذه كتاباتي بين يديكم .. أكتب مااشعر به .. وأقول ماأنا مؤمن به .. انقل هموم غيري بطرح مختلف .. وليس بالضرورة ماأكتبه يعكس حياتي ..الشخصية .. هي في النهاية .. مجرد رؤيه لإفكاري مع كامل ووافر الحب والتقدير لمن يمتلك وعياً كافياً يجبر قلمي على أن يحترمه ..
هههههههههه
مشكووورة
سوسن
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)