حمصي راح عالدكتور
بعد الفحص قال الدكتور في عندك سرطان بالمخ
آم صرخ الحمصي ! الله أكبر من وين إجاني المخ انا!


واحد حمصي راح يخطب وحده قام قالولو اهلها والله البنت عم تدرس قلون : طيب برجع بعد نص ساعة

حمصي قدم ع وظيفة سألوه شو مؤهلاتك
قال:ابتدائي وبعرف واحد بيدرس بأمريكا

حمصي عضو بمجلس الشعب، اجا دورو بالنقاش،
قال أنا باسم الشعب الحمصي أطالب بإنشاء مرفأ بمدينة حمص،
قال له رئيس المجلس بس يا رفيق هذا الطلب غير ممكن،
قال أنا أصر على طلبي ولن أتنازل عنه ابداً،
نحن في حمص لسنا أقل من أهل اللاذقية وطرطوس،
...قلو رئيس المجلس: بس اللاذقية وطرطوس فيهم بحر،،

قال الحمصي: طيب سجل كمان
بدنا بحر ...


اميركي شاف حمصي .. سالو انت بتعرف تسبح .. قلو الحمصي لاء .. قلو الاميركي .. يا زلمة الكلب بيعرف يسبح وانت لاء .... رد الحمصي وقللو للاميركي انت بتعرف تسبح قلو طبعا ... قلو الحمصي اي متلك متل الكلب



قال في ولد حمصي سأل امه الحامل: ماما مين في ببطونك؟؟
قالتله أخوك
سألها بتحبيه؟؟؟قالتلة يي طبعا بحبه
قالها طيب ليش بلعتيه؟؟؟ :



قال في حمصي كان ماشي بالطريق، شاف قشرة موزة،
قال ولييييي على هالوقعة اللي رح اكلها



حمصي قال لشامي واجعيني عيوني وعم شوف طول النهار نقط سودة بعيوني
قله الشامي شفت شي دكتور عيون؟؟
!!! قله الحمصي لأ شفت بس نقط سودة


حمصي فتح معمل تلج سماه معمل حمص للمياه اليابسة


مرة كان في مجموعة شباب كل ما يشوفوا بعضن بصيرو بيحكو نفس النكت ام مرة اقترح واحد عليهم انو يرقمو النكات
بارقام متسلسلة حتى ما يتعذبو بحكاية النكتة فبيقولو رقمها... مرة كانو مجتمعين ام قال واحد منهم 1 امو صارو يضحكو 2 هاهاهاها 3 هاهاها 17هاهاها ام قال واحد27 ام في واحد منهم فرط ضحك امو
سألوه ليش عم تضحك ام الهن هاي اول مرة بسمعها
ام قال واحد 67 كلهن سكتو ماعدا واحد ضحك اجت المخابرات اخدتو بعد شوي
....


قال في شاب صغير حمصي طلع من البيت، سألته أمه، وين رايح يا حبيبي؟ قال لها 'أنا حرّ' نزل ع الشارع ووقّف سيارة تكسي، سأله الشوفير، وين يا أستاذ؟ قال له الحمصي: إذا لأمي ما قلت لها يعني رح اقول لإلك؟؟؟




قال اثنين حماصنة كانوا عم يلعبوا شطرنج ،
وقد ما طولت المبارات معهم مات الملك بجلطة

واحد حمصي اشترى تكسي و فرحان فيها كتير، صاروا العالم يأشرو لو: تكسي....؟)...وهو يقول: ( ايه بعرف بعرف).. تكسي..)

اثنين من الحماصنة خطر ببال الأول يقول حكمة
فقال:قلي من تعاشر أقول لك من أنت فقال التاني من تعاشر؟؟
رد الأول من انت؟؟؟

اتنين حماصنة عم بقلدوا سيارة إسعاف واحد مد راسه من شباك السيارة اليمين وصار يقول ويوو ويوو ويوو
والتاني مد راسه وصار يقول أزرق أحمر أزرق أحمر أزرق أحمر



قال حمصي لصديقه:بتشرب قهوة.
قال صديقه:إذا شربت قهوة ما بقدر نام.
قال الأول:أنا بعكسك تمام بس نام ما فيني أشرب قهوة

واحد محشش دخل عالدكانة و قلو للزلمة عندك مارلبورو؟ قلو لأ, راح دخل عالدكان اللي بجنبو و قلو: و إنته؟

في مسابقة لاطول قصة في مدرسة وصلت الاحصائيات الى ان اطول ثلاث قصص هي 1000 صفحة 2000صفحة 3000 صفحة ولما اجو يقرو اطول قصة لاقو بالصفحة الاولى ركب مازن على الحصان

ومن الصفحة 2الى 2999 دركد دركد دركد دركد دركد
وباخر صفحة نزل مازن عن الحصان

قال حمصي فتح محل سماه: / بقالة الأقمشة لحلاقة الأحذية الغذائية


في واحد حمصي اشترى سيارة بي ام دبليو الحديثة
وفتح عل راديو سمع هنا لندن قال
يفضح عرضها ما اسرعا...؟


في حمصي سأل واحد بالشارع وين الرصيف التاني ألو مقابيلك
قالو الحمصي سألتهن هنيك وقالو لي هون

ليش حماصنة بيكتبو على نمرة سياراتهم وثبة أو كرامة ؟؟؟
قال لأنو بيكتبو بالشام : جيش أو شرطة ؟؟

في ياباني فات على بقالية بحمص بدو يشتري عشر علب كولا وقال للبياع
'كوميهاني سيبه كولا'
قام رد البياع الحمصي

بدك عشر علب شو