نفسي اتغير واصير
في عالم غيرك واروح
نفسي انسى هالعبير
عطرك وكل الجروح
نفسي انسى
أبعد
أخون
بس أنا ماأقدر اكون؟؟
إلا ماضيك الحنون
مانسيت أنا السوالف
مانسيت أنا العيون
انا هي نفسي حنين
والبكا وقلبي الحزين

أبكي وبيدي اوراق
انت كنت كل السطور
وانا باخرها احتراق
مين يعلمني اثور
واقتل فيني كل شوق
واكرهك كثر الهوا
واعشقك بصدري خفا

ادري انك في ذهول
ساكت وصمتك يثور
وادري انك نفس الفصول
دافي وشمسك حضور
مابي اقرب منك خلاص
لوتبي نقطع هالجسور
ولين جيتك وفيني احساس
قولي بسك ياحنين
حدك تاه العبور ..

ياحبيبي وين اروح
وانت ناسي وأناني
وين اداوي هالجروح
وانت ماقلت لحضني تعالي
بس تبيني في انتظار
ابكي
اسهر
ليل ونهار

هذا جزا حبي وقلبي
وانا الي كنت اضمك واسمي
كنت اخاف عليك حتى مني
كنت أناديك
حبيبي
روحي
وعمري
وأنت تسميني
نبضي
حنيني ودمي
آآه ياقسوة قلبك

كيف قدرت تنسى حناني
ضحكتي ودنيا زماني
مين غافلك بغيابي؟!
مين سرق مني مكاني ؟!
علمك تقسى وتنسى
علمك تصبح اناني ,,,
آآه ياعمري وروحي
آآه يادنيا حناني
كيف انت الي جرحني
كيف انت الي رماني
روح ياعمري وانسى
روح ياقلبي واقسى
روح ياحبي الاناني
الله يعطيك العوافي ,,,,