تسلملي الفهيمة شو بتفهم .. فوتي فوتي

[ريماس]

تسلمولي شو بتفهومو



تعو لأشوف تعلمو معي
شوفو خلو عيونكن عشرة على عشرة
اسحكن يروح عليكن شي سطر كلو على بعضو مهم
يلا بلشنا












1 - الشب المنظوم بيحاول التعرف عليكي بشتى الطرق حتى يحصل رقم الموبايل او رقم الارضي اذا كان محظوظ (لانك بتخافي اهلك يردو وبتصيري انتي تدقيلو ..... لا تفكري كتير عم يوفر يعني )



2 - بيصير يصرعك باتصلاتو ليل ونهار على اشتقتلك وبحبك و مرفقه طبعا بالمسجات الي كلها حب وغرام و غزل (مو من حظك طبعا لازم تردي بشي مسج شكرا عالقليله او مس كول وهو بيفتح الخط بوجهك ..... خرجك )



3 – بيتصل باخر الليالي وانتي بعز النوم او عم تحضري شي فلم عــ mbc2 او mbc max وبيسمعك اغاني حب ورومنسيه

متل اغاني تامر حسني و شايني وورد (و يا خوفك يسمع البابا او الماما او حتى الجيران بسابع طابق صوت الغنيه لانو معلا صوت بس شوي )



4 – بعد فتره تمتد بين اسبوعين و شهر (حسب شخصيتك هي الفترة ) وبعد ما تكوني تعودتي عليه بيوقف المسجات فجاة ولازم تعرفي انو هاد تكتيك مشان تحسي بالفقد انو في شي ناقصك بهالدنيا ( يعني و الله مفكر حالو شي شغله مهمه و الله مو فارقة عندنا ).



5 – بيصير بعد قطع المسجات بفتره لا تتجاوز التلات ايام يخفف الاتصالات و يكتر المس كولات بس شو لا تخافي الاتصالات كلها حب وغزل و من الحكي الي بيعجبك ( وطبعا بيصير يشكيلك انو ما معو مصاري و متقاتل مع ابوه ووووو ومشاكل و الدنيا كلها ضدو ..... في شك !!)



6 – هلأ صرنا بمرحله جديدة وبيقلك الكلمة السحريه حلمت فيكي مبارح بالليل وياريت هالحلم حقيقه كنا انا وانتي بالجنه وكتير كتير كنا مبسوطين او يا حبيبتي انا ما بحب حدا غيرك وماشفت ولا رح شوف متلك يا عمري وحياتي كلا(طبعا مو ضروري الجنه أي مكان اخضر و معزول بيكون منيح من اجل الرومنسيه)



7 – المهم بعدين بيطلب يشوفك بوقت متاخر اكتر من العادة يعني مثلا بتشوفو بعض الظهريات زيديون 6 ساعات

(وانتي بترضي لانك جدبه !!)



8 – بعد الف لعبه وحيله و تعب بتقدري تشوفيه الساعه 8 المسا ( طبعا المكان مخفي ما بدها حكي ..)



9 – هلأ بعد ما تشوفو بعض و بتجلسو بسعاده على غفله بيمسكلك ايدك و بيطلع بعيونك بكل رومنسيه و بيقلك بحبك و بيبوس ايدك و بيصيرو عيونو يدمعو بس'مو شرط' ( وهون انتي بتضعفي ما هيك ..... غبيه !!)



10 – هاد الحكي السابق كلو مرفق بتخفيف المس كولات و الاتصالات وانعدام المسجات من ناحيتو و طبعا انتي بتبسبحي ايدك و بتصيري تتصلي و تسرقي موبايل البابا و الماما و اخوكي لتحكي معو ....... (no comment).



11 – بتصير بهي المرحله كل اللقاءات مسائيه ( لانك كتير ذكيه الله يخليكي لاهلك ...) وبيصير البوس يطلع من الايد لاماكن تانيه ... و بيشتغل الضم بلا طول شرح (وطبعا تفه عليكي .... تفه...) .



12 – ها ها هلأ بعد فترة من الزمن بلقطكم ابن الجيران الصغير (وهاد اذا كنتي محظوظة كتير كتير ) او بتلقطكم شرطة الاداب ( اللي ما لو حظ لا يتعب و لا يشقى بهالحياه ..) .



13 – اذا ما انفضحت نص البلد فيكي بتصيري تطلبي تشوفيه الظهر بس لانو ماعاد فيكي تطلعي المسا ( هئ هئ هئ هئ وصلتي يا بعدي ...) وبيصير مشغول كتير و كل شغل العيله عليه و كل الدنيا عم تطالبوا بمصاريف و ديون .



14 – بتصيري تدقيلو كل النهار يا خارج التغطيه يا بيسكر بوجهك ( هون نصيحة اختي حفظي ماء و جهك و حذفي رقمو ..) .



15 ما محيتي الرقم ما هيك والله بعرف المهم يا ذكيه كملي معي لشوف شو بدو يطلع معك ..... بيتصل فيكي و بيقلك انتي انسانه رائعه و كل شب بالدنيا بيحلم فيكي بس ...................... انا اهلي خطبولي ( وطبعا هاد كذب يا فهيمه لانو مو خادم عسكريه و ما معو اجرة سرفيس بس يعني هاد اذا عندو شي جد ابن حلال بيحسسك بالاكشن و عاساس انو لهلأ بيحبك بس هي الظروف ..) اما اذا ابن حرام بيقلك حلي عني حاج تدقي على هاد الرقم ما حلك تفهمي ماني طايقك تضرب هديك الساعه ..... (i am so sorry )



16 – اخيرا و ليس اخرا بعد ما تكوني اكلتي الصواب الصعب و بلشتي بكي لصارو عيونك حمر

بيطبقك رفيقو الي حس بدناوتو لصاحبو معك (!!!!!!) و بس يطبقك يا عزيزتي بترجعي بتقراي الايميل من الاول لانو (الحمار) استحى انو يوقع بنفس الجورة مرتين


اي هلأ ئولولي اتعلمتو
ولا رد وعيد؟؟؟؟

يابنات انتبهو على حالكم منيح وتعلمو

[الصقرالحنون]

ههههههههههه

حلوة رورو ياريت كل البنات تفكر هيك

كانت الدنيا بخير

مشكورة رورو

[السكون]

اي في هيك شي وكتير منو


مشكووووووورة

[Eng.Sami]

ههههههههههههههههههههههههههههه
حلوة و ملعوبة يسلموووووو