معصب بوشك ع الجليات

[ريماس]

توصلت دراسة طبية حديثة انو(( الجلي)) غسيل الأطباق وأدوات المطبخ يقضي ع القلق عند الزوجة ويعمل ع تحسين حالتها النفسية بشكل كبير .
طبقت هذه الدراسة ع 700امرأة وجد أن 90 % منهن شعرن بمزاج عال وحالة معنوية مرتفعة بعد أداء هذا الواجب المنزلي ، كما اوضحت أجهزة القياس المستخدمة انو الجلي بيعمل حالة استرخاء وارتياح نفسي بشكل كبير .
أكد استاذ الصحة العامة والطب السلوكي ان العلاقة بين العمل المنزلي والاسترخاء النفسي والمزاجي للنساء بأنه محاولة للخروج من الدائرة المغلقة التي يدخلن فيها نتيجة تولد شعور القلق لديهن وبالتالي يتم كسر هذه الدائرة بعمل إيجابي بالرغم من أن عملية غسيل الأطباق عملية ميكانيكية ولكنها تبدو مفيدة ومنها نتائج إيجابية جيدة ، وقد أكدت الدراسة ان 30 % من السيدات اللاتي غسلن الأطباق قبل النوم بساعتين تمتعن بنوم أفضل وأحلام أجمل بعكس يلي أجلو الجلي لتاني يوم او قمن به قبل دخول غرفة النوم بوقت طويل .
وتوضح الدراسه هذه النتيجة بانها تعود الى حدوث عملية احلال للتوترحيث يتحول التوتر السلبي الى إيجابي وحينما يشعر الإنسان أن عليه واجبا لم ينجزه لا يستريح حتى ينتهي منه وبالتالي يتم تفريغ للطاقة النفسية وكسر حدة التوتر

ــــــــــــــــــــــــــــــــــــــــــــــــــ ــــ
ــــــــــــــــــــــــــــــــــــــــــ
ــــــــــــــــــــــــــــ
بالنسبة الي بئول هالحكي مزبوط وصحيح 100%
لأنو لما بعصب بروح ع الجليات
مممممممم واذا مافي بعزل البراد مشان اجلي وبفش خلقي فين هي اذا ماعزلت المطبخ واحيانا بصير غنيمع الشغل وهالشي دليل انو كل التوتر والغضب تبخر ...

الجلي يعني تنضيف وترتيب مشان هيك لما منجلي منحس انو عم نجلي نفسيتنا وننضفها من الزعل والتوتر والغضب
وخصوصا لما بينكسر شي صحن او كاسة ياسلاااااااام
بيكون احسن هيك كأنو انتقمنا من يلي ضايقنا وكسرنا راسو ...
بس الله يستر ماتطلعلي شي كاسة مكسوة من طرفها مو واضحة وتشق ايدي

* بعرف وحدة اتخانقت مع جوزها اخدت كل الكاسات من المطبخ وكسرتهم بالحمام وفشت قلبها

ليش ياحزركن
بالحمام مو بالمطبخ ؟

لانو بالمطبخ رح ينتشر الزجاج بس بالحمام لانو صغير بقدر لمهم بسرعة من غير تعب (حزينة وواعية)



عندي كم سؤال زغار ئد النتوفة
للشباب والصبايا
7
7
7
7
*شو رايكم بالجلي ؟ شو هي مشاعركم تجاه هالعمل ؟

*ممكن تكون عيب بحق الرجل انو يجلي ويساعد مرتو او اختو او امو؟
*شو النظرة للرجل يلي بيجلي ؟
*ممكن تخجل تئولوانو بتساعدو بشغل البيت كالجلي مثلا ؟

[دمعة فرح]

هو فعلا الجلي بيولد راحة نفسية
عن تجربة عم بحكي انا ..
خصوصا لما الواحد بيفكر باللي مدايقو اثناء الجلي
ومتل ماقلتي يكسرلو شي يحس بأنو قضى على اللي مدايقو

اما بالنسبة لسؤالك
انا بقول مافيا شي ازا الشاب ساعد مرتو او اختو او امو
بالعكس يكون فيه روح تعاون

وشكرا كتير الك ياعسل عالطرح الحلو

[الصقرالحنون]

انا جليت كثير بحكم الغربة

لاكن بلبيت مااتذكر حصلت

ولا تحصل كل الي بلبيت مابيرضون بهل شي

ممكن اعمل شاي ممكن اجلي الاركيلة

غير هيك صعب جدا

شكراا رورو

دمت بخير

وبدون تعصيب

[سارة]

انا بصراحة ما كتير بجلي

بس كتير بحب الجلي وخصوصا اذا كان جنبي حدى عم سايروا واضحك معو وكر بقوتها ما بحس وانا عم اجلي

بتعرفي شغلة كتير احيان بكون انا عم اجلي وحكي اخي وبدون ما يحس بخليه يجلي معي على اساس عم يسايرني واخدنا الحديث هيك بدك تقولي ههههههه