* المكونات ..
الكمية لـ 5 اشخاص

دجاج قطع ..

رز بسماتي طويل .. 5 اكواب

بندورة .. 5 حبات مبشورة ..

بصلة كبيرة .. مفرومة ناعم ..

بهارات كبسة 2معلقة كبيرة ونص..

بهار .. هيل .. قرفة .. زنجبيل .. ربع معلقة صغيرة من كل نوع .. ورقة غار ..

2 ليمون مجفف ..

زبيب .. معلقتين كبار ..

سمنة او زبدة .. معلقة كبيرة مع شوية زيت نباتي ..

مرقة سلق الدجاج .. واذا بتحبو مكعب ماجي ليزيد النكهة ...

*الطريقة ..

منحط الجاج ينسلق شوي .. وبيتطيب بالمطيبات (بصلة , ورق غار , بهار , قرفة , قرنفل )
بعد ما ينسلق نصف سلقة .. بينحط بالفرن بعد ما ندهن وجهو بالزبدة .. ليتحمر ...

بهالوقت منحضر الرز..

منحط السمن او الزبدة حسب الرغبة بالطنجرة مع شوية زيت .. ليحمو
منضيف فوقن البصلة .. منقلبها لتشقر ..

منضيف عليها البندورة المبشورة .. ومنقلبها كتير منيح ..
منضيف عليها البهارات الخاصة بالكبسة .. والليمون والزبيب ..
ومنخليهن عالنار شوي مع التقليب ..

منضيف مرق الدجاج ... ومنتركو يغلي شوي ...

بهالوقت نحنا منكون غاسلين الرز وناقعينو ...
منضيف الرز ومنعير الملح على حسب الرغبة ...

بينطبخ على نار هادية ..
وبس يستوي منسكبو ومنحط الجاج على الوش ..

وصحتيـــــن وهنا .